انحبـك ياعبيـده💎💍

والاخيـرة 😉29

معليش ع التأخير هي نبدو في الرواية وان شاءالله تعجبكم
الياس:والله انك بدنيا باهي (قعد ايحك في راسه وايفكر شن ايخبروها وفي لحظه خطرت عليه فكره)اهو القيتها قوللها اتقوله امس شفت اختك في بيت خالك والنساوين يتكلمن عليها انها هيا السبب في وفاة مرت خالها وقوللها ادير معاها جو دراما بيش ايصدقها
اسامه:خلاص تم هي تو نتصل انشوف اسمها ترا
الياس:خزي عندك عرم ارقام بناويت يامسخ
اسامه:ههههه تبي حاجتك واتهين فيا مزال مصحك وخلاص
الياس:غير اتصل وانت ساكت
اسامه:ههههههه كيف اتجي ترا نتصل ونسكت 😂😂
الياس شلح سباطه وقعد ايخوش فيه
اسامه:خلاص اسكت اهو قاعد اينادي راه
طووووط
طووووط
رانيا:الوو
اسامه:هلا بالسمحه شن جوك
رانيا:اهلين اسامه الحمدالله شن جوك انت
اسامه:والله تمام اسمعي نبيك في خدمة وماتحشميني مع صاحبي وياريت ماترديني
رانيا:تفضل ان شاءالله نقدر عليها
اسامه خبرها بكل القصه
رانيا:مهدي مهدي
اسامه:خيرك امالا اعطلتي
رانيا:ههههه لا والله بس هالولد راه صعب ومرات مايصدقني
اسامه:تي لا حقا القصه صاير منها وهوا طول ابيسأل امه واكيد مابتقدر ادس عنه
رانيا:اها تمام بس قولي شن اسم بنت خالها ومن عندهم متوفي ومن شن توفت ع الاقل انكون فاهمه القصه كويس
اسامة:حفصه محمد**** وامها زينب**** وسبب وفاتها جلطه
رانيا:خلاص تم عطيني دقايق ونتصل بيه
اسامه:ماتنسي معاها دراما ايوا
رانيا:اوكي في هدي ماتوصيني هههه هي سلام
اسامه:سلام وسكر الخط
الياس:اكويس يابرو يلقنك صاحب 100%
اسامه:امالا شن تحسابني كيفك 😂😂
#عند رانيا
طوووط
طووووط
مهدي:ايوا
رانيا:اهلا شن جوك مهيدي
مهدي:ماشيه يارنوشه وينك شن دايرا
رانيا:الحمدالله عارف كنت في عزي عيت خالك
مهدي:وانتي وين تعرفيهم ماعمرك هدرزتي عليهم
رانيا:اييي مشيت انعزي فيهم علي امهم وحفصه نعرفها من قبل يلقنا وجعتني امهم وفي بنت مصح وجها اسمها شروق تقريبا قطع عليها مهدي:شنو خيرها شروق
رانيا:خيرك نقزت بسم الله
مهدي:تي غير قولي خيرها بلا كتر اسأله
رانيا:يلقنا هالبنت قليلة ادب ماتحشم هيا ورا كل شي وهدا كله عشان خطيب حفصه تبي اتفكه منها بي أي طريقة اتقولي ماعندها بات لا أم بيش ايربوها
مهدي قعد ساكت ______ بس شروق صاحبتها حفصه لين بكل
رانيا:اييي حتي ني استغربت بس هدا الي صار قدامي
مهدي:_____
رانيا:خيرك سكتت
مهدي:البنت يلي تتكلمي عنها اتكون اختي لكن والله صدقتي في كل كلمة وتو انربيها من جديد هالحيوانه
رانيا:اسفه مانحسابها اختك ماتضربها بس وقفها عند حدها وفك منها نقالها يعني عاقبها
مهدي:اني نعرف كيف نصرف من انتي بيش اتوريني
رانيا:المهم اختك دايرا العار شدها لا تحشمكم بعدها تعال قول من انتي
مهدي:هيا هيا وجهك وسكر
#عند حفصه
حياة:حفصه حفصه نوضي سادك نوم
حفصه:اممم الساعه كم
حياة:الساعه 2الظهر من بكري أذن
حفصه:حي ع الجو معقوله هدا كله واني راقده
حياة:هيا انزلي خالاتي لوطه يراجن فيك بيش انتغدو
حفصه:باهي اوكي نتصل بي الياس وانصلي انتم تغدو ماتراجوني
حياة:باهي تمام
حفصه مسكت النقال بيش تتصل بي الياس
طووووط
طوووط
الياس:هلا بحبيبة قلبي اني وبس
حفصه:صبااح النور
الياس:هههههه هدي النوضه ياعبيده
حفصه:كيف عرفت ههه
الياس:من صوتك المهم شن حالك اليوم
حفصه:الحمدالله اهو ربي امصبرني والحمدالله
الياس:اكويس بكل هي نوضي ياكسولة سادك نوم
حفصه:ايي هي نايضه خلاص نتلاقو
الياس:سلام وسكر الخط
ناضت حفصه وتوضت وصلت ونزلت لوطه القتهم كلهم ملتمين ع الصفره وياكلو حسة بالزعل وين القتهم كلهم وغير امهم مش موجوده جت لي عندها خالتها نورية وقرصتها من خدها
نورية:صبااحو ياحلو 😘 هي تعالي كولي
حفصه:الله دايرين رشده الغدي
نورية:ايي لعيونكم درتها
