انحبـك ياعبيـده💎💍

24

سكرت حفصه من الياس ونزلت للكفي اتشوف شن تاكل
خدت عصير فرش تبي اتروق روحها اشوي ماتبيش اتكون ضعيفه قدام أمها سمعت حد يضبحلها من بعيد حفصه حفصه
تلفتت حفصه بتشوف من وبدت تجري ناحيته ودموعها ع خدها كانت تبي اضمه بس عيب مايجيش 😂
حفصه:الياس 😥
الياس سلم عليها وحط يده ع كتفها الله غالب ماعنده مايدير غير انه يواسيها وايكون جنبها
الياس:ع سلامتها ياروحي مانبيش انخليك بروحك لعله تحتاجي شي
حفصه:سلمك ليا يارب
رقيو فوق بيش ايشوفو زينب وكانت راقده طلعو من حداها وقعمزو برا مايبوش اينوضوها
الياس:وين خواتك ع الاقل يقعدن معاك
حفصه:شكلهن مزال ماروحن
الياس:اممم
جي محمد ناحيتهم
محمد:السلام عليكم
الياس:وعليكم السلام اهلين عمي محمد لاباس عليها
محمد:سلمك الحمدالله
حفصه وقت شافت باتها والياس حست بالامان والراحة
محمد:هي بنيتي حفصه بكرا بنسافرو لي تونس بيش ابتمشي معا امك
حفصه:ان شاءالله وانت ماشي معانا صح
محمد:ايي اكيد هي خلاص خليني نمشي نقعد جنب امك
حفصه:اوكي باتي
الياس قاعد ساكت ونفس الوقت طارتله كيف خطيبته بتسافر واتخليه « بس معليش امها مريضه ومابتخليها
حفصه قطعت عليه تفكيره
حفصه:حبيبي
الياس بسرعه بديهيه رد عليها:عيون حبيبك
حفصه:هههه مش وقت الدلع متاعك 😂
الياس:خزي خساره فيك اصلا
حفصه:حوو المهم ابجد فرحانه اهو الحمدالله امي بنسفروها وان شاءالله بشفاها
الياس:ايي اكويس وانتي خديتي رايك قبل حتي لاتشوفي راي
حفصه:ابجد الياس مش وقت الحكم امتاعك اتشوف في امي تاعبه وانت قاعد اتفكر كيف ماقتلك
الياس:باهي اكويس ومش عاجبك مزال
حفصه قعدت ساكته ومش عارفا شن اترد عليه
الياس:ايي اصلا ماعندك مابتقولي
حفصه:خيره قلبك قاسي معاي
الياس:مش قلبي بس الواحد ايفكر ويحسب كلمة الراجل قبل لاياخد قراره
حفصه:ايي معليش بس مش وقت الكلام هدا
الياس:اوكي معاك حق بس مره تانيه معاد اتصرفي هكي
حفصه:ان شاءالله
الياس:انحبك 😉
حفصه:حتي ني انحبك
الياس:هي خلاص اني ابنمشي
حفصه:اوكي في حفصه
الياس:اتصلي بيا شن ايصير معاك سلام
قعدت حفصه في مكانها واتفكر في كل كلمه قالها الياس (الله غالب من حبه ليها ايغار عليها من كل شي)
رقيت حفصه فوق لي باتها وامها قعدت جنبهم
محمد:حفصه خلاص عدي روحي اكيد تاعبه مارتحتي بكل من الاذاعه للمستشفى ونفس الوقت جهزي دبشك ودبش أمك
حفصه:كان اني مارتحت انت شنو ياباتي قعدت اتحرك من حاجه لي حاجه...ربي يخليك لينا ياسندنا
محمد:سلمها هي خلاص عندك فلوس بيش اتخلصي التاكسي
حفصه:ايي عندي
محمد:تمام 
🚕🚕وصلت حفصه للبيت
القت قدام الباب فاطمه
حفصه:هلا شنجو
فاطمه:الحمدالله تمام لاباس عليها عميمه زينب
حفصه:مايوريك باس
فاطمه:تعالي ابنسألك
حفصه:تفضلي ياحنه
فاطمه:امبكري شفت شروق طالعا من حوشكم قبل لاتمرض أمك وبعدها بشوي انشوف عمي محمد طالع ورافع معاه عمتي زينب
حفصه:خيرها شروق شن عندها
فاطمه:مش عارفا هدا بيش نسأل فيك
حفصه:تو نسأل باتي هي خلاص سلام ابجد تاعبه ماعندي جو لي حد
فاطمه:اوكي اني بروحي ماشيه
حفصه بدي كلام فاطمه يتردد في عقلها :شروق طالعا من حوشكم //شروق طالعا من حوشكم

اتصلت بي باتها
طووووط
طووووووط

يتبـــع...يتبــع...يـــاحلويـــن ❤💋

للكاتبه gabrialgege