ثم إن قلبي بك يمتلئ عشقا وبقربك يزهر

انت تريد ، وانا اريد ، والله يفعل مايريد .

القسم الثالت

روحو للحوش ومشت الأمور ، سموه الولد عبد الرحمن ، وبعد اسبوعين بيداروله سبوع كبير طبعا الذكر علي اربع بنات .

في نفس اليوم الساعة 12 في الليل ، غزل تعبانة وبطيح علي وجها من قلة النوم : تي هيا رد .
هداية : فوتيه ماباش يرد ارقدي غدواة عندنا يوم طويل .
رد مالك : اسف حبيبي ، هدا مؤيد جابلي حسابات المحل .
غزل وهيا قريب تاكله : توا معقولة ، في هالليل .
مالك : عادي بعدين مؤيد اكثر من واحد يخدم معاي .
غزل : لا قصدك يخدم عندك .
مالك : لا كانا قلتها هكي نبدا مش راجل وانتي ماترضيهاليش حبي صح .
غزل : على فكرة الموضوع ماليشي علاقة برجولة ، وصكر عالموضوع نبيك في حاجة .
مالك : شني ؟؟؟
غزل : امممم ، حبيبي .
مالك : عيونه .
غزل : احني انشاء الله بعد اسبوعين بنديرو سبوع لعبدو .
مالك : واني حاضر .
غزل : لا مش هكي ، امممممم نبيك تعزم امك واخواتك وعمتك نجمية .
مالك : كيف كيف .
غزل : خيرك مالك .
مالك : ماخرنيش ، لكن انتي شكلك واخدة حاجة مش ليك .
غزل : كل شي واخدته ليا .
مالك : هاهاهاها ، ماضحكش .
غزل : لا اضحك ، لكن انتا متكنطي ماحسيتهاش .
مالك : غزل اني نحبك ولو تطلبي روحي ترخصلك ، لكن فوتيه الطلب هدا .
غزل بخبث : شن قلتلي يومها ، مش حانخلي حاجة خاطرك .
مالك : باهي مروة ومرام ونجمية بس .
غزل : وامك .
مالك : نبي نفهم بس بصفتهم شني .
غزل : بصفتهم فيهم من ريحتك .
مالك : وبعد كل شي قاعدة انتي الإنسانة الوحيد الي تأثر فيا .
غزل : اوف كورس ، اصلا مافيش زيني .
مالك : معاش نشكروك .
غزل : هههههههه .
مالك : هييي انتي .
غزل : شني .
مالك : انحبك .
غزل : حتي اني انحبك ، باهي بنرقد توا ، واسمع بابا يبي يشوفك بيرجعلك فلوس العملية اعطيته رقمك .
مالك : لا خيرك هكي .
غزل : Sorry ، لكن شفت عنادي بابا مازل اعند مني .
مالك : تي بنته بتولي مرتي مش بيناتنه .
غزل : حتى ولو ، هوا مستحيل يقبل حاجة من حد اني بنته قداش ليا نخدم حتى يجي ياخد مني يرجعلي فيهم .
مالك : باهي ماعندي مابندير ، بري ارقدي واحلمي بيا .

يوم الأسبوع كلهم حايسين وفرحانين العيلة كلهم ، واصالة حتي هيا جاية واخدين اجازة ، والي هدا يوصل والي هدا يجيب ، بنسبة لنجاح مشت للمزين ولبسة عربي وخداها خالد من المزين وطار بيها لصالة ، وجوهم حلو .
في الصالة >> غزل : اصالة باللهي تأكديلي من ترتيب الميوزيك .
اصالة : تم .
وبعد مرورة فترة من الزمن وصلو المعزيم وغزل والجماعة يستقبلو تسمع غزل في فونها يرن طلعلها صدفة غيرت حياتي ( هكي مسجلة مالك ) ردت : انحبك مالك .
مالك : ايه حتى اني قلت هكي .
غزل : ههههههههههه . ( كانت تعرف انهم معاه في السيارة ) .
مالك : تو يبانلك .
غزل : باهي اهو بنمشي نستقبلهم .
مشت غزل واستقبلتهم وكانو ام مالك مريم وعمته نجمية ومروة ، وهيا قاعدة تسلم >> مروة : مرام ماجتش معانا لأنه سلفها كيف متوفي .
غزل : الله يرحمه ، عادي تو تعوضها ، تفضلو .
وصلتهم غزل علي طاولة خالاتها وحنها وقعمزو معاهم .
غزل : عن اذنكم شوية ، خالتي كريمة ترا شوية نبيك .
مشت بعيد عليهم شوية >> غزل اي شي يقولهو فوتيه بذات امه .
كريمة : تبي من يحصل عليك يابنت اختي .
غزل : الأيام جاي وتو نحكيلك ، ايه وقبل ماتطلعي ذكريني نعطيك حصة سعاد .
مشت غزل دارت دورتها ، ولما جت بتطلع امها وخوها مشت قعمزت في طاولة ام مالك وخالاتها ؛ وبعدها بدو يهدرزو من سيرة لسيرة ، والي كان يهدرز معاها مروة ونجمية اما مريم كانت تدوي بشكل مختصر ، المهم >>