القدر هوا اسوأ شيء وف نفس الوقت افضل شيء ؛ لو حطك تحت اسوا الظروف واكبر الأوجاع ، في نفس الوقت هوا حيكون اعطاك قدرة انك تتحمل اي شي تاني ، كل تجربة تخليك اقوى من قبل وكل طيحا تخليك تنوض اقوى من قبل والمهم انك حاتتعلم من غلطك ، لكن الأهم انك بتتعلم كيف انك تحب تعيش ........ ( غير مقتبسة ) .
بعد خمسة سنوات
غزل مقعمزة تحت برج ايفل في المقاعد الي عالايمين ، جنب مالك ، سمعت فونها يرن في الشنطه ، طلعتها لقتها اختها جنة مكالمة فيديو .
مالك : مني هدا Baby .
غزل : جنة هادي .
مالك : باهي ردي .
غزل فتحت المكالمة : هاي جنونة .
جنة : هايااااات .
غزل : شن الجو .
جنة : الجو كله عندك .
مالك : راهو بديتي معاش تتحشمي يابنت .
جنة : باهي شن بندير كساد وفادة من الجو نبي نسافر ( وطبعا هيا تقول هكي باش ححححح مالك يقوللها تو نجيبوك تغيري جو عندنا ) .
مالك : غير تقولي هكي اني بروحي فديت من هني .
غزل : احكي علي روحك .
مالك : توا لما نجو لليبيا نكلم عمي خالد تروحي معانا تقعدي شهرين .
جنة : كككيف جاييييين ، امتى وعلاش .
غزل : بدال ماتقوليلي توصل بسلامة ياوخيتي .
جنة : توصلي بالف سلامة مش سلامة وحد بس ، اه ماما تبي تكلمك .
مالك : وينها الحاجة متوحشها .
غزل : خيرك ماما ؟ شن فيه ؟ خيره وجهك هكي .
نجاح : شي ، غير عبدو طاح امبكري ورفعه بوك باش يجبسوله ايده ومتغششة اعليه .
مالك : طبعا ، مصمصة الكرشة هههههه .
غزل : ماقالتليش الكلبة جنة .
نجاح : المهم بابنيتي كيف حالك وشن جوك انتي ومالك ، وانتا مالك كيف الحال وشن امور الخدمة .
مالك : ماشية ياحويجة .
غزل : ياسر وانتا لا خليتها تحج وشدها وراها ، بعدين امي قاعدة صغيرة .
نجاح : حي قاعدين تتعركو زي الصغار .
مالك : غير استني شوية عمتي ، شني تبيها تحج هيا وكيبرة تحج توا قاعدة بصحتها .
غزل : خليني نعرف ندوي مع ماما وبعدين نتعاركو .
غزل : ماما اني ومالك مروحين نهاية الأسبوع هدا انشاء الله .
نجاح : خيرك مقلتيش قبل ، مازالو خمسة ايام ،انشاء الله نلحق اندير حاجة .
غزل : كنت بنديرها مفاجأة مش مقايلة لين نوصل عندكم لكن قلت اهوا باش متقعديش شادتها في جرتي بعدين ، وبعدين ماتخفيش تلحقي اديري حاجات مش حاجة .
نجاح : اشاء الله .
مالك : وين عمي بنهدرز عليه .
نجاح : رفع عبدو مش قلتلكم .
مالك : ايه صح ، المهم في مفاجأة .
نجاح : حامل .
غزل : حقا ، لا مش حامل ، وبعدين تعالا جاي انتا مفاجأة شني .
مالك : اسمها مفاجأة بعني تفاجأ .
غزل : مبسلك ياظريف .
نجاج : هي مانعطلكمش .
غزل : لما خلودا يروح بعبدو كلميني .
نجاح : انشاء الله ، ردي بالك علي روحك وعلي مالك .
غزل : سلام .
تو حانعرفو كيف ظهر مالك في حياة غزل وشن قصة غزل ومالك وكيف تزوجو وهل الزواج عن حب ولا تقليدي وشن صار في الخمسة سنين الي فاتو وكيف تغيرت حياة الشخصيات هدا كله في الجزء الجاي .
#تفاعل🙌🙌🙌🙌🙌
#كومينت💬💬💬💬
#تصويت⭐⭐⭐⭐
#توقعتكم😜😜😜😜
أنت تقرأ
ثم إن قلبي بك يمتلئ عشقا وبقربك يزهر
Romanceالظلم ، القهر . الذال ، العدل . الحقد ، الحزن . الفرح ، العشق . الكبرياء ، التواضع . قوانين نخضع لها جميعا ،بعضها ماتولد معنا ، وبعضها الأخر ماتصنعه لنا الحياة ؛ غزل فتاة كسرت كل هذه القوانين ( غزل اسم الفتاة ) ، لم تسمح لكبرياءها أن يترنح يوما...
