ع اذان الظهر خش محمد توضا وبيش ابيمشي لجامع ايصلي وحفصه مشت لدارها بيش بتكسد ع النت وتفتح الفيس
#بطلتنا الشينه من عشاق الفيس واتحب اتكسد عليه واجد
حفصه سمعت حد اينادي فيها لوطه في الدور الاول طلعت مشت بتشوف من اينادي القاته خوها اياد
طبعا خوها اياد ايحب ايبصر عليها بالضرب وديما ايخبط فيها وايقوللها غير يامتشرده لانها اتحب تلبس قفاطين حوش وبيجامات سروال من هدي وسوريه من بيجامه تانيه 😄 هدا بيش شد فيها الاسم هدا
اياد:في شن ناكل انحس في روحي جعان
حفصه:شن قالولك مثلا خادمة الحوش بيش جاي تسأل فيا اهو المطبخ شوفه
اياد جا كرها من يدها ويضحك:هههه هدي نهاية يلي يتخرج يقعد بين لحيوط هدي ليبيا ماشية بالعكس يلي يتخرج ايشد بيته ويلي مش امكمل امحصل احسن خدمه
حفصه:هههه صقع عليك بإذن الله احسن خدمة جايتني وتشوف ها 😜
اياد: ههههه هدرزي هدرزي
حفصه:بالله اخطاني مابكتر معاك هدرزه
اياد:تعالي ديريلي دحي وراس اوخيتي
حفصه:خلي ليبيا اتوكلك 😄 ومشت تجري لدارها وقفلت الباب لانه عارفه بيزرها من لسانها الطويل
اياد واقف ع باب الدار وداهش:باهي باه دهشتيني
وحفصه بدهشه وتضحك:واللهي غير ايجي بوك انخبره ع بصارتك السامطه
اياد وهو ماشي ناحية الدروج :باه خبريه
وهو نازل لقا امه لوطه:هلا هلا بالوالده شن حالك
زينب:الحمدالله يلقنا الجو برا ساخن وشمس تحرق
اياد:الله غالب
ومحمد كيف جي من الجامع وخش للحوش وينادي في حفصه
نزلت حفصه:نعم باتي
محمد:هي حطي الغدي بنيتي
حفصه:حاضر هي
حطت الغدي ع الطاوله وزينب واياد غير دبشهم وصلو وجو بيتغدو
حفصه قعدت تغمز لبوها بيش يفتح موضوع الاذاعه محمد فهمها وقال:ايي زوبه بنقولك
عمتنا زينب تحشمت كيف دلعها قدامهم وقالت:عيون زينب تفضل احكي
محمد:اسمعي حفصه تبي تخدم في الاذاعه
اياد من لما سمع الخبر اتقول من صب عليه اميه امسقعه 😄😄😄
زينب:ااااه اكويس وفي وين هالاذاعه
حفصه انصدمت كيف امها وافقت طول 😳
اياد:نعم نعم ياباتي قصدك عادي تخدم في اذاعه وصوتها يقعد في الشارع
محمد:مدام اني حي وبناتي حر فيهن وحتي كان متت محد يدخل في قراراتهن كل وحده تعرف مصلحتها وبعدين هدي اذاعه واني عارفها من فيها ومن يخدم فيها
اياد:خلاص باتي ماقلت شي مجرد راي عطيته
وحفصه قعدت اتمد في لسانها وتغمز فيه (يعني مادخله فيها)
محمد:خلاص اهي امك حتي هي اموافقه ع الاذاعه كلميهم ولا تو اني انكلمهم ليك
حفصه:يلي اتشوفه ياباتي
محمد:اهو تو انكلمهم
حفصه:😍😍😍
محمد حاط تلفونه ع وذنه يطلب في الاذاعه:الو السلام عليكم
الاذاعه:اهلن تفضل خوي
محمد:بنتي تبي تخدم معاكم امتي تقدر اتجيكم
الاذاعه:اليوم العشيه نستقبلو فيهم من الساعه 5 لي 7
محمد:خلاص تمام وسكر الخط
حفصه جت ناحية باتها وباساته من خدمه 😘:واااك عليا تو العشيه بطول عليا بيش اتجي
محمد:مجنونه 😄😄جهزي روحك بدري مش كيف امس جايتني تجري بي سبيدروك
حفصه:حاضر باتي ولا يهمك..لكن اتصدق وااك ماقلت لي شروق بنت عمتي نبيها حتي هيا معاي تمشي انت عارف ياباتي هدي صديقة العمر رافقتني في كل شي من اول ابتدائي وهي معاي
محمد:خلاص قوليلها هم اصلا يسقبلو فيهم العشيه
يتبع ياحلوين......
زعمكم شروق تمشي معاها 😉
أنت تقرأ
انحبـك ياعبيـده💎💍
Romanceتحكي عن خريجة جامعة لغات صارلها موضوع ماكانت حاطاته في بالها.....رح تعرفو تفاصيل القصه بس في الاول انعرفو الشخصيات في أول بــارت ?
