ثم إن قلبي بك يمتلئ عشقا وبقربك يزهر

نعمة انت 💫💫💫

مشي مالك لخدمته ، وحتى غزل خشت للمكتب قعدة تخدم في الحوش ، ومشي نهار بصعوبة علي الكل ، اصالة الي كان في شعور في قلبها مش عارفة شن هوا مرة تقول هدا مجرد شعور بدنب لأنه الولد مغلطش فيا ومرة تقول الباين حبيته وقعدة حايرة بين نارين ، ومحمد الي حاس انه البنت الي حبها وبني معها كل احلامه ضاعت منه للأبد ، وهداية الي بعد اسبوع بيانها ومش حاسة بالفرحة وكل همها وتفكيرها في اختها ، وعزو الي مش عارف كيف يخفف علي هداية  ، وتسنيم الي تفكر شن بدير غدواة معا غزل ، ونجاح وخالد مش قادرين يتصورو حياتهم بدون غزل ، مالك الي بدي في العد التنازلي مع كل يوم يمر ويقربه من نهاية حمل غزل ونهاية حياتها ، اما غزل غزل هيا اكتر وحدة فرحانة وكل متفكر في صغارها تنسى كل شي  ، نمشو لراويتنا .

روح مالك من خدمته لقي غزل تتفرج علي TV وتاكل في Pop Core وسانكس ، ركب غير حوايجه ونزل قعمز جنبها .
غزل : تبي تتعشى .
مالك : ايه .
غزل : نوض دير بروحك .
مالك : علاش تسألي مالا .
غزل : فضول .
مالك : مراد كلمني اليوم وقالي عزمني غدواة .
غزل : ايه .
مالك : لو ماتبيش تمشي نمشي بروحي .
غزل : بنمشي .
مالك : حتى اني بنمشي .
غزل : مبردك .
وناضت دارتله العشي وهوا ناض ساعدها .

عند اصالة >>>
تبي ترقد لكن مش قادرة وكل ماتحاول تلهي روحها بحاجة ترجع وتفكر في محمد .

عند هداية >>>
تهدرز هيا وعزو مسنجر ويوري فيها صور الحاجات الي بيجبوهملها في البيان .

عند محمد >>>
يتفرج علي صور اصالة الي مصورهملها بدون ماتنتبهله .

تاني يوم ناضو كلهم فطرو وصلو ومشو لخدمتهم والي الضم الضم وكل حد لاهي في حياته .

بعد العصر غزل بدل حوايجها وتوتي في روحها لبست قفطان ابيض طويل من بتاتها شيفون وايديه كم لاكن ايديه شيفون يبين وكعب احمر مات ودارت روج احمر مات وطل ترابي في الأبيض ورسمه خفيفة ومسكرة واحمر خدود ترابي ولبسة حديتين دهب خفاف ومعاهم خاتم وساعة ودبلتها وكانت في قمة الجمال .
علي خشت مالك قعد متكي علي الباب ويحفظ في كل تفصيلها وبعدين طلع فونه وقعد يصور فيها وبعد شوية انتبهت هيا اعليه .
غزل : شني خدمتك الجديدة فوتوغرافي .
مالك : ممكن كل شي مسموح بيه في الحب والحرب .
غزل : باهي ممكن نطلعو لأنه في ناس يستنو فينا .
مالك : ايه ممكن . ( لبست وشاحها وطلعو ) .

