أماني ♧

بارت ١١

مسائكم ورد حبايبي ...🌷🌷⚘

........أماني ♧......

بقلم ..Aseel 💐
البارت١١
...........................

_اماني : بعد ما طلع هيثم بديت الهي روحي بشغل لحد متجي باجي ..

نظفت المطبخ ومسحتة .. جان البيت نظيف بس ظليت افتر بي واندل مكاناتة ...

صعدت لغرفتي ...ورتبت الجرباية ...
وطبيت سبحت ومشطت شعري .. وحاولت اتعلم احط مكياج ... حطيت بس كحلة وحمرة وردي ..

لان جنت لابسة كلابية خليجية  لون وردي متدرج..

...سمعت صوت الجرس اندك ... كلت اكيد باجي ام حسين ...

نزلت اركض لباب البرة صحت منووو ....

_باجي : اني حبيبية اني ام حسين .. ووياية خطار ..

_اماني : فتحت الباب .... وجان انصدم ..
وياها عمة منى وعمة امال ... بس نظراتهن متتفسر..
بقيت صافنة بوجههم....

بعدين سلمت ورحبت بيهم ... فوتتهم جوة بالاستقبال .. وهنة بس صافنات ويباوعن للاثاث..

رحت جبت مي وقدمت الهن وهنة بس يتبسبسن ويباوعلي صفح 😒

رحت طلعت عصاير وكيك الهن .. وقدمتة ..
كامن يتسألن بية شلوني ومرتاحة لو لا..        Aseel

بس جنت مصدومة من سؤالهن وحنيتهن الي نزلت من السما ... معقولة هذني نفسهن الي جنت عايشة وياهن ..لا....لا... ممعقولة ..

رادت يكومن يشوفن البيت .. كمت اني وباجي وياهن ... وكل غرفة يطبلها يشهكن وباجي تكوللهن صلن ع النبي ..

يصلن من ورة خشمهن بس وحدة لازكة بالثانية ومادري شيحجن ...

اخذلهن فرة .. ورجعن كعدن بالاستقبال بس كاعدات على نار من لغيرة ... عبالهن مبهذلة اني ... لو عايشة بذلة وفقر ... الحمد لله والشكر لان كسر عينهن ومخلاهن يتشمتن ..

ويا ما كعدنة باجي كالت ..
_باجي: امونة حبيبتي اخذي راحتج ويا عماتج ..
حروح اسوي الغدة قبل لا يجي الحجي ...

_اماني : هية كالت هيج وهذني رادن يوكعن ..
كتلها باجي حجي اساعدج .. خاف تتعبين ..

_باجي : لا بنيتي انتي عروس ميصير تتعبين نفسج اشوية اشوية اعلمج على اكل الحجي وشيحب ..

هسة ضلي كاعدة يمهن وسولفو واني اكوم احضر واذا احتاجيت شي اصيحلج ..

_اماني : ماشي باجي تسلمين ..
ويا ما كامت .. طلع لسانهن ..

_عمة منى : والله حظ كحا....  على امها حظها كاعد .

_عمة امال: الله ينطي الجوز للماعندة سنون ...
هجمت بيتنة ومرتاحة ابيت سياح نياح ..

_منى : شدعي شكول عليج يا اماني يا بنت موج ..
هججتي الولد .. وانتي هنا عايشة خانم ...

_اماني : عمة اني شعلية بحسن .. هوة رادني وعمي مقبل وهوة طلع شدخلني  قابل لو اني كتلة اطلع ..