انحبـك ياعبيـده💎💍

10

هاي أحبابي....بعد إذنكم ياريت اتصوتو ع كل البارتات مش بارت واحد.....انحبكم واجد هلبا دنيا دنيا ❤💋
###############$$$$$$$$$$$
في استديو التسجيل
مروه:السلام عليكم
الياس:وعليكم السلام
مروه:كيف حالك
الياس:سلمك الحمدالله
مروه:معليش هدا اعلان وحفصه ابتقراه
الياس:اوكي تمام هي تفضلي
طبعا الاعلان قاعد في يد الياس
حفصه:معليش عطيني الورقه ولا كيف ابنقرا
الياس في خاطره عليك جالطه ماتتحشم
خشت حفصه وبدت تقرا في الاعلان وشادا الورقه وحاطتها قدام وجها ههههه اعتادت ع الحركه هدي وكل ماتنسجم اتنزلها وتنسا انه في بني ادم قدامها 😃
عند بطلنا كل ماتنزل الورقه يقعد ايركز في ملامحها الطشه وسمارتها السمحه 😍 وتغبن منها لانها كل ماتقرا اتحط في الورقه قدام وجها 😒
كملت وطلعت كلمها الياس:معليش تعالي اسمعي صوتك
حفصه:لالا اكويس مايحتاج
اليااس:باهي اوكي ع راحتك وفي خاطره وااك تعالي وجودك امريحني بكل
وحفصه طلعت تجري اتقولي من يجري وراها 😄
وقدامها البنات
شروق:خيرك حفصو
حفصه:شي انحس في روحي تاعبه (للاسف ماهي تاعبه بس هي حاسه بالخجل من لما كلمها الياس)
حفصه في خاطرها واااك عليا من صوته الرجولي ايهبل 😍 استاعت لروحها ع صوت الباص
بيب بيب
شروق:هي بناويت الباص
طلعن البنات وفي طلعتهن تتعكر حفصه برشاده (بالحجر)
البنات:حفصــــــــــه😱😱
حفصه:واااااك كراعي متورمه 😭😭 مش قادرا انحركها
مروه مشت تجري لي إلياس لانه الاستديو قريب ع الباب
مروه وهي داهشا:معليش الياس تعال ارفع حفصه كراعها تعترت ومش قادرين نرفعوها
الياس مصدوم وماعرف شن ايرد وماقدر ايقول غير:اووكي هي
جي الياس وحفصه كاين منظرها يوجع عيونها امنفخات من كتر لبكي وكراعها متورمه
الياس:هاتي يدك معليش واسندي عليا بيش نرفعك للمستشفى
حفصـه:مانبيش باللهي عليكم اتصلو بي باتي
شروق:مقفل تلفونه كيف بنوصلو فيه اهو الياس يرفعك للمستشفى
حفصه قعدت اتشوف لي الياس من لما قاتلها شروق بوك تلفونه مقفل (يعني حست بالامان في غياب بوها في من ساعدها):هي اوكي معليش يدك
رغم صعوبة الموقف بس المنظر رومنسي حاطا يده ع كتوفه وهو شادها من خسرها بيش ماتحس رجلها
وركبها في سيارته من قدام جنبه ومن ورا مروه وشروق وباقي البنات رفعهن الباص....وصلو للمستشفى والبنات خشن معاها لدكتور...والدكتور شاف حفصه وطلع عندها تمزق ضمدها ليها وعطاها علاج وقاللها:ماتتحركي بيها لين ايطيب جرحك
الياس وجعه حالها وكيف كانت تتوجع واذكر كيف مسكها 😍
طلعت مروه لي إلياس
الياس:شن حالها توا
مروه:الحمدالله اكويسه طلع عندها تمزق وعطاها علاج...معليش تعبناك معانا الياس
الياس:لاوالله عادي
مروه:معليش اتصل بالباص ايجينا بيش يرفعنا
الياس:والله ماصارت اني انروح بيكن
مروه:بارك الله فيك لكن البنات مايقدرن
الياس طارتله:الله غالب بنت تعترت ورفعناها للمستشفى شن الحشمه يلي فيها(الياس راجل حقاني يعني مايحب العيب)
مروه:خلاص اوكي تو انقوللهن
جت مروه للبنات وحكتلهن شن قال الياس
شروق:واااك عليا منه هالطرف حتي كلامه عسل (وتلفتت لي حفصه وقاتلها:نيالك ياكلبه حطيتي يدك ع كتفه 😍
حفصه بتدمر:مش وقتك شروق هي نبي انروح اني قولي لدكتور يعطيني العصا ولا شن اسمها بيش نقدر نمشي اخير من يرفعني شن سماه ربي
مروه:هههههه حتي ني مانعرف اسمها 😄😄
شروق:ولا اني نعرفها 😄😄😄(وحتي الكاتبه ماتعرفها 😄😄😄)
وبعد هسترية ضحك طلعو البنات لي الياس وبيش يروح بيهن
حط مروه الاول وقعدت شروق وحفصه طبعا شروق ابتنزل معاها بيش اتساعدها
الياس:لاباس عليك حفصه
حفصه بخجل:شكرا ومعليش تعبتك معاي
الياس:تعبك راحه ولا يهمك
وصلو للبيت اول ماخشو القت امها في الصاله اتقرض في الخضره للغدا وقت شافتها شهقت:خيرها كراعك
حفصه قعدت تبكي كيف الزغنونه واتقوللها:تعترت ياامي 😔😭 قدام الاذاعه
زينب:سلامتك بنيتي..اهلين شروق
شروق:لاباس عليها عمتي شن حالك باللهي
زينب:الحمدالله كنت غير وين شفت حفصه وكراعها الملفوفه قريب انجلطت
شروق:هههههه الحمدالله ماصارلك شي
زينب:اييي الحمدالله

للكاتبـه gabrialgege

كسدت معاهم شروق لي الليل وباتت عندهم وغيرت جو حفصه وكل اشوي تتشرط عليهم نبي ونبي عاد هي ماتقدر تتحرك كل شي ايجي لي عندها
رقدت حفصه وشروق ع الارضيه هكي تغيرت روتين وقعدن ايهدرزن ع اللقطة يلي صارت كيف الياس قامها
حياة:الله ياريتني اني طحت بيش يرفعني واحد طرف هكي
حفصه:هي تحشمن عاد
حورية:بكل اعععي نتمنه انطيح ع خاطر حد يرفعني مستحييل
شروق:ان شاءالله اتجربيها وبعدها تتمني ديما اطيحي ههههه
حورية خبطت شروق ع ظهرها وقعدت تضحك 😄
رقدن السمحات وحفصه قعدت واعيه وتدكر في كل شي صارلها من لما رفعها لين روح بيها وتذكر كيف ناداها بي اسمها 👼وقالت:واااك ليش قاعد في ذاكرتي اصلا
ردت عليها شروق وهي راقده:جـيـبـيـه ليا
حفصه:ارقدي ارقدي تربحي 😄😄😄
تتبــع......

شن انتقاداتكم ليا شن اتحبو انعدل في الرواية
أرائكم تهمني
الكاتبه gabrialgege 😉