ثم إن قلبي بك يمتلئ عشقا وبقربك يزهر

ماهو الحب

هل هو انك تكون مستعد تضحي بهلبا حاجات علي خاطر تشوف الفرحة في عيون الي تحبه ؛ ولا هوا الوجع الي تحس بيه فجأة بدون تعرف حتى من وين او امتى جي بمجرد انك تحس بحد من الي تحبهم زعلان ولا مضايق ؛ ولا هوا هدكا الشعور الي يكون عند الإنسان بالفطرة لما يشوف حد غالي علي قلبه ضعيف يقويه ويوقف معاه ؛ ولا هوا لما تحس ان قلبك بيتقطع علي فراق حد تعلقت روحك بيه ، الحب هوا هدا واكثر ، في كل انواعه وحالته يحي في لحضة ويموت في لحظة ، يفرح في لحظة ويتعب في لحظة ، لكن لو ضعف الشخص مستحيل يقويه مهما حاولنا انه نرجع اقوياء بأسم الحب حانقعدو ضعفاء ، اللحظة الي يقرر فيها الإنسان يحاول الحب علي جنب هي نفس اللحظة الي حايمتلك فيها قوة غير عادية ودافع يخليه كل مايفكر يتراجع مايقدرش ...........

مرو ستة شهور بزبط وغزل ماشفتش منتصر حتى بصدفة { ولأننا بنفس الغرور لن نلتفي حتى صدفة } #مقتباسة .

غزل كيف روحت من الجامعة تعبانة طبعا بعد يوم طويل في الجامعة محاضرات ومشت لكلية الهندسة ودارت جو هيا وصاحبتها ريان .
هداية : مستانسة اليوم ماما عند حنينا والميك اب مش ماسحتيه وشنطة معبيه علي كندر وتشبس وسكلاوب ، نبي نفهم مادام ماتكليش فيهم علااش تاخدي فيهم ؟
غزل : تصرفي عليا من جيبك ؟
هداية : لا الحق فيا اني الي خايفة علي صحتك نسيت حالت الإكتأب الي خاشيتي فيها فترت عرس سوريرة .

فلاش باك
اول شهر كان يمشي الساعات فيه كأنها سنوات لحد يوم حفلة بنت عمتها في الصالة وقتها العريس كيف خش ويدرج هوا وبنت عمتها علي اغنية # يارا #مابعرف كيف بلحظة اغنيتها هيا ومنتصر وبدت الدموع تنزل من غير سيطرة قعدة تبكي بقوة لأنه الوجع كان من وسط قلبها قررت انها معاش بتحب حتى بتكلم اولاد لكن معاش بتحب بتولي زي قبل .

عودة

غزل : يااختي حلوة .
هداية : ايه حلوة .
غزل : شن قلتي فترة يعني ماضي والماضي يقعد في الماضي واحني توا في المستقبل والحاضر فاخلينا فيهم ارجل .
هداية : عندك علم انك مش انسانة .
غزل : انتي انسية ولا جنية ولا ايه بزبط .
هداية : كيف تقدر تعفسي علي قلبك وتمشي .
غزل : ماهو اني مش ماناكلش في لحم الخروف ، درت بقلبي قلاية وكليته بالفطيرة  ههههههههه .
هداية : واللهي حرام اعليك الي اديري فيه في روحك معاش تضغتي علي نفسك .
غزل : اني ماشية اندوش .
وقعدت تغني وهيا ماشية : شفتك اتلخبط فز اقلبي ونط .
هداية : ربي يشفيك ياوخيتي .
رن فون هداية وردت : اه حبي شن الجو .
هداية : تمام .
عزو ( حبيب هداية ) : خيرك صوتك مش عاجبني ؟
هداية : معتز مش عارفة كيف بنقوللها .
عزو : علي موضوع منتصر ؟
هداية : ايه .
عزو : موضوعه موضوع هدا ، قوليلها فقش وهيا خليها ادير الي يريحها .
هداية : مش قادرة .
عزو : علاش ؟
هداية : بنحط قدامي كل الإحتمالات ، والمشكلة كل احتمال احرف من التاني .
عزو : غلط غزل من النوع الي متقدرش تتوقع شن بدير وامتى بدير .
هداية : لين راسي وجعني من كثر التفكير .
عزو : باهي شن رايك في حاجة .
هداية : شني .
عزو : مش في ولد يناشب فيها في الجامعة .
هداية : ايه وسام ، الي كلمتك عليه صح .
عزو : ايه اني غدواة ماشيله .
هداية : ربي يخليك ليا .
عزو : تي خيرك غزل زي اختي ، ولا يهمك يإذن الله معاش يجي جيهتها .
هدية : حتى هيا معتمدة اعليك اصلا .
عزو : باهي نعرف نعرف ، خليني نكمل .
هداية : به .
عزو : تو نفتح معها الموضوع من البداية ، شن رايك .
هداية : اممممم ، واللهي دير رايك ، وهكي تريحني اصلا .
عزو : تم حبي نشوف الأولاد نشبح فيهم جاين من بعيد ونكلمك .
هداية : تم حبيبي .
خشت ابرار وجبدت الإستشوار وتجفف في شعرها لا حظت انا هداية سارحة مابتش تكلمها لين كملت : شكله متربع الي واخد عقلك .
هداية : ايه متربع .
غزل : باهي بنتكى وبنرقد كان ماما روحت وسألت عليا ، ومتنوضنيش .
هداية : هههههههه .
غزل : قصدي هيا ختى تمت راه ، اقلبي وجهك واطفي الضي ، هي سلم اوخيتي .
هداية : باهي ، وانتي تقولي جايبينك من مصنع الثلج .
غزل : وانتي الصادقة جايبيني من موسكو ، ماتشبحيش فيا قداش بيضة .