انحبـك ياعبيـده💎💍

❤22💔

سيتم تغير الاسم لي انحبـك ياعبيـده💎💍
كملو باقي الحلقه وخدو فاصل
طلعت شروق بيش تتصل بي الراجل
شروق:الوو خير مزال ماتصلت
الراجل:انراجي فيك تعطيني الاشاره
شروق:هي بعد الفاصل اتصل لانه خطيبها قاعد معانا في المباشر (طبعا الياس كاين امقعمز جنب يوسف هكي ايساند في حفصه بما انه موضوع الحلقه عليها وشروق الحقيره استغلت الفرصه)
خشت للمباشر وبدو في الحلقه
حفصه:ورجعنالكم مستمعينا كيف ماقتلكم موضوع حلقتنا عن المحتاج تقدرو اتشاركونا علي هدا الرقم 09******
إيهاب:اكيد اختي حفصه وكيف ماكنا نحكو قبل الفاصل انه في واجد مؤسسات في ليبيا اتساعد خوتنا المحتاجه ولو حد حاب ايساعدهم يتواصل معانا
ايناس:معانا اتصال الووو السلام عليكم
المتصل:وعليكم السلام انحييكم ع برنامجكم والله ياخوتي الحال مايعلم بيه غير ربي نتمنا اتساعدوني ونبي نخدمكم خدمه
حفصه:تفضل خوي
المتصل:من هي المذيعه حفصه
الياس استغرب وطول قعد ايشوف لي حفصه
حفصه:تفضل خوي اني حفصه
المتصل:ردي بالك يابنتي من البنت شروق مش ناويتلك علي خير راني كنت ابنحكي عليك بنيه وسخه بس موضوعك شدني لاني اني منهم الناس المحتاجه نكسر قلب بنت مادارتلي شي ليش حرام عليا هكي واني راجل عندي بنات وانخاف عليهن
حفصه بدت تحمد ربي مليون مره لانه سترها قدام الناس وقعدت اتشوف لي شروق نظرة حزن
وشروق بدت مصدومه والكل قعد ايشوفلها لانهم عارفين كلهم انها تجري ورا الياس
سكر المتصل والكل مصدوم كملو برنامجهم ولا كأنه شي صار حفصه جوها عادي بس شروق يلي مش عارفا كيف نوصف حالتها من الحسره
ختمو الحلقه وطلعو كلهم
حفصه:ننصحك بنت عمتي هدا مش ليك التخريب مانعرفك هكي اني
الياس:وعلي نياتكم ترزقون صفي نيتك..هيا حفصه نوضي نطلعو
حفصه حطت يدها ع كتف شروق وابتسمتلها وطلعت
حفصه&الياس كانو طالعين ايشوفو للمدير جاي
المدير:وينها هدي يلي اسمها شروق
حفصه:ياريت ماتكلمها
المدير:تي شن مانكلمها كيف اتحرض متصل علينا
حفصه جت بتكلم سكتها الياس:اششش مادخلك فيها هيا ماكانت ناوية ع خير خليه يصرف معاها
جي المدير لي شروق
المدير:شروق معاد اتجي للاذاعه انتي مطروده
شروق بدت تبكي واتقول:الحقير ماكنت متفقه معاه هكي بس تو ايشوف عليها
المدير من كتر حبه لي شروق ماتحمل ايشوفها تبكي وجي قعمز جنبها وقاللها:بس انتي غالطه ماتحطي لومك عليه ومش اي حد توثقي فيه ومن غلطتك هدي فيقي وتعلمي درس
شروق زادت تبكي
المدير:انتي قبل تبي تكسري قلب حفصه واتوجعيها بس الاية انقلبت عليك هدا امتحان من ربي ولازم تتعلمي ومعاد اتعاودي
شروق:مش رح انتعلم وماهي اني يلي تنكسر وحفصه مابنخليها اتهنا
المدير:إذن انتي مطروده معليش
شروق:هههههه من قالك بنكمل معاكم اصلا بعد الشهدره يلي صارت
#في التسجيل
نقال حفصه ضرب
حفصه:الوو
محمد:ها بنيتي شن المتصل يلي قبل اشوي سمعته
حفصه:والله مش عارفا بس الواضح انه قبل يبي ايقول كلام مش اكويس في حقي
محمد:وهدا كله من ورا شروق وله
حفصه:اييي للاسف
محمد:توا كنت عند امها وكلمتها ان شاءالله اديرلها حل
حفصه:ان شاءالله
محمد:ردي بالك ع روحك هي بسلامه
حفصه:حتي انت بسلامه
الياس:ان شاءالله هدا عمي
حفصه:اييي
الياس:خيرك ماسلمتيلي عليه 😁
حفصه:ههههه ماقتلي
كانو ايهدرزو واشوي شافو شروق طالعا من الاذاعه حفصه:حيي هدي وين ماشيه خليني انعديلها انشوفها
الياس:قعمزي في مكانك هدي جت بتوسخ سمعتك بس الحمدالله ربي يحبك
حفصه:ايي الحمدالله
for the writer 👑gabrialgege
شروق طلعت من الاذاعه ومنهاره بس مزال قاعده تبي اتفرق حفصه عن الياس
وصلت شروق للبيت
ام شروق اسمها مبروكه
مبروكه:شن الفضيحه يلي درتيها في الاذاعه
شروق:تربحك امي ابجد ماعندي جو لي حد
مبروكه:تحشمي علي وجهك انكلم فيك جاوبيني
شروق:نعم
مبروكه:اليوم جاني خالك يشكي منك تو مش عيب عليك هكي
شروق:ومزال خبرت خالي عليا صار
مبروكه:امالا شن تبيها ادير معاها الحق عارفا عقابك عندي والحوش ماتطلعي منه شهر كامل
شروق من داخلها انقهرت بس اكتفيت بكلمة:مش هامني شي
مبروكه:تو انشوف كيف مش هامك
خشت لدارها
شروق:والله أنأدبك ياحفصه قلبتيهم كلهم عليا

#عند حفصه والياس
جوهم سمح بكل يضحكو وايبصرو
حفصه:الياس
الياس:عيون الياس
حفصه:ابجد انحبك ياسندي
الياس:😱واخيرا نطقتيها حتي ني انحبك ياعبيده 😘

يتبــــع..... يتبــــع... ياحلويـــن

للكاتبــه gabrialgege
شن رايكم في الحلقه عجبتكم وله لا!!!