غزل وثقت من اليوم الأول في مالك وعرفت انه مهما كان صاير معها ولو كل الظروف كانت ضدها مالك هوا المكان الوحيد الي حاتلجأ ليه ، لو كانت فرحانة هوا اول واحد بتشاركه في فرحه ، ولو كانت زعلنة هوا الوحيد الي بتشاركه زعله ، مالك بنسبة لغزل حوشها الي لما تبرد تدفا فيه الي لما تتعب ترتاح فيه ، لما توقف الظروف قدامها تلجأ ليه باش يقويها ، ولما يكسرها القدر هوا الي يسندها ، ببسطة مالك كان ملاذ غزل .
مر شهر والكل كان مشغول بمشروع غز ، غزل بدت تتطلع بطنها ومالك بدي يتعلق بصغار يعني رضي بالأمر الواقع وغزل تحسنت حالتها النفسية هلبا ، وبعد اسبوعين تحدد عرس هداية وبعدها بيسافر لتركيا هيا وعزو باش بيخدم في شركة بوه ، علاقة اصالة ومحمد تحسنت هلبا واصالة بدت تفكر تعترف لمحمد انها تحبه ، وبنسبة لمراد وجنان بدت تتحسن علاقتهم يعني مراد معاش بدي يكرها وتقربو من بعض اكتر ، ريان زي ماهيا قاعدة عايشة زواج سعيد بكل معنى الكلمة .
اليوم كان جمعة ، مالك قعد ينوض في غزل مابتش تنوض نزل ودارلها فطور وركب بينوضها مرة تانية .
مالك خدي وردة قعد يمشي فيها علي وجها : هيا حبيبي نوضي ياسرك نوم .
غزل وهيا مبتسمة : اممممم .
مالك : نوضي غزولتي درت الفطور اني .
غزل : شكلها الشمس بتشرق من الغرب مداما مالك مداير الفطور .
مالك مات من الضحك .
ناضت غزل خدت فوطتها وهدا كله مالك قاعد يضحك : رد بالك راك اطيح من الضحك .
نزلت غزل فطرت هيا ومالك وضمت المطبخ ودارت دورة ع الحوش وجت قعمزت جنب مالك >>>
مالك : كأنك تعبي في روحك هلبا .
غزل بخبت : شني خايف عليا .
مالك : هئي خايف علي صغاري .
غزل ضربته علي كتفه .
مالك : المرة الجاية قوي الضربة باش نحسها .
غزل : نبي نعرف انتا هكي مولود ببراتك ولا الموضوع مكتسب .
مالك : لا لا ميكس بين الإتنين .
غزل : هاهاهاهاها ، اضحك هلبا تعرف .
مالك : باهي كويس ، قلتلك .
غزل : ماقلتليش .
مالك : نمشو نتغدو في حوش عمي اليوم .
غزل : اوكي نوتي روحي ونمشو .
مالك : هي نوضي شن تراجي .
غزل : مبردك نايضة .
مالك : مش ابرد منك حبي .
عند هداية وعزو >>>
هداية : الووو .
عزو : ايوا .
هداية : وين امس متردش .
عزو بتوتر : اه ، وين يعني لهيت في حجز وجو هدا .
هداية : امممم ، عزو اني حشيت بيك متغير ، خيرك .
عزو : لا مافي شي ، غير قصة العرس كيف قدمناه هكي بس .
هداية : اها .
عزو : ايه ايه ، هي سلام .
هداية : سلامات معتز .
عند اصالة ومحمد >>>
اصالة راقدة في سابع نومه وفونه يرن .
اصالة : هممممم .
محمد : تي نوضي انهارك احرف ياسرك نوم .
اصالة وهيا تتاوب : مامليتش انتا كل يوم هكي .
محمد : طول العمر مش حانمل .
اصالة دابت : اه كيف .
محمد : سلامتك حبي .
اصالة : انوض ونكلمك .
محمد : تمام .
عند مراد وجنان >>>
جنان دارت دورة ع الحوش ومشيت تنوض في مراد .
جنان : هيا مراد نوض وقت ع الجمعة .
مراد : قداش الساعة .
جنان : 11.5 AM .
مراد : خيرك منوضتنيش .
جنان : من امبكري انوض فيك وانتا ماتبيش .
مراد : باه . ( وناض بيمشي للحمام ) .
جنان : استنى .
مراد : شني .
جنان : ااااام ، نمشو نتغدو في حوش امليا اليوم .
مراد قعد يحك في راسه : باهي واتي روحك باش نصلي الجمعة في الجامع الي جنب حوش اماليك .
جنان من الفرحة مشت تجري حضناته : شكراااااااااااا .
مراد في الأول حضنها بعدين : احم احمممم .
جنان حولت بهدوء .
أنت تقرأ
ثم إن قلبي بك يمتلئ عشقا وبقربك يزهر
Romanceالظلم ، القهر . الذال ، العدل . الحقد ، الحزن . الفرح ، العشق . الكبرياء ، التواضع . قوانين نخضع لها جميعا ،بعضها ماتولد معنا ، وبعضها الأخر ماتصنعه لنا الحياة ؛ غزل فتاة كسرت كل هذه القوانين ( غزل اسم الفتاة ) ، لم تسمح لكبرياءها أن يترنح يوما...
