انحبـك ياعبيـده💎💍

18

حفصه:الووو
الياس:اهلا شن جوك
حفصه:تمام خيرك طايرتلك امبكري لما شفتك
الياس:ليش امبكري اتبسمي مش اتشوفي معاي راجل مش عيب هكي!!!
حفصه:ااه والله لما شفتك فرحت هدا ليش
الياس:المهم معاد اديري هكي واسمعي معاش تطلعي من غير علمي راه مانحب هكي
حفصه:باهي حاضر
الياس:هي خلاص نتلاقو
حفصه بدت تشكي لي حياة
حفصه:هدا شكله بيتحكم فيا من توا والمشكله اني الغبيه طول قتله حاضر
حياة:اووو شكلك حبيتيه بيش ماترضي علي زعله
حفصه:غير اسكتي شن بنحبه هكي طول
تسريع الاحداث*******************
بعد اربع أيام في يوم الجمعه في الصبح
الياس:الووو يسعدلي صباحو الحلو وجمعه مباركه
حفصه:وصباحك ياارب وحتي انت جمعه مباركه
الياس:اسمعي عندي ليك بشارة
حفصه:حقو هي قولي شن هي راني فضوليه بكل بكل
الياس:لالا مزال نوضي توضي وصلي وبعدها انخبرك حفصه:الياس خيرك هكي هيا قولي شن عندك
الياس:اسمعي شن قلتلك بعدين انخبرك
حفصه:باهي اوكي 😒
ناضت توضت وصلت ع السريع 😄😄
واتصلت بيه طول
الياس:ههههه هدا كله فضول
حفصه:قتلك فضوليه لين بكل
الياس:باهي ياروحي مانبيك تفرحي واجد بيش كل شي ايصير ع خير
حفصه:باهي حاضر
الياس:خلاص امي اليوم جايتكم امس روحت وزنيت عليها وماسيبتها لين قاتلي باهي 😄
حفصه:😍😍 اتفضل في اي وقت
الياس:المهم زبطي روحك وماتكتري مكياج فكينه منه
حفصه:بالعكس عمتي جايه كيف مانمكيج
الياس:لالا ماديري شي وجهك من غير مكياج سمح وبعدين كان مكيجتي تبدي رصاصيه 😄😄😄
حفصه:😒😭 هكي يدلعو خطيبتهم صح
الياس:ههههه انبصر عليك المهم هي حوسي علي روحك والبسي حاجه اكويسه يعني اتكون مستوره راهي امي اتركز واجد 😁
حفصه:ولا يهمك 😜
الياس:هي خلاص سلام وسكرو الخط
حفصه نزلت تجري لي أمها في المطبخ
زينب:خيرك هدا كله
حفصه:صباح الخير
زينب:صباح النور شن في
حفصه:اليوم بتجي عمتي سعيده بيش اتم الموضوع
زينب:باهي اكويس امشي لبوك بيش ايجيب عصير وحاجات بيش انقدموها
حفصه:باهي اوكي
عدت حفصه وخبراته وقاتله يجيب حاجات بيش يقدموهن
رقيت حفصه لدار بيش اتشوف شن تلبس وجهزت بدلتها ودارت قناع ع وجها بيش يعطيها النظارة
في الساعه 5:00
جهزت حفصه روحها ولبست حاجه خفيفه

وفتحت شعرها ومع اشوي مكياج خفيف
حورية:طالعا اتهبلي يافرخه 😍
حياة:خويتي محلاها 😘😘 ربي يحفظها لي إلياسو يارب
نقال حفصه ضرب
حفصه:الووو
الياس:ها جهزتي روحك
حفصه:ايي
الياس:خلاص امي اشوي وانجيبها عندكم هي سلام توا
حفصه بدت متوتره وخواتها يستعبطن عليها وايغيرلها في جوها
في الساعه 6:05
ونزلت سعيده من سيارة الياس بيش بتخش لحوش حفصه
سعيده:السلام عليكم
طلعتلها زينب:وعليكم السلام اهلين شن حالك
سعيده:الحمدالله » ريتي بالله ع النصيبات من قال اناسبوكم
زينب:اييي نصيب هي تفضلي
سعيده:والله هالإلياس مارتاح لين جابني عندكم
زينب:ربي يحفظه ليك حتي انتي ليك فتره غايبه ع المدرسه وينك
سعيده:كنت امسافره رافعا بيان ولدي معاد
زينب:ماشاءالله ربي يبارك
سعيده:هي وين عروستنا نبي انشوفها
زينب:هي اشويا انكلمها ليك
طلعت وضبحت علي حفصه
حفصه:نعم
زينب:هي تعالي شوفي عمتك سعيده
حفصه بصوت واطي:امي متوتره راني 😥(انتم تعرفو لما تتوتر لين قريب تسمع صوت نبضات قلبك خلاص هدا كيف صاير لحفصه)
زينب:سمي بسم الله وخشي وبلا دلع
خشت زينب ووراها طول حفصه
جت سلمت علي سعيده
سعيده:هلا بنيتي كيف حالك
حفصه قعمزت:الحمدالله سلمك الحمدالله ع سلامتك
سعيده:الله ايسلمك...الياس ديما ايهدرز عليك ومن لما بدت الاذاعه تغير قعد يلبس واينسق هدا كله من وراك انتي
حفصه خجلت من كلامها ☺
سعيده:في السياره قتله ابنفلق الشكاير وانخبرهم عليك قالي فكينا من الجو,, لكن انقولك من توا راهو اكبر عزاز حتي طاسة لميه يبي ايجيبوها ليه 😄
حفصه ارتاحت لعمتها حست انها متقبلتها حتي كان سمره وفرحت علي خفة دمها وكيف اتهدرز يعني جوها سمح
سعيده:المهم خلاص خبرو بوكم بيش ايجو الرجاله وايتم الموضوع رسمي
زينب:ان شاءالله
سعيده:هي نستأذنكم ابنمشي لبيت هلي قريبين عليكم هنا
زينب:خيرك بسم الله اقعدي اشويا اشربي معانا القهوه وعدي
سعيده:هي باهي
ناضت حفصه بيش اتشوف خواتها
القتهن ايحطن في الحلويات وكانت معاهن فاطمه وجت هي بتطيب القهوه ع السريع
فاطمه قعدت تشوف لي حفصه وساكته
حطت حفصه البقرج ع النار وصبت فيه اميه واشوي سكر وحطتله زوز ملاعق سكر ابترفعه ايميل وتتبزع اشوي قهوه علي يدها
حورية&حياة:😱😱ديريلها اميه بارده ابسرعه
حفصه:اااااه يدي 😭😭😭😭 وطول عدت صبت عليها اشوي اميه باارده (وتلفتت ع فاطمه ) كله منك ياوجه ماتصلي ع النبي
فاطمه:ههههههه مصح وجهك بروحك ترقشي
حفصه:باهي باه الحمدالله خفيفه مانحس فيها واجد وجهزت الصفره وقدمت لي عمتها وامها
سعيده:سلمك
شربت سعيده قهوتها وتوكلت
سعيده:هي بسلامه اتصلي بيا لما اتخبرو بوكم
زينب:تمام بسلامه
رقيت حفصه تجري لدارها بيش تتصل بي الياس
يتبــــــع.........يتبـــع.......يـــاحلويـــن 😘😘

للكاتـبه gabrialgege