انحبـك ياعبيـده💎💍

28

في البيت والحوش زحمة بالنساوين والعيلة كلهم في بيت محمد ايعزو علي زينب.....وحفصه>>>حفصه أأأأأخ مسكينه هالبنت رغم انه امها فارقتها بس هيا يلي قايمة بالحوش صح خالاتها موجودات معاهم وماقصرن بس مابيعرفن كل شي عن الحوش كيف حفصه وأما خواتها منهارات وحده ماتاكل بكل ووحدة دايخا ومش واعيه لي شي وحنان الاصغر وحده في خواتها تبكي وخلاص مش امصدقه انها امها ماتت 😒
وأم الياس كانت موجودة في كل وقت وواقفا معا حفصه لانه سعيده صاحبة زينب.....
*فــي المغــرب ع الســاعة 8:00م

تتفضل الاستاذة الكريمة شـــروق وبكل عين وقحه ولا كأنه صاير شي طبعا أمها مبروكة موجودة كانت ولما شافت بنتها جت تجريلها
مبروكه:ماتتحشمي علي وجهك جاية وحاطا علي وجهك هالوسخ مش عارفا مرت خالك توفت ولا شن والهي خسارة تعبي فيك وتربايتك قطعتي وجهي قدام الناس برا اطلعي روحي قبل لاتشوفك حفصه وتمسح بيك الوطا
شروق:هي ويني اصلا اني جايتها نبي انعزيها في امها
مبروكه:يلي ماتتحشمي قلت امشي روحي ولا واللهي نتصل بي خوك مهدي ايكرك من هالوشاح وايطلعك قدام الناس يشهد عليك الحاضر والغايب
(شروق جت ابتتكلم بس لما شافت حفصه قدامها سكتت وااك عليا كيف ابنوصف منظرها ابجد موقف يكسر القلب ويدخلك علي عقل تاني بكل)
حفصه كانت واقفا كيف الهبله والدمعه في عيونها واتشوف لي شروف بحزن وجت قدمت وقفت قدامها وعطتها كف اتخلي شروق وجها كله في جيهة ليسار وبنبرة غضب وحزن:كيف طاوعك قلبك واديري فينا هكي مافكرتي في خالك مافكرتي في لصغار يلي خليتيهم من غير أم شن قلتي لي أمي بيش انجلطت هكي (شادتها من كتفها واتقوللها وهكي تبكي):قولي قولي
شروق ويدها علي خدها:ماديري جو الحزينه ترا انتي اصلا ماعندك قلب
حفصه:احترمي نفسك هيا برا الحوش ماعندك حاجه فيها واسفه ياعميمه بس بنتك مايجي معاها غير هكي ضروري ننزل لي مستواها بيش تحترم نفسها وتسكت
مبروكه:خلاص اس حشمتنا اهم الناس ايشوفو فيكن
حفصه بصوت عالي:لا خليهم يعرفو بنتك المحترمه هي السبب في كل شي صارلنا....هي معليش برا ماتخليني نتعدا حدودي اكتر
شروق:لالا ياسمحه طالعا بس مزال ماصفيت حسابي معاك
*طبعا كل شي صار قدام سعيده والناس
حفصه بعد الي صار بدت تبكي:ياأمي ياغاليه مشيتي ياراحتي انتي ربي يرحمك ويغفرلك
نورية:نوضي ياروحي خشي داخل وارتاحي
حفصه:مانبي شي نبي امي ترجعلي
نورية:ادعيلها بالرحمه هدا شن محتاجه توا
ليل الليل والكل روح لي حوشه وحفصه في دارها وتذكر في كل لحضه معا امها ودمعتها علي خدها ومجودي ديما راقد في حضنها ومايرقد إلا وهو يبكي ويقول توحشتها أمي
#عند الياس
كان امقعمز جنب أمه ويهدرز معاها علي حفصه شن حالها وشن دايره
سعيده:ياناري عليهن البنات متقطعات علي أمهن بعد بدت صابره وقايمة بالحوش بس من لما جت بنت عمتها ابصر شن اسمها--قطع علي كلامها الياس:أن شاءالله شروق ماغيرها خير بلاها هالبنت
سعيده:حكتله كل يلي صار
الياس:صار مزال ماصفت حسابها مصح وجها وخلاص عارفا ياأمي ضروري انديرلها كارته بيش تحترم نفسها زودتها واني هكي مانتحمل في ❤نصـي شي(وك علي من حبه نجيه انحبه هالولد 💋)
for the writer gabrialgege👑
سعيده:ماتنسا هدي بنت عمتها ماديرلها شي ايمس سمعتهن راهم ناس معروفين
الياس:ايي اكيد نبي انخوفها بس تو اني خوها مهدي نعرفه لكن شن انديرلها مش عارف
سعيده:كان امها فالحه راه خبراته وشدها لكن امها ماتنفع
الياس:ايصير خير تو انشوف صاحبي اسامه صاحب افكار جهنميه
سعيده خبطاته علي كتفه:ههههه كلا انت عليك ولد
#بعد أسبـوع
إلياس عند صاحبه
الياس:وينك يامان شنجوك
اسامه:اهو تمام
الياس:اسمع عندي بنت نبي انديرلها مشكله ونفس الوقت نبي حد ايأدبها
اسامه:غريبه الياس يعرف بنت اني نعرفك خاطب ياكلب
الياس:تي هدي بنت عمت خطيبتي ودايرتلها مشاكل
اسامه:شن اسمها باهي بالك نعرفها
الياس:اسمها شروق أحمد******
أسامه:لا والله مانعرفها لكن عارف نعرف خوها ايكلم في وحده معاي في الكلية
الياس:ايي حتي ني نعرفه مهدي لكن معرفه سطحيه لكن امنور ياسطل صار تعرف البنت يلي ايكلم فيها باهي كيف الراي شن عندك رقمها البنت بيش اتكلمها
اسامه:اسمع راه هوا امتاع علاقات مهدي والبنت يلي ايكلم فيها دايرها بالجو لكن شن انقوللها بيش اتخليه يتفاعل كيف حمض الكبريتيك هههههه
الياس:يلقنك حيوان عارف شن اتقوللها يخا عارف هدا كله نبي نبعتله رساله لكن مكالمة احسن كيف ماقلت
اسامة:غير سقدني شن انقوللها بيش نتصل بيها توا
يتبــــع......😜 ياحلويـــن
للكاتبه gabrialgege👑