ثم إن قلبي بك يمتلئ عشقا وبقربك يزهر

انت تريد ، وانا اريد ، والله يفعل مايريد .

بنقسم هدا الجزء الي تلاتة اقسام لأنه طويل ( القسم الأول )

خلينا نرجعو خمسة سنين فاتو ........

كانت ترجع كيف ماكانت ، لكن معاش تكلم في الاولاد ، وجوها بدي زي قبل ، يعني عايشة حياتها بالطول وبالعرض ، وسيبت صاحباتها الأولين كلهم ، وتعرفت علي بنات جدد ريان وتوأم ناريمان ونرمين ، وامها دارت سيارة وتعلم في غزل السواقة ، وغزل بدت تخدم في مكتب محاماة مساعدة المديرة وتو نحكيلكم كيف خدمة فيه ، وعمتها سافرت ام اصالة ، وطبعا غزل زعلت هلبا لأنها متعلقة بيها هلبا ، لدرجة في اليوم تكلم فيها .

بعد سنة

في كلية الهندسة ، كانت غزل ماشية هيا وريان ، تبي تسحب طلب اسقاط مادة بالنت ، خشت للكافي نت كلمت الراجل : لو سمحت نبي نطلع طلب اسقاط ، كلية الحقوق .
الراجل : اها شوية غير نخش علي منظومة .
غزل : وعندي حتى Screen Shot نبي نسحبها .
المهم بعد ماكملت وطلعت قعدت تمشي هيا وريان ويهدرزو : توا بيشحطوني بري وتعالي .
ريان : كان خليتها مش خير .
غزل : ماهو منزلة هلبا مواد ، بعدين هكي خير باش نصفي ....... وفجأة ..... اييييييي .....وطاحو منها الأوراق نزلت بتلمهم وهوب تنخبط في راسه مرة ثانية وهوب تسيبهم وتنوضله عاد : لا هكي هلبا شني انتا اعمى ولا ناسي فلاشاتك وشن قصتك .
وهوا طبعا سارح ويشبحلها كيف تهزب فيه : اه ايه سمحيني نشتك .
غزل : لا ولله نشتني مرة مش مرتين علي مني تفوت فيه انتا ، والنبي حول من قدامي .
الولد تكنطا : خيرك انتي قلت مش قصدي شدي ورقك .
وخدتهم غزل ومشيت وريان ميت من الضحك : راك اطيحي علي وجهك بس .
ريان : وللهي اضحكي كيف قصفتيه ماخلتيشي ياخد نفس ، ههههههه ،وللهي وجعني الوليد .
غزل : ماتوجعك علي غالي .
مشيت غزل لكليتها وقررت انها ماستقطهاش المادة وروحت للحوش وجوها مكهرب .
هداية : خيرك جوك مولي اخي .
غزل : اليوم في واحد غبي انخبط فيا وطيحلي وراقيا ، ولا مش هكي بس خبط راسه فيا مرة تانية .
هداية لا هدا معناها غبي واعمى .
غزل : لا هدا لاغبي ولا أعمى ، هدا قصدها .
هداية : بالك منتصر ليه يد في الموضوع .
غزل : لا يد ولا رجل ، مستحيل مش ستايله بكل .
هداية : بهي هدي روحك وروقي اعصابك .
غزل : هادية حتى اني .
هداية : بعدين بنطلعو قالتلي ماما .
غزل : وين .
هدية : بندهورو في المدينة وبناخدو قفاطين وحوايج لعرس عمي ، وبعدين بنمشو حني وخالتي وخالي للبحر .
غزل : الله مليح بكل .
هداية : هي نوضي وتي لبستك .
غزل : باللهي طلعيلي لبست العيد ، بنرقد شوية .

طلعتهم امهم غزل وهداية وجنة ولجين ، وكيف خاشين ميزرال ، نزلو من السيارة دارو دورتهم ، خدو شوية حاجات وطبعا غزل خلتهم يدور المحلات كلهم باش خدت حاجة عجبتها لأن دوقها صعب ، وصلو للبحر مع السبعة ، طبعا خالها جايب حنها وصغاره ، وخالتها كريمة جايبها محمد موليد 2001 وايوب هدا صغير صف تاني ومعها بنتها سعاد وسعاد جايبه بنتها سرين ، وخالتها هناء جايبها ولدها عبد الكريم ومعاها صغارها .
اه نسيت نقوللكم نجاح ام غزل حامل في الشهر التالت .
غزل : اووو شن خالو .
مهدي : الحمد لله كيف حالك انتي .
غزل : تمام .
مهدي : شن امور قرايتك ياخالي .
غزل : ماشية .
سعاد : شني احني مش غاسلين وجهنا .
غزل : لا كيف عاد انتم الأصل .
هداية : كانهم الأصل رهو سلمتي عليهم قبل ههههههههه .
غزل : هما الأصل وهديوة الكبيدة .
كريم : ماطول لسانك .
غزل : كيف حالك ويين سوسو الصغير وكيف حال راجلك .
سعاد : الحمد لله وسرين عند ماما .
غزل : بنمشي نشبع منها ونجيك .
غزل : كيف حالكم ياجماعة ، شوية نشبع من سرين ونبوسها ونوليلكم .
جت ام غزل وهداية وجنة ولجين سلمو .
كريمة : شفتها بنتك هجمت علي سرين طول حتى سلام ماسلمت .
نجاح : من امبكري تقول انشاء الله جايبين سرين .
كريمة : مادمها تبي الصغار علاش ترد في الناس الي يجوها .
نجاح : بتكمل قرايتها .
ناضت غزل وسلمت اعليهم : وين خالي وسعاد والبقين .
حناها : يبو الشط ياحنة اني سقع اعليا بنقعد اهني .
غزل : تي وينه الصقع ياحناي ، اني بنمشيلهم .
غزل كانت ماشية علي الشط وشده مداسها بشوية ادور فيهم فجأة تشبح وتدوي مع روحها بصوت واطي زعما هوا لا لا مش هوا .
حنين جت من وراها : خيرك تدوي بروحك يابنت ، اهبلتي .
غزل : وووووك اعليا اخلعتيني .
حنين : اهما شبحتهم .
غزل : هي نمشولهم .
ومشو لين قربت منه واقفه جنب هداية : حي حي يضحك تي هوا هوا ووووه شن جيبه .
هداية بصوت واطي : من هوا العفو .
غزل : الولد الي خبط فيا اليوم .
هداية : لا لا ، اكيدة مشبها عليه ولا حاجة .
غزل : انشاء الله نطلع غالطة .
غزل تشبح في كريم جي من بعدين ومعاه ولد وهيا تقول لا لا لا .
هداية : خيرك .
غزل : هوا هوا .
كريم : عندكم موس الاولاد يبو موس .
وهوا يشبح لغزل ومذهول فيها .
هيا كانت لبسة هكي