انحبـك ياعبيـده💎💍

21

هنـاك أشخـاص فقـدتهم...أتمنى لهـم السعـاده فـي كل خطـوه يخطـوها 😒
للكاتبـه gabrialgege

#عند بطلنا السمح
الياس:ضروري انجيبلها حاجه انوسعلها بيها خاطرها ابجد ضايقتها ومش هاين علي زعلها
وقف عند محل وخدي منه بوكيه ورد وكم طروف شكلاطه وعارفا انها من عشاق سنكرز وعصير لفرش
وصل البطل للاذاعه خش لتسجيل مالقاها حط الحاجات وابيطلع اتجي قدامه شروق كانت واقفا ع الباب
الياس:معليش عطيني الطريق نبي نطلع
شروق تتبسم:ابجد انحبك ياالياس وكيفي اني مابتلقا
الياس:كان نبي كيفك راه خديتك انتي
شروق وعينها في عين الياس:تدكر وقت كنا معا بعصنا في التسجيل كان جونا سمح لكن ليش هكي تغيرت عليا
حفصه طالعا من المكتب واتشوف قدامها شروق كيف قريبه علي الياس ماعرفت كيف تصرف غير انها طارتلها من المنظر كيف بنت عمتها ادير فيها هكي مشتلهم
حفصه:خيرك شروق شن عندك
شروق انصدمت كيف حفصه واجهتها وقاتلها:ماتدخلي
الياس:هدي خطيبتي كيف اتقوليلها ماتدخل
شروق 😱 وخطبتها مزال والله مش حتكملو واتشوفو عدت وخلتهم
حفصه:خسارة الصلة يلي تربطنا كان يعرف باتي شن بيقول علي بنت أخته
الياس:خودي حذرك منها ومادا بيك تقعدي بعيده عنها هدي بضرك
شروق:لا أني بنخبر باتي علي كل شي ادير فيه ويصرفو معاها هلها
الياس شدها من يدها:تعالي يابيبي انوريك غير هالنكد خربت علينا جونا
حفصه 😍:شن في راني انموت في المفاجأت
الياس:اسف ياأحلي وأطيب بنت في الدنيا ومدلها الحاجات
حفصه عيونها دمعو من الفرحه 😍(عاد تخيلو حد يزعلكم وفي دقايق قليله يراضيكم الله عليك شعور انحبه) :شكرا
الياس:انحبك ❤
حفصه:معاد تزعلني 😒
الياس:حاضر غير معاد ترفسي
حفصه:حتي ني حاضر 😄😄😄 نمشي في خط مستقيم من غير رفيس
الياس وحفصه بدو يضحكو وجوهم سمح وشروق تسمع فيهم من غادي
شروق:باهي ياحفصه يابنت زينب كان ماربيتك ياخطافة لرجاله
--------------_----------
روحت حفصه للبيت والقت بوها امقعمز في الصاله حكتله كل شي بتفصيل الممل
محمد:خيرها بسم الله وانتن رفاقة عمر كيف ادير هكي
حفصه:هدا يلي مالقيتله تفسير ياباتي
محمد:تو انكلمها عمتك اتشد بنتها خير من المشاكل بعدين
حفصه:ان شاءالله هي إذنك ياباتي 😘😘
رقيت فوق حفصه وكلمت الياس
حفصه:الوو
الياس:ها حبيبي
حفصه حست بالخجل 😉:عارف مارتحت لين حكيت لي باتي
الياس:بس مرات اديري مشاكل بين العيلتين
حفصه:لالا هكي حكيت يلي فيه من البدايه احسن مايصير شي
الياس:اسمعي راه بوي اليوم جايكم بيش بكمل الموضوع وتقعدي خطيبتي رسمي 😉😉 وت وت
حفصه:ههههه تعلمتها مني 😜..اوكي انقول لي باتي بيش مايطلع وين
الياس:ايي عدي من توا
حفصه:خلاص اوكي نتلاقو
الياس:اوكي سلام
نزلت حفصه لبوها من جديد وخبراته
محمد:باهي اكويس ناقصكم شي تبوني انجيبه
حفصه:لا سلامتك تو انقدمو شاهي ومعاه حلويات
محمد:باهي تمام
رقيت حفصه لدارها غيرت دبشها وتوضت وصلت بعدها نزلت بيش اتغدا
اياد:اهي نزلت العروس 😄😄
مجد الصغير:والله لالا مانبيها اتعرس خليها تقعد معانا
حفصه:هههههه تبيني نقعد لين تزوج انت وله وقعدت تلعب بي شعره وهو يضحك
مجد:اييي بيش اطيبيلي حاجات سمحه
حفصه:ههههه انت ياجالط
اياد:خلاص اهو قالها لك مش شرط اتعرسي اقعدي اخدمي خوتك
حفصه:امشي مصح وجهك ان شاءالله نتزوجو قبل لاتجيبو نساوينكم
في العشية الساعه 5:00
حفصه جهزت الحلويات هي وخواتها
بات الياس اسمه شاهين وجد الياس بشير
وطبعا حتي جد حفصه موجود اسمه عمر
تكلمو في بعضهم وبعدها جا اياد قدملهم الشاهي والحلويات-
الياس يتصل بي حفصه
طوووووط
طووووووط
الياس:هايالحب شن صار
حفصه:هلا مزال قاعدين في الصالون
الياس:امممم
حفصه:انت وين
الياس:اني عند صاحبي
حفصه:باهي اوكي نحكو بعدين
الياس:اوكي سلام
روحو الرجاله وجي محمد لي بنته
محمد:حفصه
حفصه:نعم
محمد:مبارك يابنيتي 😘
حفصه تحشمت ونفس الوقت حست كأنه خلاص بتفارقهم
زينب:مبروك 😘😘😘
وخواتها باركلها
وقاطعها رنت نقال حفصه
حفصه:الو
الياس:مبارك مبارك علينا يالحب
حفصه:ومبروك حتي انت 😍

