غزل خشت الشهر التاسع وكانت تعبانة من كل شي لكن تكابر وتحاول انه مايشوف حد تعابها ، وفعلا نجحت وماشاف حد تعابها الا مالك طبعا هوا الي يفهم كل شي من عيونها ، اما هداية بتتزوج بعد اسبوع ، واصالة قررت انها تحكي لأمها علي محمد ، ومراد لقي في جنان كل الي كان يتمناه واكتر وهيا نفس الشي وعايشين احلا حياة ، وايه تسنيم اخت مراد بتسافر تعيش عند عمتها في كندا .
عند غزل ومالك >>>>
بعد العصر روحت للحوش هيا ومالك من تحضيرات الأخيرة للعرض لأنه غدواة .
غزل : جعانة اني .
مالك : حتى اني ، نطلبو ديليفري .
غزل : باهي ، لكن نبي زيادة مايونيز .
مالك : نعرف .
بعد ماكلو وكملو مالك رفع السفرة للمطبخ وغزل مشت ترتاح في دارها .
عند هداية ومعتز >>>>
معتز : شني حبي عجبك الفيلو .
هداية : ايه عجبني ، اصلا غزل تعرف دوقي كويس .
معتز : باهي كويس ، اني اليوم نظفت الحوش مع امي وخواتي .
هداية : اها ، كويس .
عند اصالة ومحمد >>>
محمد : باهي علاش بتصكري .
اصالة : ماما تنادي عليا .
محمد : باه بري ، وسلميلي علي عمتي اسمهان .
اصالة : هدي حتى في الحلم تجي مشوشة .
محمد : عادي تو نركب فوق السطح ونساوي الإشارة .
اصالة : به شني نضحك تو .
محمد : المفروض انك تضحكي لكن المفروض مرفوض .
اصالة : باه هيا خبزة يابسة .
محمد : هي سلام .
اصالة : سلامات .
اصالة مشت لأمها >>
اصالة : نعم ماما .
اسمهان : ظمي المعايين .
اصالة : باهي .
اسمهان : شفتي بنت جرتنا شن صار فيها .
اصالة : مروة شن صارلها .
اسمهان : مصارلها شي ، مش انخطبت وعلي اساس بتتزوج بعد ماتكمل قريتها .
اصالة : ايه .
اسمهان : قالولهم يبو العرس توا وحتى تكميل قراية مافيش .
اصالة : مصح وجهم ، مش عطوهم كلمة .
اسمهان : هدا باش اني منحبش البنت تنخطب قبل ماتكمل قرايتها .
اصالة : مش كل الناس معندهمش كلمة ، خيره غزل انخطبت قبل ماتكمل قرايتها وتزوجت بعد ماكملت قرايتها ، لأنه مالك عنده كلمة .
اسمهان : ماهو هداك مالك .
اصالة : وكانا هدا شني الي خلق مالك مخلقش غيره .
اسمهان : وانتي خيرك ساخنة هكي وشن واجعك .
اصالة : لا لا مش سخونة اني باردة الحق .
اسمهان : ولا ليكون في حد في راسك .
اصالة : لو كان في حد بيكون في قلبي علي فكرة مش في راسي ، واطمني لا في حد ولا حديين .
طبعا اهني اصالة خدت صدمة تلاثية الأبعاد ، يعني بعد ماكانت بتفاتح امها بموضوع محمد ، معاش قدرت بعد الكلام الي سمعاته .
عند مراد وجنان >>>
جنان : مراد نبي نقولك حاجة .
مراد : قولي حتى حاجات .
جنان : لا لا ، هيا حاجة واحدة .
مراد : باه قولي حاجة ولاحاج .
جنان : اني ممكن نكون حامل ، لكن مش متأكدة .
مراد وهوا طاير من الفرح : كيف مش متأكدة لازم تكوني متأكدة .
جنان : منعرفش اني .
مراد : البسي خلينا نمشو لدكتور .
جنان : توا .
مراد : ايه توا مالا امس ، تي نوضي البسي .
جنان : اهو نايضة .
بعد فترة من الزمن >>
الدكتورة : مبروك مرتك حامل .
مراد : انتي متأكدة ايه .
مراد : باهي ولد ولا بنت ، باهي قداش عمره ، ولا نقولك امتى بيجي .
جنان : اهدي شوية .
الدكتورة قعدة تضحك : هههههههه ، شكل اول عيل .
جنان : ايه .
الدكتور : هدا باش ، انشاء الله يتربى في عزكم .
بعد مرور اسبوع
نحكو شن صار في الأسبوع الي فات >>>
اول شي نحكو علي عرض غزل ، العرض صار وكان راقي جدا وحضروه شخصيات مهمة وشخصيات من برا ليبيا وحاز علي تقدير اغلب النقاد ( اندير في جو حتى اني ) وطبعا حضروه عيلة غزل بوها وامها وهداية واصالة بوها وامها وناس تانين وحتى عزو طبعا ومنتصر وعليا جو حتى هما ومحمد وهلبا شن بنتدكر لا نتدكر عاد ، المهم كان في قمة الإبداع .
وبالنسبة لعرس هداية الأسبوع الي فات كله جري في جري ، حجز وشري وتوتي ، وهلبا حاجات تانيات ، المهم دارو الحنة وكانت عائيلية ، وتاني يوم الكسوة والسهرية ، غزل لبسة بدلة صغيرة في الأول بعدين متحملتها لبست قفطان فيلفيت طبعا لأنه صقع هلبا لونه موفي غامق ولبسة معاه نكلس الماس وكندرة فضية وشنطة فضية ، اصالة لبست قونة لونها وقيدي سادة وفوقها بلوزة كلها ورد ، وطبعا حتى جنان جت لبسة صدرة بدلتها الكبيرة .
نرجعو توا بعد اسبوع اليوم الحفلة ، غزل لبست دجمسوت علي اللون الدهبي موديلها اشبه للكيمونو وفيها لون فيروزي لبسة معاها دهبها ومكياج فيه فيروزي ، اصالة لبسة قفطان اقرب في تصميمه للموديلات البريطانية الكلاسكية يعني طوله لركبة ووكلوش من غير نفخة وكتف طايح كتف قاعد فوق ، اما جنان لبسة قفطان ازرق في الفضي منفوخ ومدايره تسريحة ومكياج قوي ولبسة ايرينق علي فضي وساعة فضي وخاتم وحديدة فضي .
بالنسبة لفيلو هداية كان كلوش وفيه نفخة بسيطة وايديه كات وديل والبقة كان لونها موف .
مشت امور الحفلة وجت حلوة ومرتبة
أنت تقرأ
ثم إن قلبي بك يمتلئ عشقا وبقربك يزهر
Romantikالظلم ، القهر . الذال ، العدل . الحقد ، الحزن . الفرح ، العشق . الكبرياء ، التواضع . قوانين نخضع لها جميعا ،بعضها ماتولد معنا ، وبعضها الأخر ماتصنعه لنا الحياة ؛ غزل فتاة كسرت كل هذه القوانين ( غزل اسم الفتاة ) ، لم تسمح لكبرياءها أن يترنح يوما...
