كانت حفصه راقده في دارها وناضت مخلوعه وشافة ساعة نقالها القتها اربعه ونص وقعدت اتعيط علي خواتها
حفصه:حياة حياة نوضي
حياة:خير بلاك ماتخلي الواحد ايقيل
حفصه:مابتمشي لبيت سيدي مش اتفقنا معاهن انجوهن اليوم انكسدو عندهن وابتمشي معانا فاطمه النم
# انعرفكم ع فاطمه هدي بنت لاجئه ويسكنو جنبهم يعني جيران وحفصه ماعندها عليها لانه فاطمه شايفه روحها لين بوكل وتشكر في بلادها واجد ومش عاجبها لبلاد يلي قاعده فيه هدا بيش حفصه متغبنه منها
حياة: ايي حق هي تو نوض عدي شوفي باتي قبل لايعدي للمزرعه وايخلينا
حفصه:هي خلاص تو ننزله وانتي نوضي حورية اكيد حتي هيا ابتمشي وحنان اكيد ابتمشي لبيت خالتي اتكسد معاهم
حياة:غير امشي وانتي ماتسكتي
حفصه شافتلها بضحكة هزوه وعدت
نزلت جري لبوها بيش اتقوله ومحمد امقعمز في الصاله يتفرج
محمد: خيرك تجري هزيتي ليبيا كلها 😄
حفصه وهي تمسح في جبهتها: الحمدالله انك قاعد نحسابك طلعت
محمد:خيركن وين ماشيات امالا
حفصه:بنعدو لبيت سيدي مؤيد بنكسدو معا البنات
محمد:اااه بااه جهزن روحكن ولا كان هدا ابنمشي عنكن
حفصه قالتله بترجي :لا وراس باتي ماديرها عارف انت ضروري نلبسو وانشيكو
محمد:هي امشي امشي وانتي اطولي في الدوه
زينب كانت طالعه من الدار وسمعت حفصه تترجا في بوها
زينب: وين ماشيات ان شاءالله قبل لاتاخدن الاذن مني
محمد:خيرك بسم الله اهو قالتلي اني ابيمشن لبيت سيدهن ماهن ماشيات وين
حفصه:خيرك امي تبينا مانمشو
زينب: لا عادي نحساب وين طالعات
حفصه قعدت تضحك في خاطرها عرفت انه امها قعدت اترقع ع روحها
رقيت حفصه لدور التاني وقالت لخواتها ايجهزن روحهن لان بونا مابيراجينا طول بيعدي
جهزن روحن حياة وحورية وحفصه قعدت ادور في كاويشها
حفصه: وين نازلات عني راجني انشوف كويشي مالقيته
حورية: اهو بوي اينادي علينا شكله ابيطلع
نزلن جري وحفصه القت كويشها تحت سريرها
حفصه: اهو الحمدالله القيته
عدت تجري وشاده كويشها في يدها والقتهم ايراجو فيها في السيارة
كلهم يضحكو ع منظرها كيف رايح وشاحها وسبيدروها في يدها 😄😄
محمد: حظك سمح يابنيتي انتي من جاني قالي هدا يلي خلاني انراجيك 😄
حورية:باهي يابابا صار كان وحده مننا راه عديت عننا
محمد وهو ايشغل في السيارة وكلمة بابا مايحبها شبح(شاف) فيها شبحة خطيرة: اييي هيا يلي قاتلي ابتمشي اما انتن ماقلتلي 😒
حفصه اتغير في الجو شافت محل ع اساس عجبها: محلاه ياباتي هالمحل امتي ترفعنا ليه عنده حاجات سمحه شكله
محمد :ان شاءالله ع العيد 😄
حفصه باملل:باتي خيرك هكي خاطري ندهور ع المحلات ليا زمان ماطلعت للمحلات من لما تخرجت
محمد:ايصير خير هي اهو بيت سيدكن انزلن وسلملي عليهم وبعدين اتصلن بيا بيش انروح بيكن
يتبع.......😝
شن رايكم في الروايه انكملها ولا نوقف ايصير مني كاتبه زعمكم
مزال الروايه في بدايتها ان شاءالله حتكون احلي من هكي
فوت ماتنسو 😉
أنت تقرأ
انحبـك ياعبيـده💎💍
Romanceتحكي عن خريجة جامعة لغات صارلها موضوع ماكانت حاطاته في بالها.....رح تعرفو تفاصيل القصه بس في الاول انعرفو الشخصيات في أول بــارت ?