هدرزو اشوي وبعدين سكرو
-------------------------------
شروق:اسمع نبيك اتجي للاذاعه
الراجل:اوكي تمام
شروق:لكن تعرف لالا ماتجي للاذاعه
الراجل:امالا شن
شروق:نبيك تتصل غدوه ع البرنامج واتسمعها كلام هما ابيفصلو عليك لكن في البدايه خليك محترم بيش مايفصلو عليك طول
الراجل:اوكي تم
شروق:هي خلاص بسلامه توا

الصبح الساعه 10 في الاذاعه وقفت حفصه في التسجيل جنب الياس
الياس:يسعدلي صباحو حبيبي
حفصه:وصباحك (مش عارفا حفصه امتا تتنازل وتعترف لي إلياس)
#عند البنات
مروه اتشوف في اخر الاخبار ع الفيس اشويا شافت بوست مشارك مع حفصه وايباركولها ع الخطوبه
مروه:ااااه حفصه انخطبت يابنات باهي هالحيوانه ماخبرتني
ايناس:ايوا الصقع من هو سعيد الحظ
مروه:ههههه مانحسابك غبيه لها الدرجه الياس ياحماره كيف مالاحظتي عليهم
ايناس:ان شاءالله حقا تعالي انباركولهم وانهزبوهم
في التسجيل كانت حفصه امقعمزه واتهدرز معا الياس لين جنهم البنات
مروه:سلام عليكم
الياس&حفصه:وعليكم السلام
ايناس:مبارك ياعصافير الاذاعه كيف هكي ماتخبرينا ياحفصه
حفصه:الفال ليكن يارب 😘 والله تحشمت انقوللكن
مروه:باهي ياحنه ماعليك ملام
شروق وعبير وسهير:مبارك 😊
حفصه ردتلهن نفس الابتسامه وفاتتهن
يوسف:هيا معليش البرنامج وقت عليه
خشن البنات للمباشر
ايناس: في الصباح .. أستمع إلى صوت العصافير وزقزقتها، وكأنها تهمس لي بكل لطف : لا تيأسي أقبلي على الحياة بكل حب .. الأمل يتجدد كل صباح.في الصباح .. أحب مُراقبة شروق الشمس وهي تُلون السماء بلون زاهي...يسعد صباحكم ياأحلي مستمعين

حفصه:صباح الكلام الجميل يلي ايوسع الخاطر...موضوع حلقتنا عن المحتاج نستقبلو مشاركاتكم علي هدا الرقم 09********

يتبـــع....يتبـــع...ياحلويـن 😘

توفعاتكم شن بيصير فيها حفصه؟!!
للكاتبه gabrialgege 👑