قعمزت حفصه وبدت تاكل
#عند شروق
مهدي بصوت عالي:شرووق شروووق
شروق:نعم
مهدي:تعاليلي هنا
شروق خايفه عرفت انه في حد خبره:نعم اني جيتك
مهدي شدها من شعرها:شن دايرا لعيت خالي محمد ياكلبه
شروق وهي تبكي:اطلق شعري
مهدي زاد عصب وقعد شاد شعرها بقوة:اني قتلك شن دايرا
شروق:مادرت شي حول عني 😭
مهدي:وينه تليفونك
شروق:في الدار 😭😭
مهدي بعصبيه ويهزلها في راسها لانه ماسك شعرها:تو تمشي اتجيبي امه النقال ومن الحوش مافيش طلوع بكل ان شاءالله حتي بتموتي الحوش مش طالعا منه وحق ربي نلقاك طالعا من عتبت البيت ماتلومي الا نفسك (طلق شعرها ورفسها بكراعه: هيا بري ياخطافة التريس حاجة تانية بعدين ابنرفعك لي حفصه وتعتذري منها وتبوسيها
شروق:مش ماشيه
مهدي:تمشي غصب عنك مصح وجهك وخلاص صار بنت خالك تبي اتفكي منها خطيبها
شروق مشت لدارها وفاتت مهدي وتلقيحه
بعد سنتين
شروق وحفصه رجعن صاحبات كيف قبل وشروق خطبها المدير وبتتزوج بعد حفصه والياس قعد مدير مركز اعلامي وبيفتح اذاعه خاصه بيه وحفصه بدت مشهوره في السوشيال ميديا لانها فاتحا ايميل خاص بيها ع الانستا وتنزل فيه كل تجاربها وانها مقدمة اذاعية مبدعه
ومحمد بوها تزوج مرا اكويسه مهتمه بيه وبي اولاده قعدو يشوفو فيها زي امهم
حفصه بدت تجهز لي عرسها
الياس:اسمعي الدار النوم انديروها ع الاحمر والاسود شن رايك
حفصه:يلي اديره حلو
الياس:غير قولي نبي رايك حتي انتي
حفصه:ايي حلو ونفس الوقت احسن حتي ني واخده ورغان ع الاحمر والاسود
الياس:اوكي تمام هي خلاص نتلاقو وراي مية حاجه بنديرها
حفصه:اوكي ربي يعاونك ياروحي
فاتو ايام وحفصه دارت حفله بسيطه توديع للعزوبية وعزمت صاحباتها كلهن وشروق كانت جنبها وخلاص
شروق:الله طالعا حلوه يافرخه
حفصه:الفال ليك حبيبتي ونجيك نتكركب ببطني هههه
شروق:هههههه عابيا ابتحملي طول صار
حفصه:امالا شن نبي بيبي نلعب بيه
كملو اليوم بي الرقص والاغاني وكان جوهم سمح
في اليوم التاني لبست الاحمر يوم الحنو وطالعا كيوت وتهبل واخر يوم الزفه طالعا حلوه بالابيض ومكياجها البسيط يلي بارز كل ملامحها الحلوه ولون بشرتها البرونزيه وبجنبها الياس بالبدله الرسميه طالع طرف ايهبل (سندريلا والامير) زفوهم بشعر خاص بيهم الاتنين
الياس:طالعا اتهبلي اكتر من ما توقعت
حفصه:حتي انت طالع لوزه مزلطه 😂😂😂
الياس:ههههه باهي به
حفصه:شن بنديرلك ليش حولتها اللحية مش عارفني انحبها
الياس:والله ضروري انديرو تغير
جت سعيده اتبخر فيهم عما ايصيبوهم بعين ربي يحفظكم
تمت الحفله حفصه والياس ركبو لسيارة وطول الطريق يضحكو علي بعضهم في لحظه مسك يدها
الياس:الحمدالله رغم كل شي ربي جمعنا وقعدتي حلالي ربي مايحرمني منك ان شاءالله
حفصه دمعن عيونها:اسكت مادكرني تو يخرب المكياج قبل لانوصلو نبي انصور بطرحتي وانت معايا في حوشنا❤
وصلو الحبايب وحفصه شافت الحوش عجبها بكل والياس خلا الدار النوم مقفوله بيش اتشوفها اخر شي وتوضو وصلو ركعتين
الياس:عندك مفاجئة في الدار النوم عدي شوفيها
حفصه:حقو 😍 ومشت تجري القتها مقفوله 😒 تضحك عليا ياالياس وانت الدار قافلها
الياس:ايي كيف تجري واني مش معاك
حفصه:باه هيا افتحها
فتح الدار كانت الدار حلوووه فيها شموع والسرير الملكي والحيط يلي مليان بصور تجمعهم من بدات حبهم لين ربي جمعهم واخر صورة كانت هي وياه بالفيلو
حفصه:الله محلاهم 😍 امتي لحقت حطيتها الصورة امتاع الفيلو
الياس:صقع عليك هدي اتفقت مع المصوره قتلها نبيها صورة عفوية وبناخدها طول قاتلي حاضر وماقصرت الحق
حفصه: محلاه حبيبي ني الرومنسي 😘
قرب منها وعطاها بوسه ع خدها وكملو ليلتهم السمحه 💏
ارائكم اتهمني شن رايكم في نهاية الرواية ان شاءالله عجبتكم
for the writer gabrialgege 👑