في الباص وحفصه طول الوقت اتفكر في الياس والرجوليه يلي فيه ايهبل ايهبل عرض وطول وشخصيه مروه:ههههه سارحه في حال خبريني شن صار معاك حفصه خبرتها بكل التفاصيل مروه:تي هدا ميت فيك طيحتيه ياكلبه وصلت حفصه لبيتهم هي خلاص باي نتلاقو غدوه سهير وعبير يتغومزن عليها حفصه لمحتهن وعطتهن نظره اتخليهن يستاكن في مكانهن 😏 نزلت حفصه لبيتهم والقت بوها في الصاله باست ع راسه وركبت لدارها القت حورية &وحياة:شن صار فيك احكيلنا خبرتهن حفصه بكل شي حورية&حياة:شن تراجي عدي قولي لي أمي حفصه:انحس في روحي متحشمه حورية:هههههههه بدينا في الجو تو اني انقوللها امي بنتك جاينها خطابه وانتي كملي الباقي حفصه:عينك تو نبي نرقد قبل وبعدها انخبرها غبرت دبشها نزلت تغدت ورجعت لدارها ارتاحت اشوي خدتها نومه سمحه لين ناضت ع دوشت خوتها لوطه حسهم يلعبو كورة حفصه:محلاها عليك نومه نزلت القت فاطمه معاهم حفصه:ابوجهك امالا ماتشدي حوشكم فاطمه:تو انروح حفصه:ههههه واتيه هالمره قبل وجهك كيف هدا الساس ماتعدلي حورية:اسكتي ياكلبه سادك حفصه:المهم وين امي حياة:صار خلاص فرجتي عليه فاطمه:علي شن خبروني حورية:قريب تو تسمعي حفصه:تو امي وين السؤال قاعد امعلق حياة:ههههه قاعده في دارها مشت حفصه خبطت ع الدار زينب:خشي حفصه:شن حالك امي وينك امبكري مش امبينه زينب:كنت عند خالتك حفصه:اممم المهم امي في واحد متقدملي زينب:هدي الساعه لمباركة من وولد من حفصه:معاي في الاذاعه اسمه الياس******* زينب:اتقولي هدا ولد صاحبتي معاي في المدرسه باهي اكويس ماشاءالله شنو انتي رايك اتشوفي فيه اكويس حفصه:والله انشوف فيه معانا هادي وع حاله زينب:تو انخبر بوك بيش يسألنا عليه حفصه:باهي اوكي قوليلي شن ايقولك باتي زينب:حاضر طلعت حفصه ورقيت لدارها كسدت ع الفيس والانستا اتقلب في الصفحات حاسه بالملل سمعت صوت اياد مشت تجريله حفصه وهي داهشه:وراس وخي طلعني خاطري انغير جوي اياد وهو فاصل:بالله اخطيني راني متغبن حفصه:خيرك شن في اياد:عندي امتحان مهم مادرته حفصه:علي هادي باهي تو اتعوضه في النهائي ان شاءالله تبي انديرلك كيكه انغيرو عليها جونا اياد:ديري وتو اني نمشي انجيب نوتيلا حفصه:تمام دارت كيكه جت سمحه خفيفه واياد جاب الشكلاطه ودارتها ع الكيكه وقدمتها معا الشاهي ومحمد كاين امقعمز معاهم اشويا مشي لداره وضبح علي: حفصه حفصه:نعم باتي تعالي نبيك خشت وراه لدار محمد:شن رايك فيه يلي متقدملك اموافقه عليه حفصه والخجول راكبها:ايي ياباتي ارتحتله وان شاءالله ايكون ولد حلال محمد:سألت عليه اني باين عليه اكويس يلي نسأله يشكر فيه وفي يلي مايعرفه حفصه:يعني اموافق محمد:هههههه انتي شن مادخلك فيا اني حفصه:لا باتي انت الكل في الكل محمد:ان شاءالله ربي يسعدك معاه حفصه جت باساته من خده:سلمك ليا ياغالي 😘😘 طلعت من الدار وحاسه بالفرحه رقيت لدارها والقت خواتها ايراجن فيها