حينما تُعشق

الفصل التاسع

ايه يا جماعة فين الڤوت أنا مش شايفة تصويت خالص عالفصل اللي فات ياااريت اللي يقرأ الفصل يضغط عالڤوت مش بيكهرب والله.....انا فضلت سهرانة عشان أكتب الفصل دا عشان اتأخرت عليكم في العيد آجي أبص مالاقيش تفاعل....انتو كدا بتحسسوني ان الرواية مش عاجباكوا لو مش عاجباكوا قولولي وانا أوقفها...
الفصل دا أنا اللي كاتباه أما الفصل اللي فات شمس اللي كتبته أسيبكوا مع الفصل الجديد....
في سيارة مروان تجلس مرام وأسيف في الخلف يتحدثان بهمس شعر مروان بالانزعاج قليلا من تجاهل أسيف له فنطق قائلا بحنق:"ايه يا أسيف انتو قاعدين تتكلموا ورا وسيبيني هو انا السواق بتاع أبوكوا...اعملي حسابك هننزل ريست كمان شوية وهتقعدي قدام معايا"
أسيف ببرود:"أنا بشوفك كل يوم تقريبا انما مرام لأ وانا عاوزة اقعد معاها شوية وبعدين ريست ايه اللي انت هتنزلنا فيه هو احنا بينا وبين هايبر اد ايه يعني ما احنا ساكنين هنا هي ساعتين زمن وهنوصل"
مروان بغيظ:"الحق عليا اني عايز أجيبلكوا أكل او تروحوا الحمام بدل ماحد يتحرج"
أسيف: "لا ياحبيبي لو احنا عايزين حاجة هنقولك ومش هنتحرج ولا حاجة آه انت جوزي يعني مش حد غريب"

كتمت مرام ضحكاتها بصعوبة وهي تري أخيها يكاد ينفجر من الغيظ بقيت هي وأسيف يتحدثان حتي وصلوا الي المول ترجلوا جميعا من السيارة ودلفوا الي المول تحدث مروان قائلا:"ها يا أسيف ايه اللي ناقصك"
أسيف: "بص هو انا مش هغير كتير في الفيلا يعني هي فيها حاجات وانا جبت الناقص اللي انت قولتلي عليه قبل كدا وبقيت جهازي ممكن نحطه في أوضة لوحده انا دلوقتي هجيب شوية هدوم وشامبوهات وحاجات خاصة بالنظافة وانت روح هات حاجات ليك وفي الأخر نتجمع عند الكاشير"
مروان:"طيب تمام"
جذب مروان احدي عربات التسوق وأعطاها لأسيف ثم جذب واحدة أخري وذهب لكي يري ماذا سيشتري
أخذت أسيف العربة وذهبت هي ومرام اشترت عبوات الشامبو والصابون وأشياء كثير خاصة بالنظافة وبعض الأشياء الأخري التي تنقصها مثل البرفيوم والمكياج ثم ذهبت واختارت بعض الملابس بعناية بمساعدة مرام واخيرا رن هاتفها وجدته مروان فذهبت هي ومرام للكاشير دفع مروان الحساب ثم أخذوا الأكياس وخرجوا من المول وضعوا الأكياس في حقيبة السيارة ثم ركبت مرام في الخلف وذهبت أسيف وركبت بجانب مروان (حست علي دمها أخيرا 😂😂😂)
تحدث مروان قائلا:"أنا اتصلت علي واحد بتاع معرض موبيليا وهنروح بكرة يا أسيف ان شاء الله تختاري الأنتريه اللي يعجبك"
أسيف: "ليه هو اللي في الفيلا ماله"
مروان:"بقا قديم يا أسيف مش بتاع عروسة احنا هنجيب أنتريه وسفرة وحاجات جديدة هنشوفها وكمان أوض النوم هتتغير أنا وصيت علي الحاجات دي كلها وهنروح بكرة نختار ونجيب اللي يعجبنا"
أسيف: "ماشي تمام"
أخذهم مروان في رحلة نيلية واشتري لهم آيس كريم ثم أوصل أسيف للمنزل أخذ المشتريات من حقيبة السيارة وصعد مع أسيف وضع الأشياء بجانب الباب قائلا:"أنا هنزل بقا يا سيفو عشان مرام تحت بكرة بإذن الله لما أتصل بيكي تنزلي عشان نروح المعرض سلام ياقلبي" ثم قبل رأسها وذهب الي مرام وانطلقوا الي منزلهم.....فتحت أسيف باب المنزل ثم دخلت وجدت والدتها تشاهد التلفاز نادت عليها قائلة:"يا مااااما تعالي شيلي معايا كدا"
جويرية:"حمد الله عالسلامة يا سيفو ها جبتو ايه"
أسيف: "شيلي معايا بس كدا وبعدين هوريكي"
حملوا الأكياس ودخلوا غرفة أسيف
جويرية:"هاا عملتوا ايه"
أسيف: "مفيش جبت شوية حاجات للحمام وحاجات ليا برفانات ومكياج وحاجات من دي وشوية دريسات وطرح ومروان وصي علي أنترية وسفرة وأوض نوم جديدة هنروح بكرة ان شاء الله نجيبها"
جويرية:"طيب يا حبيبتي ربنا يسعدك غيري هدومك علي ما أجيبلك الغدا"
أسيف: "ماشي يا حياتي بس بسرعة عشان هموت وأنام"
أبدلت أسيف ثيابها ثم دلفت الي المرحاض غسلت وجهها وخرجت وجدت والدتها تناديها خرجت من غرفتها ثم جذبت كرسي وجلست عليه نظرت لوالدتها قائلة:"بابا طبعا عنده وردية"
جويرية:"أيوة يا حبيبتي"
أسيف بحنو:"ربنا يخليكوا ليا يا أمي ويعينكوا يااارب "
جويرية:"ياااارب ياحبيبتي ويسعدك يارب ويهنيكي"
أسيف: "آمين يااارب"
ثم أنهت طعامها وذهبت الي غرفتها وما هي الا ثوان وذهبت في النوم من شدة التعب