مروه:في واحد من الاذاعه يبي يتقدملك شن رايك
حفصه:اي منهم قصدك وطول تفكرت إلياس في بالها
مروه:إلياس هو يلي دزني ليك شنو انقوله عادي ولا لين بتشاوري هلك
حفصه:ماتقوليله شي تو انرد عليه وعادي يصبر شن وراه
مروه:هههه خزي حقيره قصدك اتقيسي في غلاه ليك
حفصه:لالا نتأكد كان هو جاد في الموضوع
مروه:خلاص اوكي
مشت حفصه وحست بفرحه كبيره في قلبها واذكرت الراحه يلي اتحس فيها وين اتشوف عيونه وقالت في خاطرها كنت حاسه انه هدا ليا بس ماكنت امصدقه
اشوي وتسمع نقالها ايرن
حفصه:الوو خالتو
نوريه:هلا حبيبتي وين انتي
حفصه:في الاذاعه اشوي وامروحه كملت الحلقه
نورية:اسمعي غدوه بنسافر ونبيك تمشي معاي
حفصه:الله قداش خاطري نسافر باهي لي وين
نورية:لمصر
حفصه عيطت بصوت عالي لين الكل سمعها:خلاص ابنمشي حتي كان امي قالت لا ابنمشي 😠
نورية:في عينك اصلا قتلها امك وهي قاتلي انقولك
حفصه:الله قداش فرحتيني خلاص بعد انروح انجهز روحي وانجي انبات عندكم
نورية:اوكي سلام
مروه:خيرك يافرخه اتعيطي
حفصه:الله جتني سفره في وقتها يلقنه خاطري فيها المشيه لمصر
مروه:وموضوعك شن بيصير فيه
حفصه:ههههه خليه امعلق بعد انروح انرد عليه
مروه:ع راحتك بس الراجل بيطير منك كان هكي
حفصه:كان طار معناها مايبيني وكل شي قسمه ونصيب
اشوي جاهم ايهاب وقاللهم الباص امتاعكم ايراجي
طلعن البنات والياس كلم مروه
الياس:شن صار قلتيلها
مروه:تو بتسافر واترد عليك بعد اتروح
الياس:هههه باهي ع راحتها المهم اني نبيها
(#تعالو انخبركم الياس كاين خاطب بنت عمه
وماصارلهم نصيب لانها خاناته وليهم سنه من لما فسخو وقرر يخطب من لما شروق بدت اتقرب منه وحس انها مش اكويسه لانه ماعمره البنت هي الي اتجي لراجل....الراجل هوا يلي ايجي للبنت هدي قناعته الياس وانجذب لي حفصـه اكتر لانها بنت) خجوله
#في حوش إلياس(ماعرفتكم علي أمه اسمها سعيده )
إليـاس:سعيــــده وين الغدي
سعيده:تحشم علي وجهك وقول أمي
إلياس:هههههه خيرك طايرتلك
سعيده:خوك معاذ قهرني
إلياس:خيره شن دار
سعيده:دبشه امخليه بايت في الغساله
إلياس:هههههههههه وااك بطني غير عشان دبشه بات في الغساله وهكي امالا اني شن اتقولي انخليه ايبات وانرد انولع عليه وانخليه ايقيل 😄😄😄
سعيده:ابتجلطوني انتم
إلياس جاها وباس ع راسها:ربي ايخليك لينا ولا يحرمنا منك
سعيده:شن صار في البنت يلي تبيها كلمتها
إلياس:خبرها ع الي صار.....بتفصيل
سعيده:هدي تدلع شكلها
الياس:ههههه عارفه جو النساوين اني, حسيتها اتجرب فيا
سعيده:باهي ان شاءالله من قسمك
اشوي وقف عليهم معاذ:يلقنه نبي انشوفها اني هدي يلي غيراتك وخلاتك اتنسق في روحك وتمشي للخدمه وضحكه شاركه وجهك 😄😄
اتجيه مخده طايره في الهوا من غير مايتوقع 😂
معاذ:تي خيرك ياراجل
الياس:بيش مره تانيه اتحشم
