ثم إن قلبي بك يمتلئ عشقا وبقربك يزهر

انت تريد ، وانا اريد ، والله يفعل مايرد .

القسم الثاني

كل واحد مشي علي حاله ، وكانت غزل تعتقد انها اخر مرة بتشوف فيها مالك ، ومالك نفس الشي مع انه كان يعرف انها تقرا في كلية القانون ، لكن هوا قرر معاش يشوفها لأنه مايبيش يتعلق ببنت .

ومر شهر كامل ونفس الروتين ، وكانت غزل مستاحشه تشوف مالك متع الصدف ؛ ومالك كان يفكر فيها كل ديما .

نجاح : نوضو وتو حوايجكم غدواة بوكم بيرفعنا لترهونة .
( خالد بو غزل من ترهونة وهادي اول مرة يمشو) وناضو اعيطو بأعلى صوت .
غزل : وووووك بنمشو .
هداية : واخيرا وووووووووك .
جنة : وووووووك فرحانة .
ولجين : ووووووك .
نجاح : اسكتو خير مايسمعكم ويغير رأيه .
الكل سكت وناضو يجرو يوتو في شني بيلبسو .
هداية : شن بتلبسي .
غزل : مش عارف ، نبي نلبس حاجة مريحة .

تاني يوم كان جمعة ، ناضو التمانية ولبسو وحاطو الحاجات في سيارة ، وصلو التسعة ادهور ومشو لشرشارة وهما مروحين خالد : ننزلزو لشقيقة مول .
نجاح : منقولولكش لا .
هداية : ايه بابا صاحبتي حكتلي عليه .
غزل : اني عندي فلوسي .
ونزلو خالد ونجاح مشو يدهورو ومعاهم لوجين ، وجنة وهداية وغزل مشو جيهت السناكس .
هداية : عزو جابلي DC فيلم رعب نكسدو عليه .
غزل : اه كانا عزو ماظنيت .
هداية : خزي ياكلبة .
غزل : حيييييي .
هداية : خيرك .
غزل : مالك .
جنة : مني هدا .
غزل : راجلي ههههههه .
وجت عينها في عين مالك والأتنين بدو يضحكو .

محمد : تي خيرك ياولد ، اهبلت ولا شني .
مالك وهوا ميت من الضحك : اخ قلبي .

هداية : درتي العار من الضحك .
غزل : وووووه جنابي .
جنة : سترتينا اختي .
هداية : جاي جهتنا .
غزل : مساوية . ( كانت لابسة سروال واسع ابيض واسود وفوقه بلوزة قصيرة اسود وبليزر اسود لأن الجو صقع شوية وفيها وردات حمر ووشاح احمر وسبيدرو اديداس ابيض واسود ، ومسكرة كثيفة وحوجبها طبعا وروج هادي ) .
هداية : تهبلي .
جي مالك ومحمد .
مالك : احم احم .
غزل : احمم احم .
محمد وهداية وجنة .
مالك : ايه شن اديري اهني .
غزل : Shopping .
مالك قرب منها وبصوت واطي : ويامحاسن الصدف .
محمد : احم احم ، احني هني ياجماعة .
غزل مع انها تحشمت لكن مابينتش : به وكانا هدا .
هداية : اقوى اعليهم غزولتي .
مالك : ماعرفتيناش .
غزل : او يا ، هداية اختي وجنة حتى هيا اختي .
محمد : ربي يحفظكم .
مالك : هييي هييي ، ربي يحفظهم هما هيا لا .
غزل : وعلاش انشاء الله .
مالك : تو انقولك .
غزل اتكنطت : هي سلام بنروحو .
مالك ابتسم عرفها اتكنطت : اوكي سلامات .

ومشو وخلصو وطلعو من المول وروحو .

تاني يوم في الليل .

غزل تفكر بصوت عالي : What's Gone On With Me .
هداية : قصدك علي مالك .
غزل : ايه .
هداية : مش شايفة انه شخص غريب وطريقة تعرفكم علي بعض غريبة وانتي غريبة . ( قاطعتها غزل ) : وطريقة كلامك غريبة ، وانسكرو عالموضوع خير منولو في شكلك اكيد غريب .
علي خشت نجاح : غزل ياغزالة مني بيرفعك غدواة ، بوك ماشي للمصرف من الستة واني ماعنديش خدمة انوض علي خاطرك .
غزل : اعطيني السيارة نمشي اني وهداية .
نجاح : بتمشي من الصبح .
غزل : لا بنطلع التسعة لأنه المديرة مسافرة ومافيش هلبا خدمة .
نجاح : واليوم عندي موعد .
غزل : عادي بعد انكمل نخطم اعليك نحط هداية ونمشي اني وياك .
نجاح : باهي غير اتصلي بيا قبل ماتوصلي .
غزل : تمام .
طلعت نجاح .
هداية : الله محلاك كيف قالي عزو نبي نتلاقو وتعرفي مانقدرش نتلاقو في المدرسة ( هداية تخدم في مدرسة خاصة عندها شهادت محاسبة متوسط ) .
غزل : اني اصلا ديما حلوة .