ليتك تعود

الفصل السادس

الفصل السادس

لا اعلم ماذا فعلت حينها ولكني تجاهلت احساسي بالخجل وعدم اهتمامي بامره قولتي لنفسي من هذا كي يتحكم في حياتي هو لا شي سوا باخي فقط ويفعل ما يريد .. لحظات ندم تجعلنا نبكي ونصرخ من اعماقنا طول حياتنا

وصلت غرفه الجلوس الذي بها الضيوف
حنين لا تعرف بماذا تفعل او ماذا تقول ...
امينه .. حنين فين جوز خالتك او ادم
حنين بلخبطه .. ها اه مش موجودين
والد نور .. خلاص نستأذن احنا بقي ونيجي وقت تاني
امينه .. انا اسفه ليكم هو اكيد جاله شغل مستعجل واضطر يروحه
والدت نور بغيظ .. لي هو مش عارف ان احنا جايين
ردت حنين عليها بغضب ..  لا ميعرفش
نور .. احم احم خلاص يا ماما يلا حصل خير
وثم اقترب من حنين بصوت منخفض .. انا مش هنسي الاهانه دي وبالذات مع اهلي هدفعك تمن دا وغالي اوي
بصتله بارتباك وخوف وتحدت .. نور انا مقصدش اهي
قاطعها نور بصوت عالي مرعب .. عن اذنك يا انسه حنين
وذهب نور وهو يشتعل نار ويستحلف لي حنين يدفعها التمن
قفلت الباب بعد مغادرتهم والتفت لي حنين بانفعال
امينه .. انتي اتاخرتي كده ليه كنني فين كل دا
حنين بارتباك .. كنت فوق وشوفت بسمه بالصدفه وحكيت معاها شويه
امينه بارتياح وبسبب العريس واهلوا زعلوا ومش هيجوا تاني ..  طيب يا حبيبتي متزعليش بكره يجيلك احسن منه ويكون جدع واحليوه زي ادم ابن خالتك كده
حنين بصتلها بضيق ولم ترد عليها
ودق جرس الباب
امينه ..  قومي افتحي الباب
حنين .. حاضر
وذهبت كي تفتح تفاجات بادم
حنين بضيق .. ادم خيييير
ادم بابتسامه .. طب قولي اتفضل الاول دا انتي عديمه الواجب فعلا
امينه بفرح .. ادم حبيبي تعالي اتفضل طبعا دا بيتك
ادم .. حبيبتي يا خالتي تسلميلي
حنين بغيظ .. عن اذنكوا هدخل انام وذهبت
ادم مسك ايديها قبل ذهابها وتحدث .. استني عايزك
امينه .. طب انا هجهز الاكل ناكل سوا يا ادم
ادم .. ماشي خالتو والله جه في وقته
حنين ..  اخلص عايزني لييييه
ادم بصلها بحب وتحدث بهدوء ... كل سنه وانتي طيبه وعبقالك كل سنه واحنا مع بعض
حنين باستغراب .. بمناسبه ايه
ادم باستغراب .. معقول ناسيه عيد ميلادك
حنين بصدمه .. عيد ميلادي النهارده وفين لم افتكرت اه صحيح انا ازاي نسيت غريبه ووجهت كلامها لي ادم وانت ازاي فاكر عيد ميلادي
ادم .. اليوم دا بالنسبالي احلي يوم في حياتي اليوم الي اتولدت فيه روحي
اتسعت حدقة عينها بصدمه وشعرت باحساس غريب  وحدثت نفسها ما هذا الاحساس ولماذا وتحدثت ..  احم ع العموم وانت طيب شكرا ع اهتمامك

ماذا تقول لقد افقدتني القدره عن التحدث شعرت بانقطاع انفاسي  ماذا فعلت لك كي تعشقني بهذه الحد ليتني صدقت احساسي عندما شعرت به من صدق كلامك ليتني صدقتك ولكني كنت اكابر حتي لا افقد كبريائي امامك ولا ادري ان هذا الكبرياء سوف يحطم حياتي

ادم .. من امتي وكان  في كلمه شكر بينا المهم انا جبتلك هديتك واخرج علبه  قطيفه باللون الازق وفتحها واخرج الخاتم عباره عن فص الماز باهظ الثمن
وامسك يدها واعطاها  لي وتحدث قائلا .. كنت اتمني انا بنفسي البسهولك بس عارف دا مش من حقي ولكن اوعدك هيجي اليوم دا
حنين .. بس دا غالي جدا وانا مستحيل اقبلها
تعصب ادم وهتف بها بنبره حاده .. قولتلك مش عايز اوريكي وشي التاني خدي الخاتم ومش تلبسيه براحتك بس هتاخديه
حنين خافت انا يقبلها مره ثانيه فاخدت الخاتم وهي متنرفزه ...
ابتسم ادم وقال .. ما كان من الاول لازم اعلي صوتي يعني
امينه .. يلا يا ولاد الاكل جهز
...............
وفي اليوم التالي
في العمل
اميره ... وااااو الخاتم تحفه
حنين ... بصراحه عجبني بس مخنوقه منه مش عايزه البسه ولا حتي اخليه معايه
اميره بنفاذ صبر .. انتي بردو ماهتتغيريش ابدا يابنتي حسي بقيمه النعمه الي في ايديك
حنين .. سيبك منه دلوقتي وقوليلي اعمل اي في المشكله بتاعت نور انا هحكتلك عشان تشوفيلي حل
اميره ... مش عارفه عاجبك فايه دا ونبي وبعدين دا ميتقارنش بادم خالص ادم حاجه تانيه ونور حاجه كميه برود تافها
حنين .. شايفني بحبه اوي انا خايفه بس خايفه منه لانه هددني مش هيسكت
اميره .. خلاص مافيش غير ادم تقوليله وهو الي هيبعده عنك خالص
حنين بانفعال .. لا لا لا طبعا ادم مستحيل هيمنعني من الشغل دا مجنون ويعملها
اميره .. خلاص جمدي قلبك وصديه الاشكال دي مبتجيش غير بالعين الحمرا
حنين تنهدت بحزن ..  ربنا يستر
وبعد دقائق
ذهب نور باتجاه مكتب حنين
وابتسم بخبث .. ازيك يا انسه حنين
حنين انتفضت مخضوضه .. نور
نور .. مالك خايف كده ليه اهدي اهدي مختافيش انا مستحيل اذيكي وانتي عارفه
حنين .. بجد يعني مش زعلان وهتسامحني
نور .... امممم مسامحك بس بشرط؟؟؟!!

رايكم في الروايه