ثم إن قلبي بك يمتلئ عشقا وبقربك يزهر

حلم رأيت به العالم جميلا

شرقت شمس يوم جديد ع كل ابطالنا وبدو يوم جديد .

عند غزل ومالك >>>
ناضت غزل وكالعادة حاسه روحها رزينا ، سايرت روحها بشوية ومالك ساعدها في الحوش ومشت تصلي في الظهر وتسمع مالك يتكلم في فونه .
غزل : السلام عليكم ورحمة الله ..... السسسلام عليكم ورحمة الله .
مالك : تقبل الله .
غزل ناضت لطبق في المصليا : منا ومنكم صالح الأعمال .
مالك : عليا وراجلها منتصر غدواة جاينه .
غزل اول ماسمعت الي قاله راسها بدي يلف وهوووووب داخت ومالك شدها وجابلها امية بخها بيها وكلها حاجة حلوة .
مالك : نوضي البسي نمشو لدكتور .
غزل : لا مافيش داعي اني كويسة .
مالك : اني نبي نطمن عليك .
غزل استسلمت لمالك بعد ماشافت خوف مالك عليها في عيونه : اوكي لكن بعدين ترفعني لحوش بوي .
مالك : نرفعك وين ماتبي حتى للمريخ غير هيا نوضي .
وناضت غزل وبدلت ومشت هيا ومالك ، تو نرجعولهم .

عند اصالة ومحمد >>>
باب حوش اصالة يطقطق .
اصالة : محمود نوض افتح .
محمود مشي شاف من الشريانة : مني .
الولد : عمي محمد #$٪&#٪٪ موجود .
محمود : ايه من يبيه .
الولد : قوله محمد صالح #$٪&$$٪ .
محمود : به .
اميمة : مني واحد اسمه محمد صالح #$٪&$٪$ .
اصالة شرقت بالمية : كحححح كححكحككح .
جي محمد بو اصالة : خيرك ياعبيدة شرقتي ( هوا هكي يدلع فيها ) .
اصالة : لا شي ، اطلع في واحد بيك برا .
محمد : من هوا .
محمود : محمد صالح #$٪٪'"'٪٪٪$ ، والقب والإسم مش غريب عليا .
محمد : حتى اني .
اميمة : باهي الراجل ليه ساعة واقف برا .
محمد : اهو طالع .
وطلع عمكم محمد وعرفه انه سلف غزل وهدرزو وقاله انه داخل البيت من بابو ( جو رضوى الشربيني هههههه ) ، وطبعا محمد بو اصالة متفهم وعجبه محمد ، اكيد هايعجبه مثقف واخلاقه عالية ، وروح محمد وعلي اساس انه قال مايقوللهمش علي الحديت الي صار بينهم وهكي .
اصالة : من هوا الراجل الي جي امبكري بابا ، تعرفه .
محمد : انتي تعرفيه .
اصالة توترت : اه .
محمد : كان انتي تعرفيه اني نعرفه .
اصالة : اها ، كأنه ماما تنادي عليا نمشي نشوفها وهربت .
محمد : هههههههه ، ولا كبرتي يأصالة وتحبي وتنحبي ، ربي يحميك من كل شر يابنتي .

عند هداية ومعتز >>>
نحكيلكم الي صار باش ولو، البنت كان بنت خالت معتز وهيا تبيه وتبي تفرق بينه وبين هداية ، ومعتز لما مشي لغزل وحكتله الي صار طول زبطها هيا ، لأنه يومها كنت عندهم ولمحها شدا فونه ، فنحلت القصة ورجع موعد العرس زي ماهوا .

عند جنان ومراد >>>
مراد كان يلبس في جاكيته وجنان تساعد فيه .
جنان : مراد .
مراد : نعم .
جنان : شن رايك نجيبو بيبي .
مراد : مش عارف .
جنان : عادي حتى لو قلت لا .
مراد : مادمك انتي قلت هكي مش حانقول لا .
جنان بسته وحضناته : ربي يخليك ليا .
مراد : هههههه ، مش ناقص غير تبخريني .
جنان : نبخرك وعلاش لا مش راجلي وحياتي كلها .
مراد : اني بنمشي للعمل لإني تعطلت .
جنان : رد بالك علي روحك .
مراد : حتى انتي ياعمري .