بعد فترة من الزمن >>>
جنان : ها شن رايك في شكل السالطات .
تسنيم : تحفة .
مراد : اني منعرفش نشوي خلي لين يجي مالك .
جنان : علاش .
تسنيم : مالك احسن واحد ممكن تعرفيه يعرف يشوي .
جنان : اممم ، مشاء الله تعرفي عليه هلبا حاجات من امبكري تحكيلي .
تسنيم : اصلا منعرفش حاجة غير عليه .
جنان : كيف .
مراد : صوت الباب اكيد مالك .
مشي فتح مراد وفعلا كان مالك وغزل ، سلم عليهم مراد ورفعهم في الجنان مدايرين جو في الجنان وشوا ومنظمين وجايبين طاولة اكل وكراسي ولوطة في مخدات كبار المهم خشت غزل ومالك وسلمت تسنيم علي مالك >>>
مالك بغرور : سوما هدي مرتي وام صغاري غزل .
غزل مدت ايدها باش تسلم عليها : Nice to meet you .
سلمت عليها تسنيم بدهول بجمال غزل وكيف تتكلم برقي : Nice to meet you too .
غزل : اكيد انتي جنان .
جنان : ايه تشرفت بمعرفتك .
غزل : اني بالأكتر .
جنان : بنكون معاك صريحة عادي .
غزل : yaa shore I don't be jadjment .
جنان : انتي احلى بهلبا من الي يقولو فيه عليك .
غزل : هدا من دوقك .
مراد انتم اقعدو قرمو واني ومالك نمشو نشو .
مالك : قصدك مالك يمشي يشوي واني نتفرج عليك .
غزل & تسنيم & جنان : ههههههه .
مراد : ولله قمت القدر ياعشيري .
مشي مالك يشوي ومراد يتفرج عليه زي ماقال مالك ، وقعد البنات يهدرزو ويحوسو ، وكانت تسنيم كل هدرزتها مع غزل عبارة عن اسئلة علي علاقتها هيا ومالك لكن الصادم بنسبة لتسنيم هيا اجاباتها ، تسنيم كانت تعتقد انه مافيش ولا بنت حتحب مالك اكتر منها لكن غزل تحبه اكتر منها واكتر من روحها ، فاحتى الكلام الي كانت بتقوله تسنيم معاش قدرت تقوله .
بعد فترة من الزمن ، بعد ماكلو وكملو ، مراد ومالك يهدرزو ، والبنات يهدرزو ، ناضت مشت غزل تجري لحمام ( اكرمكم الله ) لحقتها جنان كانت ترجع طلعت من الحمام وكانت واقفة جنان غادي .
جنان : انتي كويسة .
غزل : ايه كويسة غير الوحم زايد عليا النهارت هدي .
جنان : تعرفي اني متمنية نعيش قصة حب زيك .
غزل : نصيحة لا ، لأنك بتزعلي هلبا ناس .
جنان : بالعكس تمام المهم انه الأنسان الي تحبيه مستعد يضحي بكل شي علي خاطرك اسفة لكن يومها اني سمعت مالك يحكي لمراد علي قصة الحمل .
غزل :  No it's ok , it's not a secret .
جنان : ربي يرزقك علي قيس نيتك .
غزل : انشاء الله .
جنان : الحق تأثرت بالي صاير معاك بضحي بحياتك وزواجك وحبك علي خاطر صغارك .
غزل : لا ، اني ضحيت بحياتي وزواجي علي خاطر حبي لمالك ولصغاري .
جنان : حتى ولو مش اي حد يقدر ايدير الي قاعدة اديري فيه توا .
غزل بابتسامة خفيفة : اني متأكدة انك لو كنت في مكاني كنتي حاديري نفس الشي .
وكيف جايين بيطلعو لقو تسنيم واقفة ، لما شبحوها طلعت تجري لجنان لمالك ومراد وبدت تعيط >>>
تسنيم وهيا تعيط : ياربي بس ياربي علاش هكي .
مالك : شن في خيرك ، غزل صارلها حاجة .
تسنيم دفت مالك : غزل غزل عزل ، ماعندكش غيرها ، شن ماديرتلك بس قولي ، هيا بتموت وتفتك منها بعد كم شهر ومزال حتى تسأل عليها ، قولي علاش مش اني علا ش هيا علاش ياربي بس ( وانهارت ع الأرض  بالدموع ) .
جنان & ومراد ( في حالة صدمة ) . 
مالك وعيونه يلمعو من الدمعة  : تعرفي حتى اني سألت روحي سؤال يشبه سؤالك ، علاش اني ، علاش اني الي ربي بعد ماعطني سبب نعيش علي خاطره بياخدها مني ، ولو كان بياخدها مني علاش اعطاهلي من البداية .
غزل بصوت مخنوق : القدر ، القدر هوا سبب كل شي ، حتى واقفتنا هدي هيا قدر ، هدي اجابة اسئلة كل واحد وافق هني ، Me ، ( اشرت علي مالك ) You ، تسنيم ، ومراد ، وحتى انتي ياجنان .
مالك خدي غزل من ايدها وروحو ، وتسنيم قامها مراد من ع الأرض وصلها لحوشهم ، اما مراد وجنان قعدو طول الليل يفكرو بعلاقتهم ، ومالك وغزل نشوفو شن صار لما روحو للحوش >>>