انحبـك ياعبيـده💎💍

27

وصلو الياس وحفصه للمستشفي وهم خاشين
لجيهة غرفة زينب حفصه اتشوف خواتها قدامها مضبطات بعضهن ويبكن...جتهن تجري حفصه مش امصدقه انه اتكون امها.....
حورية: 😭😭😭حفصه امي عدت وخلتنا ياحفصه من ابيشقا بينا وبيواسينا 😭
هنا حفصه جمدت في مكانها من كلام اختها وبدت اتشوف لي الياس وخواتها وقاعده مزال ساكته

الموت كلمةٌ تُخبرك عن إنسانٍ فارقك إلى غير رجعة أو لقاء في هذه الدار، وأصبح‎ من أخبار الماضي، ولم يبقَ لك منه إلا الذكريات، وإن كان فارقك منذ سويعات، أحِنُّ إليك أُمّي جداً.

الياس قعد واقف ومش عارف شن ايدير مايبي ايشوفها في هالحاله جي ناحيتها ويضمها وتبكي احسن ماتقعد ساكته والصدمه فيها
حفصه حست بيد علي كتفها (تعرفوه هديك الشعور لما تحزن تبدا اتحس حتي بي نسمة الهوا الخفيفه )تلفتت حفصه لي الياس وعيونها معبيات حزن بعدت يده بقوه واشرتله بصبعها الابهام وقاتله بصوت عالي :انت السبب في كل شي لو ماعرفتك ماصارلي هكي وحياتي كانت أحلى من وجودك معاي وكانت امي هي الموجوده وبدت تبكي
الياس قعد ساكت لانه عارفها في موقف لا تحسد عليه واكيد مش واعيا للي اتقول فيه
قربت حفصه لدار امها وكان موجود محمد وماسك يد زينب وحاط راسه عليها ويبكي قعدت حفصه واقفا ع الباب واتشوف لي باتها (كان منظرها يوجع القلب واقفا كيف الصنم واتشوف لي باتها العاجز المنهار) قدمت خطواتها ناحية بوها وقاتله: باتي راهي امي قاعدا مزال حية مش ابنرفعو انعالجوها وبدت تبكي قوللها اتنوض ياباتي
محمد زاد انهار اكتر لما سمع حفصه تبكي
جت حفصه قربت لي امها وتمسح ع راسها قطع عليهم الدكتور
الدكتور:معليش ماينفع اديرو فيها هكي ادعولها بالرحمة ومعليش ابنرفعوها لتلاجه
حفصه لصوت عالي وتبكي:لالا ماترفعوها امي وراسكم هدي اميمتي ماترفعوها
خش الياس وحضنها وايسكت فيها
حفصه:😭😭بعد عني انت السبب انت السبب
جاها محمد وايسكت فيها:ادعيلها بالرحمو يابنيتي انتي هكي اتعدبي فيها
حفصه:باتي شن اتقول رحمة شني هذي امي قاعده ماماتت
اشوي ايجيها كف علي وجها حست بالضعف وانهارت عرفت انه خلاص هذا قدر ربي ولا إعتراض علي حكمه
الياس ضمها من جديذ وقاللها حرام ماديري هكي هدا شرك بالله
حفصه حست بالحنان رغم كل شئ قالاته ليه بس مزال واقف جنبها ومايبي يتخلى عنها
بعدت الياس عنها وقعمزت ع الوطا لانها انهارت معاش قادرا توقف
جي الدكتور غطا وجه زينب ومن هنا البنات زاذن يبكن حفصه شافت لي مجودي القاته قاعد تحت السرير وامسكر وذانه بيده ودموعه ع خده
#نرجعو للورا
كانو كلهم موجودين جنبها وحتي خواتها وبنات اختها مبروكه الا حفصه مش موجوده
محمد حس انه زينب تبي اتقول شي
محمد:زينب ماتعبي روحك خليك مرتاحه
زينب بأنفاس متقاطعه:قـقـ ولـو لـ ي حفـفـ صـه اتتـر دد بــبـ اا لـ هـا ممـ ن ششـ روقق رر اا هـي نـا ويـة ع ع الششـ رر
محمد:لا حول الله انتي ارتاحي بس
زينب:لا خخـ لاص رر بـ ي ابـب يرف ع أ ممـ انتـه
اياد:بعيد السو عليك غدوة تو اتكوني في تونس بإذن الله وترجعي احسن من قبل
هنا زينب بدت ادور في النفس واتقول:و يـ ن حفف صه ن بـي انشش و فها
محمد:جاية في الطريق
زينب قدماله النفس ينقطع منها وبدت تنطق في الشهادة:أشهد أن لا إله إلا الله
وربي خدا روحها ومحمد سكر عيونها
مجد كله صار قدام عيونه ومن الخوف دس روحه تحت السرير
#نرجعو للحاضر
مسحت دموعها حفصه ماتبي اتكون ضعيفه قدام خوتها بيش مايضعفو اكتر جت لي مجد وطلعاته من تحت السرير
مجد:امي وين عدت ياحفصه
حفصه:ادعيلها امي عند ربي وابتقعد عنده خلاص
مجد:بس مسكينه امي تبي اتشوفك كانت
حفصه بدت تبكي ونفس الوقت قعدت شادا روحها ماتبي تضعف وقالت لي مجد:خلاص مجودي قول الله يرحمها

يتبــع
ااااسفه ع التأخير بس نفسيتي هالايام صفر بكل ومش عارفا ليش ادعولي ربي يفرج علي....انحبكم كلكم
للكاتبـه gabrialgege 👭