حورية:قوليلنا شن صار 😍 حفصه بدت اتزغرط بصوت واطي:روروروروي 😉 حياة:هههههههه عليك جو خلاص تو غدوه بيجو اماليه اكيد حفصه:مش عارفا لكن شكلني مزال انزدنها عليه حورية وحياة فنصن فيها وقاللها: مصح وجهك 😠 خلاص نبو نفرحو بيك حفصه بدت تضحك 😄😄وبعدها تنهدت 😥 وقالت: زعمكن ايكون اكويس معاي حورية:ليش قولتي هكي ان شاءالله ايكون اكويس وايعيشك حفصه:ان شاءالله رقدن البنات الا حفصه طول الوقت اتفكر في الياس وكيف كلمها اليوم وعيونه يلي ديما في ذاكرتها في الصبح ناضت حفصه باملل وخشت خدت دوش وصلت وبعدها لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حورية:ايوا احني ايوا عالشياكة والجو حفصه:ههه اقلبي وجهك خير هي باي باي الباص حسه لوطه نزلت وركبت في الباص حتي شروق كانت موجوده حفصه:اووو شروقتي توحشتك ياكلبه ليش غايبه أمس شروق:اهلين حفصه اتقول من صب عليها اميه بارده 😳😳:خزي خيرك هكي معاي شروق:مادرتي شي بس اني ماعندي ليك جو حفصه والدمعه في عيونها:اكويس يابنت عمتي خليتي راجل ايفرق بيناتنا شروق:انتي عارفا روحك حفصه:شن كادبين عليك وصدقتي شروق:باللهي سكري ع الموضوع(دفتها في حفصه بيش تطلع هي البريئه في الاخير) حفصه قالت في خاطرها:تو نفهم الموضوع من الياس وصلو للاذاعه مروه:هي انزلن سادكن نقاش نزلن البنات واتجهن للمباشر وحفصه حتي التسجيل ماتلفتت عليه لانه وجعها خاطرها من بنت عمتها ومزال زادها لما شافت يوسف واذكرت موقف امس قعدت واقفه حفصه وقالت:مش امقدمه الحلقه اليوم يوسف:ليش ياحفصه حفصه:انت اسكت مادخلك وطلعت مروه:تعالي خيرك شن صاير حفصه:مروه تربحي راني مضايقه ونبي نقعد بروحي قعدت في المكتب اتراجي لين جا الياس وقف ع الباب وهي كانت بروحها في المكتب الياس:صبااااح الخير 😉 حفصه:صباح النور 😏 الياس لاحظ عليها كيف عابسه وجها وجي قعمز قدامها وقاللها:خيرك شن في مش عندك حلقه حفصه ودموعها في عيونها :مانبي انقدم ابجد مضايقه الياس:باهي تعالي في التسجيل حفصه فصلت وبصوت عالي بس الحمدالله الاذاعه فاضيه والبقيه في المباشر مايسمعوها:خيركم معايا يلي هدا يشتغل علي مصلحته وتعال انت في الاخر اتقولي تعالي لتسجيل الياس:المراة مايعلى صوتها ع الراجل لو سمحتي حفصه:ايي معليش ومايجيش المراة اتكون مع راجل بروحها الياس:تو احني مش هدا نقاشنه انتي خيرك شن في حفصه:بنت عمتي ضايقتني شن درتلها بيش تتغير عليا 😥 الياس:انقولك حاجه راه ماعمرك توثقي في حد حتي خواتك حفصه:بالله شن اتقول انت شن دخل خواتي الياس:المهم بنت عمتك راه بدت تتقرب مني من لما عرفت ان انا نبيك وهي زبطتني من نظراتي ليك ومن لما رفعتك وقت طحتي هدا كله كنت امركز فيه حفصه: يتبـــــع....يتبـــــع.يـــاحلويـــن
كـــل عـــام وانتـــم بخيــــر 😘💋❤💌🌹🌷 انحبـــكم
للكاتبـه gabrialgege مقصود نزلتها ليكم اليوم لانه غدوه مابنفضه ودرتها طويله ان شاءالله تعجبكم
