ثم إن قلبي بك يمتلئ عشقا وبقربك يزهر

My feeling is bien

اصعب مرحلة تمر علي الواحد ، هي المرحلة الي يدخل علي قلبه احساس، احساس عمره ماعرف لقلبه طريق ، احساس سمع عنه ، احساس يما استهزء بيه ...........

غزل : OK , Gone I Call you Liter .
منتصر : OK , See you .

يوم العيد ، الساعة الرابعة ، في بيت غزل : هههههه بالهي اربعة شهور ومعاش بنلتمو هكي .
سعاد ( ابنة خالت غزل ) : علاااش !
غزل : انتي بتتزوجي ومعاش بنتلاقو كل عيد هكي .
كريم ( ابن خالت غزل ) : علي اساس انتي فارق معاك ، عيد ولا عرس عبيد .
سعاد انفجرت من الضحك : ههههههههههه.....
غزل : راك اطيحي علي وجهك من الضحك بس .
كريم : خيرك ماتضحكيش راهو اضحك .
غزل : لا لا ماضحكش ، وعلي فكرة العيد يعني هكي بدي لها طعم تاني يعني مش عارف هكي .
كريم : اياه اياه !!!!
سعاد : ماهو في حد مخليه العيد حلو .
غزل : اممممم ، لا تبي الحق في حد مخلي يكون في عيد اصلا .
كريم : ادوي عربي مش فلسفي مانفهمش اني يابنت القانون .
تنهدت غزل : يعني اول مرة نحس بحلاوة العيد ، اول مرة نحس بحلاوة الحياة ، قبل كنت عايشة لأني مامومتش .
ابتسم كريم : وتوا ؟
غزل : توا عايشة لأني الحياة حلوة ، هههه ، الحياة حلو ياكريم .
سعاد : توا بنقعدو انقولو الحياة حلوة وفتافيت وجو .
يرن هاتف غزل اخدته وذهبت لغرفتها : كل عام وانتي بطلة حياتي .
غزل : you too my hero .
منتصر : شن اديري حبيبي ؟
غزل : كنت انهدرز اني وسوسو وكريم .
منتصر : كريم صار .
غزل : كريم ولد خالتي .
منتصر : ايه نعرف ولد خالتك .
غزل : به .
منتصر : شن ايدير عندكم ؟
غزل : عيد اليوم هوا ، يعني شن ايدير .
منتصر : حقا ، ماهو لازم........قاطعته غزل : توا فوت كريم وفوت كل شي و stay with me ، اليوم اول مرة نحس في حاجة تستاهل اني نعيش علي خاطرها .
منتصر : اممممم .
غزل : ايه هدا هوا .
منتصر : باهي انقولك حاجة ؟
غزل : قول .
منتصر : اني قبل عايش من قلت الموت وتوا عايش لأنك موجودة معاي .
غزل : انحبك .
منتصر : انموت في حبك .
غزل : باهي بنمشي انشوفهم .
منتصر : باهي علاااش حبيبي .
غزل : حبيبي مايجيش منها انخليهم .
منتصر : OK as you like .
غزل : Bay .
منتصر : Bay Bay .
ذهبت غزل مبتسمة الي المطبخ لتعدا الضيافة لخلاتها .
سعاد : خيره عيونك قلوب قلوب ؟
هداية : ماتسأليش .
غزل : ياسر انتي وياه درتولي العار .
الساعة التاسعة امسكت غزل واتصلت بمنتصر : Hi My Hero .
منتصر : ها ياعمري .
غزل : شن ادير ؟
منتصر : كيف كملنا التعيد .
غزل : كملتو !!
منتصر : ايه اني ويسوري .
غزل : عادي عادي ، تو يمشي حبيبي .
منتصر : شي شي مافهمت شي ، شن اتقولي .
غزل : مش لازم تفهم ، المهم دريها في راسك . منتصر : جو الألغاز والأفلام البوليسة فوتيه مش علي منتصر .
غزل : واااااو ، ويقولولي مغرورة .
منتصر : عادي حبيبي طالعة لحبيبك .

بعد مرور خمسة اشهر

غزل في الجامعة ، خارجت لتوها من قاعة الإمتحان هيا وزينب وسجى .
سجى : كأنه الولد معجب .
غزل : معجب ولا مشارك ، اني عندي سيده .
زينب : بيموت عليك هوااا .
غزل : يموت ولا يعيش حاجة تخصه حبي .
اخرجت غزل هاتفها وتفقدته .
سجى : وين غطستي ؟
غزل : Missed Call .
زينب : اكيد االحب .
غزل : ايه الحب و Dadi ، وصل وبنروح .
سجى : روحي ومني شادك .
غزل : ماهو من امبكري قلتيلي علي الطلاق كان تروحي ، كيف بطلقي حمادة بعدين .
سجى : ههههههههه .
زينب : باهي ياسر استرتينا قدام الناس .
غزل : See you guys .
ذهبت غزل وركبت السيارة ، اخد ولدها ان اجابت في الامتحان واخدا يتناقشان ، حتى وصلو الي المتجر ، نزل ولدها ، امسكت هاتفها واتصلت بمنتصر : جاوبتي ؟
غزل : شن رأيك ؟
منتصر : ميجيش منها ماتجاوبيش .
غزل : خيرك حبيبي ، صوتك فيه شي .
منتصر : اممم ، زي شني .
غزل : شن فيه ؟
منتصر : تسنيم اتصلت .
غزل : انروح للحوش انكلمك .
وصلت غزل الي منزل .
نجاح ( ام غزل ) : نحطلك تتغدي محاميتنا ؟
دخلت غزل مسرعه : غادني منتصر بنرقد .
امسكت هاتفها وبدأ يرن : شن تبي منك ؟
منتصر : شي ، هدرزت عادي .
غزل : تسنيم هدرزت عادي صار .