هلا فيكم أسفه ع التأخير ماكان عندي نت هي نبدو
******************************
حفصه:معقوله بنت عمتي حاسدتني
الياس:والله كيف ماحكيتلك...المهم قوليلي شن صار في موضوعنا 😉
حفصه ازرقت من الخجل (😄):اييي قلتلهم وسألو عليك ماشاءالله عندك السمعه الطيبه
الياس:ههههه امالا شن حتي ني ولد بيتيه امالا غير انتي 😉
حفصه:قصدك حتي انت سألت عليا
الياس:ايي اكيد نبي مرا نظيفه سمعتها واني شفت فيك الحشمه بنت تبارك الله ربي يحفظك ليا
حفصه:بس كيف مقتنع تاخد بنت سمرا
الياس:ههههه عندك علم راني انموت في السماره
حفصه:ههههه صار هكي
الياس:هكي صار...هي نوضي ماتقعدي بروحك...ااه حقا قبل لا ننسا هاتي نقالك انسجل رقمي ونضرب عليه
حفصه:اووكي تفضل
الياس خدي النقال وسجل الرقم وضرب عليه:خلاص وهدا رقمي..هي معليش نستأدنك انشوف خدمتي
حفصه:اوكي تمام
عدا الياس للاستديو وحفصه قعدت في المكتب اتشوف من النافده وشافت المدير خاش من للاذاعه
حفصه:عليك دراه جا هالمزدن
ورجعت قعمزت ودارت روحها تقرا في كتاب 😄
المدير:السلام عليكم
حفصه:وعليكم السلام
المدير:ليش مش معاهم
حفصه:ماقدرت انقدم معاهم جوي مش تمام
المدير:اوكي ع راحتك
حفصه في سرها:امالا ع راحتك تحساب 😠
#كملو البنات وقعدن بجنب حفصه كلهن امقعمزات وايهدرزن الا شروق متبعدا عن بنت خالها
حفصه:قوليلي مروه خيرها شروق هكي
مروه:حفصه ياحبيبتي هدي بنت عمتك المفروض تعرفيها اكتر مني
حفصه:طول عمري واحني مع بعض من اول ابتدائي لين تخرجنا وماريت منها شي,, ليش توا!!!!
مروه:حاسداتك علي الياس كيف هكي ولد طرفوش يتقدملك ابسرعه
حفصه بدت تضحك لين مروه استغربت فيها:هههههههه عليك جو الحمدالله علي نيتي بس معليش الحياة قدام ونتوقع مزال حاجات
مروه:مايصيرلك غير الخير يارب
حفصه:فوتيني منها هيا نبي نفطر جعانه
مروه:ههههه ماتوصي حريص طلبنا مقلوبه واشوي توصللنا
حفصه:وعصير فرش 😳
مروه:ياسلام كيف ننسوه ليك
وصلت طلبيتهن وفطرن وهدرزن اشوي وشروق طول الوقت اتنوض اتلف 😄(مسكينه امكسده ماهي عارفه كيف ادير)
جا الوقت بيش ايروحن وحفصه جت شافت الياس القاته يخدم:ربي يعاونك هي اني امروحه الباص جي
الياس:سلمك تو نتصل بيك خلي تلفونك جنبك..سلام
وصلت حفصه للبيت وطول رقيت فوق جاها اتصال من الياس
حفصه:الووو
الياس:اهلين شنو وصلتي
حفصه:ايي تو ابنرقد طول لاني واكلا وانت روحت ولا مزال
الياس:اييي كيف طالع هي خلاص سلام
حورية:ههههه محلاها وخيتي وهي اتكلم في خطيبها ربي يحفظكم
حفصه:الفال ليك يارب ونفرح بيك حتي اني 😘😘
حورية:هي انزلي الغدي واتي
حفصه:لالا بنرقد قوليلهم مايراجوني
حورية:باهي اوكي (وطلعت وسكرت وراها باب الدار)
حفصه رقدت للعشيه ناضت علي اتصال الياس
حفصه ناضت طول وبدت اتقول احم احم بيش صوتها يقعد اكويس ومايبان عليها كانت راقده بس مافيش فايده كشفها
حفصه بصوتها وهي ناعسه:الووو
الياس:هههه قاعده راقده ياخميره هي نوضي انشطي حفصه:بكل خديتها نوم بالله الساعه كم
الياس:س 7 ومزال راقده
حفصه: شهقت معقوله كله تعب
الياس:اسمعي بنقولك امي مش قاعده سافرت الصبح لطرابلس
حفصه:ان شاءالله خير
الياس:لا خير رافعا بيان خوي معاد مش خاطب من طرابلس
حفصه:اها ربي يكمل عليهم
الياس:ان شاءالله والفال لينا حتي احني ربي يكمل علينا... وامي اكيد مابطول قولي يومين واتجي
حفصه:ان شاءالله... ربي ايوصلها بسلامه
الياس:هي خلاص نوضي واني تو ابنطلع خلاص نتلاقو حفصه:اوكي سلام
حياة:هههههههه منظرك ايضحك ولا صوتك 😄😄😄
حفصه حدفت المخده عليها وقاتلها:اخطيني وانتي كاسرا وذنك 😤
حياة:هيا نوضي خاطري نطلعو للمحلات
حفصه:اييي عادي تغيرت جو قولي لي خوك اياد يرفعنا
حياة:باهي تمام وانتي نوضي
نزلت حياة بيش اتشوف اياد وحفصه توضت وصلت ونزلت للمطبخ بتشوف شن تاكل القت حياة معا اياد وتقنع فيه
حفصه:اووو ايادو
اياد:دايرا روحك بكل قولي نبي حاجه وخلاص
حفصه:ههههه اي بالحق نبو نطلعو
اياد:اووكي جهزن روحكن
حفصه &حورية:😱😱 هي اوكي مابنعطلو
رقين لبسن عبياتهن وحتي حورية تبي تمشي (نوصفلكم حورية وحياة هن لتنين قمحاويات وقصيرات وجسمهن امعدل عكس حفصه صعيفونه)
اياد يضبح عليهن من لوطا:وينكن والله انعدي راه
حورية:هي خلاص نازلين
نزلن البنات وركبن لسيارة ونزلن يلفن ع كل محل فجأه 😳
حفصه شافت الياس امقعمز وايهدرز معا وحتي الياس شافها وبدي طايرتله لما شاف حفصه لكن حفصه الغبيه بدت تتبسم ليه وقت حست انه تغبن من لما شافها بدت تتساءل:زعم خيره طارتله لما شافني
كملن ويلي هدي خدت حاجتها
روحن للبيت وحاسات بالتعب اشوي حفصه نقالها يضرب
حفصه:الووو
يتبــــع......يتبـــع...يــاحلويــن
للكاتبــه gabrialgege
ERأحلــى اتنيــن 💋❤
أنت تقرأ
انحبـك ياعبيـده💎💍
Romanceتحكي عن خريجة جامعة لغات صارلها موضوع ماكانت حاطاته في بالها.....رح تعرفو تفاصيل القصه بس في الاول انعرفو الشخصيات في أول بــارت ?