نمشو لبطلتنا 😉😉😉
اتجهز في شنطتها وخواتها واقفات ومنظر وجهن مايتفسر حتي هن يبن ايسافرن معاها غير عندهن قراية
حياة:مصح وجهك كيف تمشي واتخلينا
حفصه:لا والله هدا الناقص غير ديما ابنقعدلكن
حورية:اااه خلاص ابنبكي اني
حفصه:ايي حق ماخبرتكن تعالن قعمزن عندي قنبله بنفجرها ليكن 😄
حورية & حياة:شن في
حفصه:في واحد تقدملي من تتوقعن
حورية&حياة:كذابه من هو تعيس الحظ
حفصه:خليكن متشوقات بعد انروح انقوللكن 😄😄
حورية&حياة تلاقن عليها ويضربن:قولي قولي ابسرعه
حفصه:باهي خلاص غير حولن عني
حورية&حياة:هي قولي من
حفصه وبدهشه:عنشكلكن هدا الياس بعتلي مع مروه
حورية&حياة:كذااااابه 😱 ان شاءالله هالمغرور
حفصه:ايي هوا نفسه لكن اسمعن ماتقولن لي حد لين انروح وايصير خير
حورية&حياة:باهي اوكي
نزلت حفصه لي بوها بيش ايوصلها لبيت جدها بيش
حفصه اتخبط ع الدار:باتي
محمد:نعم
حفصه:هي اتوصلني لبيت جدي
محمد:جهزتي روحك خلاص
حفصه:ايي كملت
طلع محمد هي انسخن السيارة بس
حفصه عطاته بوسه ع خده:ابنستاحشك وااجد ياغالي
محمد:ربي يحفظك بنيتي
نزلت شناطيها وسلمة ع العيلة وطلعت ركبت في السيارة وحطها في بيت جدها
خشت حفصه لبيت جدها وسلمت ع الكل وخشت لدار خالاتها القت نورية اتجهز في شنطتها
حفصه:اووو خالتي اتوتي في حال
نورية:اييي بالله
حفصه:كم يوم ابنقعدو
نورية:اربع ايام بس عندي اربع محاضرات نعطيهن وخلاص
(نورية معيدة في جامعة مصريه تمشي كل شهر تعطي المحاظرات)
حفصه:اها باهي اكويس مابنطولو معناها نتصل بي مروه بيش وانقوللها بيش مايقولو سافرت وفاتتنا
نورية:ايي احسن
حفصه اتصلت بي مروه وقاتلها: اوكي تو انقول للمدير وسكرت الخط
حفصه:وين خالتي نجلا مش امبينه
نورية:عند صاحبتها تو اتجي
حفصه:خليني انكسد جنب جدتي لين اتجي
مشت حفصه جنب جدتها وقعدت اتهدرز عليها لين جت نجلا
حفصه:اووو خالتو 😘😘 شن حالك
نجلا:الحمدالله تمام
حفصه:خيرك ماتسافري معانا غدوه
نجلا:قاتلي نوريه وانتي بروحك عارفه مصر ماعندي عليها
حفصه:باهي ع راحتك تعالي بنقولك
نجلا:شنو شن في
حفصه:تعالي انكسدو برا راني نفتح في عيوني بسيف نبي نرقد لكن مانتهنى لين انخبرك قبل
نجلا:هي تعالي
طلعو وفرشو وقعمزو
حفصه:تعالي ياحنه في مسطول متقدملي قولي من
نجلا:من ياهمي
حفصه:وااحد ماتتوقعيه بكل
نجلا:قولي بلا نم
حفصه:الياس امتاع الاذاعه
نجلا:سبحان الله كنتي اتقولي انشوف في عيونه نرتاح
حفصه:ايي ريتي
نجلا:وشنو بتوافقي صح
حفصه:لين انروح من مصر ساهل
يتبـــع.......يتبـــع
للكاتبـه gabrialgege
انحبكم واااجد هي 😘😘😘...ماتنسو فوت وكومنت 😍😘
أنت تقرأ
انحبـك ياعبيـده💎💍
Romanceتحكي عن خريجة جامعة لغات صارلها موضوع ماكانت حاطاته في بالها.....رح تعرفو تفاصيل القصه بس في الاول انعرفو الشخصيات في أول بــارت ?
