انحبـك ياعبيـده💎💍

26

الياس:لا مابنسكت بس خلي أمك تنوض ومايصير غير الخير
حفصه:إن شاءالله,,,,هي ياروحي نبي نرتاح اشويا ابجد تاعبه معاش عندي حيل
الياس:اوكي يالحب ارتاحي,,انحبك
حفصه:حتي اني انحبك هي سلام
سكرت حفصه من الياس وتسمع في خوتها لوطا جاين من المدارس ويضبحو علي أمهم حفصه بدت تبكي وتدعي ربي مايغيبك ياأمي بلاك الحوش خالي من كل شي
نزلت حفصه ومسكتهم في حضنها وقاتلهم شن صار لزينب قعدو يبكو وحاضنينها(منظرهم ايسخف بدات خوتها لصغار رايحا حالتهم حاله من لبكي) قطعت عليهم حفصه بصوتها الحزين:خلاص ماينفع لبكي ادعولها بس إنه ربي يشفيها وترجع كيف قبل وأحسن
مجد:نبي انشوفها ياحفصه
حفصه:حاضر خلي ايجن خواتك وتمشي انت وياهن باهي
مجد:باه
دارت حفصه الغدي لخوتها وعطتهم يتغدو وبعدها طول رقيت لدار وشدت فراشها ماقدرت ترقد بس المهم ريحت روحها اشوي لين تسمع في خواتها امروحات من الكليه<<<فتحن الباب والضحكه وامعبيه الدار وشاداتها تعليق علي بنت معاهن في الكليه
حياة:حفصه تعالي انخبرك شن صار اليوم
حفصه ناضت وقعمزت ع سريرها وبدت تبكي
جتها حورية حضنتها وسألتها:خيرك شن في سيبتي انتي والياس ولا شن
حفصه:لا أمي
حياة&حورية:خيرها 😱
حفصه:حكتلهن كل الي صار لزينب
حياة:من شنو الجلطة هذي وأمي مزال صغيره
حفصه بعصبية:هالكلبة إشراق كانت في الحوش ومن بعدها أمي طاحت
حورية&حياة:لا ابجد زودتها هالبنت شن القسوة يلي فيها اتقولي مش بني خالها
حفصه:الله غالب,,,,خلاص من بعد هكي نتوقع من أي حد شي
حورية:تو انحطها عند حدها ونمشي انخبر خوها مهدي
حفصه:لالا أني امبكري مشيت خبرت عمتي مبروكه
حياة:اكويس
حفصه:توا خلينا ساكتين لين أمي ترجعلنا
حورية:هيا نبي انعدي نشوفها
حفصه:ارفعن معاكن مجودي وحنان واني تو نلحق عليكم بعد انكمل انجهز الدبش
حورية:ليش دبش شنو
حفصه:غدوه بنسافرو لتونس
حورية:اها احسن منها العلاج غادي اكويس
حياة:اي صح,,,أمالا خلاص خلينا نمشو قبلك جهزو البنات ارواحن ورفعن معاهن مجد وحنان ورفعهم إياد
#خشو لغرفة أمهم وكانو يبو يبكو لكن احتراما لمشاعر امهم مايبو يحسسوها بعجزها او انتكاسها,,,ومجد كان جنب أمه وخلاص ويمسح علي راسها,,,وزينب كانت واعيا بس ماتقدر اتكلم
#عند حفصه
جهزت كل شي دبشها ودبش أمها قعمزت حفصه في الصاله تراجي في التاكسي يلي اتصلت بيه امبكري وروح بيها من المستشفي,,,اشوي سمعت نقالها يضرب

for the writer gabriagege
حفصه:الوو
الياس:ها ياروحي شن اديري
حفصه:ماندير في شي انراجي في التاكسي بيش يرفعني للمستشفي
الياس:من جدك انتي شن هالحركات ياحفصه تركبي وتتصلي بي حد غريب عليك وتمشي واتجي معاه
حفصه:باتي راضي يكفي✋
الياس:مانك في دمتي صح,,,لكن مش حتركبي مع التاكسي اني توا جايك جايك ونرفعك للمستشفي وسكر الخط 😄
حفصه اتهدرز بروحها:ههههه عليك مهبول هيا عادي تعالي منه انشوفك قبل لانسافر
قعدت حفصه اتراجي في الياس وتتمشي في الحوش حكم لفت ع الحوش كلها لين سمعت تبيب برا طلعت شافاته القاته الياس اشرتلها انه يراجي شويا بيش اتجيب الدبش جابت حطاته في لجنان ورجعتله قاتله تعال ارفع الدبش
الياس:هي اوكي
نزل الياس رايح طرف ايهبل لابس سروال جينز وقميص امزلز بالون البنفسجي طالع كيوت
خش داخل وسلم علي حفصه ههههه اما هي رايح منظرها مش عارفا شنو يمكن كيف حياة الفهد هههههه لالا عاد مابنبالغ بكل بالعكس طالعا قنينه كانت لابسه عباية فيها الدانتيل في جيهة اليدين وكان لونها سمائي ووشاحها لونه اسود
الياس:يافرخه كل مانشوفك اندوب شكلك دايرتلي سحر
حفصه:😳 لالا عاد شن امالا انقطعت الانسانيه مني
الياس:ههههه هيا اطلعي وارفعي معاك الشنطه
طلعو السمحين ومنظرهم كيوت بزياده ركبو في السيارة وحفصه طول الوقت ساكته وشادا يديها من الاعصاب والحشمه
الياس مد يده ع ايدها وقاللها:ارخي روحك خير بلاك
حفصه:عيب عليك تحشم وحول يدك ورفعة يديها
الياس:هههههه شن العيب يلي درته عنشكلك وبعدين خطيبتي وحر فيها
حفصه:حسستني عاقد عليا
الياس:تو نعقد عليك شن رايك
حفصه:لالا رد بالك تعقد علي ونقعد في الحوش حتي كان فصلنا تكتب علي مطلقه 😳😁
الياس:لالا بعيد السو علينا خلاص هانت مسألة وقت بس وانكونو لبعضنا وت
حفصه:هههههههه محلاك وانت اتقول فيها راجل طول وعرض ايقول وت هههه الله فيك جو
الياس:هي تحشمي وانتي تضحكي والناس اتشوف فيك

يتبــــع....يتبــــع
للكاتبه gabrialgege
شاركوني بتوقعاتكم حبــايب ديــالي 😘😘😘