نرجعو بعد خمسة سنين
مالك : هيا نوضي انروحو للحوش ، الجو بدي يصقع ، وانتي مش لابسة كويس .
غزل : ياحلللليلي علي يخاف عليا من الصقع .
مالك : من قالك ، اني خايف علي روحي مش بتمرضي واني نقعد حاصل فيك .
ضرباته غزل علي بطنه : حقيرررررر .
مالك : ايييييي ، في واحدة تقول لراجلها حقير .
غزل : ايه اني . وناضت وقعدت تسرع في خطواتها .
شدلها مالك ايدها ولفها ليه : اني ماخفتش عليك من الصقع ، اني غرت عليك الصقع يمسك .
غزل دفاته : رانا في الشارع .
مالك : لا وللهي ، تي حتى كانا في ليبيا انبوسك في الشارع ، مرتي وحلالي .
غزل : باهي هيا الصقع بيمسني .
وروحو للحوش ، الحوش هوا شقة طبعا .
نحكو علي التغيرات الي صارت ، هداية انخطبت لمعتز ودارو فطانية ، وبيديرو بيان قريب ، واصالة حققت طموحها وهيا حاليا تقرا طب بشري سنة خمسة ، وبدت علاقتها كويسة بمحمد ، يعني اصدقاء يتكلمو اكتر شي علي سوشل مديل ، ومرة مرة بالفون ، ونجاح وخالد بعد ماجاهم عبد الرحمن الدنيا مش واسعتهم من الفرحة ، وريان حتى هيا حققت حلمها تزوجت ، وجابت بنتين ولد ، وعمها عصام ولاه عنده ولد حتى هوا ، امممممم وهدا هوا .
تاني يوم ناضت غزل مشت للخدمة ، وناض مالك زبطها مهناش ، خش للحمام ( اكرمكم الله ) توضى وصلا ، مشي للمطبخ لقي Note من غزل : صبحو ياغزال مشيت بكري لأنه لازم نكمل كل شي قبل مانمشو لليبيا ، افطر باهي وفكنا من الدخان من صبح ربي ، انحبك مووووووت .
مالك قعد يضحك ، وبدل ، ومشي لخدمته .
نحكو علي خدمة مالك وغزل ، غزل في السنوات الي فاتت وليت تميل لتصميم المجوهرات ، فلما جت لباريس قرت تصميم مجوهرات ، وجمعتها صدفه بواحدة غنية ساعدتها وفتحتلها دار مجوهرات ، هي صح بإسم المرا لكن غزل هيا الي مشيتها ، وبالنسبة لمالك خلاه معرض السيارات الي في ليبيا لمحمد يدير فيه ، وهوا يسافر من باريس لإسبانيا للبرازيل يدير في صفقات سيارات وهكي .
عند غزل >>>
غزل : اوكي رتاج اني حطيتلك الخطة الي بتمشي بيها لما نبدا اني مهناش .
رتاج : تمام . ( رتاج بنت ليبية تخدم مع غزل ) .
غزل وهيا شاده راسها يوجع فيها : خلاص خلي الموظفين يشوفوها .
رتاج : تمام .
رتاج كيف جاية بتطلع نست تقوللها علي حاجة تتلفت تلقها طايحة .
عند مالك >>>
محمد : شني هدا ياراجل امك معاش تبطل نقان بنخطبلك بنخطبلك ، بديت نروح من الليل لي لليل باش ماتعلقش عليا .
مالك : ههههههه ، وللهي فيلم رعب عايش فيه .
محمد : ايه شن المناسبة مولي .
مالك : طول عمرم واطي ، بدل ماتستقبلني بالأحضان .
محمد : بالأحضان وبالبوسان ، غير شن في .
مالك : بوسان لا المدام تغار ، وللهي ياراجل الحنين الي الوطن ، وقلت نشوفكم ونطمن عليكم وحتى استاحشت امليها .
محمد : باهي انشاء الله توصلو بالسلامة .
مالك : هي طير .
محمد : ناعنديش جناحات .
مالك : اشرب رد بول .
أنت تقرأ
ثم إن قلبي بك يمتلئ عشقا وبقربك يزهر
Romantizmالظلم ، القهر . الذال ، العدل . الحقد ، الحزن . الفرح ، العشق . الكبرياء ، التواضع . قوانين نخضع لها جميعا ،بعضها ماتولد معنا ، وبعضها الأخر ماتصنعه لنا الحياة ؛ غزل فتاة كسرت كل هذه القوانين ( غزل اسم الفتاة ) ، لم تسمح لكبرياءها أن يترنح يوما...
