حينما تُعشق

الفصل التاسع عشر

استيقظت أسيف علي أشعة الشمس المتعامدة علي عينيها فتحت عينيها ببطء وفركتهم ونظرت بجانبها فوجدت مروان مستيقظ وينظر لها بحب...
مروان:"صباحية مباركة يا عروسة"
اشتعلت وجنتاها خجلا منه وازداد خجلها عندما عادت اليها أحداث الأمس فدفنت وجهها بذراعها لتتواري من نظراته فضحك مروان ملئ فاه وغمغم قائلا:"الله انتي هتتكسفي مني ولا ايه"
أسيف:"خلاص بقا يا مروان سيبني اقوم اخد دش ونفطر وننزل شوية...وابقي احجزلنا ننزل علي اخر الاسبوع عشان البيت وحشني"
مروان:"ليه بالسرعة دي"
أسيف:"انا زهقت زرنا أماكن كتير في تركيا عايزة بقا اروح وممكن نبقي نروح حتة تانية بعدين بقا"
مروان:"طيب يا قمري يلا"
دلفت أسيف الي المرحاض اخذت حماما دافئا وبدلت ملابسها وجففت شعرها وخرجت...
وجدت مروان قد طلب الطعام فجلست تأكل معه وبعدما أنهوا إفطارهم استعدوا للنزول.....
وبعد مرور أسبوع
عادوا من شهر العسل الي الفيلا استقبلتهم مرام بترحاب شديد......
مرام:"مارو حبيبي وحشتني اوي"
مروان:"وانتي كمان وحشتيني اوي اومال لو كنا قعدنا شهر زي بقيت الناس"
مرام:"لا مقدرش اعيش من غيرك شهر"
مروان:"يابت اومال الواد آسر فين مش بيعوض الفراغ اللي انا سيبته"
مرام:"لا آسر حاجة وانت حاجة تانية خالص"
مروان:"ماشي يا بكاشة...اومال مراد فين"
مرام:"مراد مع صحابه في فرح واحد صاحبهم....يلا يا حبيبي اطلعوا فوق ريحوا شوية عشان هاخد أسيف منك"
مروان:"لا يا حبيبتي ماتخديهاش...تخديها ليه"
مرام:"فيه ايه يا مروان ماهي معاك من ساعة ما اتعرفتوا علي بعض سيبهالي شوية"
أسيف:"باااااس انت وهي خلاص هطلع ارتاح شوية يا ميرو وهنزلك يا قلبي"
مرام:"هههههههه تحيا أسيف"
مروان:"اه 😒 من اولها هتعملوا عليا رباطية"
أسيف:"يا سيدي لا رباطية ولا حاجة خلصوني بقا هموت من التعب"
مرام:"خلاص يلا اطلعوا أصلا آسر بيرن عليا هروح بقا ارد عليه"
صعدوا أخيرا الي غرفتهم فقالت أسيف:"مروان حبيبي أنا هدخل أنا الاول اخد شاور"
مروان:"طيب ماشي أنا هستناكي هنا لما تخلصي"

دلفت أسيف الي المرحاض أخذت حماما دافئا تريح أعصابها من السفر وارتدت منامة حريرية مرسوم عليها رسمة القطة الشهيرة «هيللو كيتي» وخرجت....
وجدت مروان نائم من كثرة التعب،،ابتسمت وذهبت اليه محاولة افاقته..
أسيف:"مروان..اصحي يا مروان الحمام جاهز اهو...يلا يا مروان..قوم بقا"
مروان بنعاس:"أسيف..سيبيني أنام وبكرة أبقي أخد شاور"
أسيف:"لا يا حبيبي قوم بس عشان تريح جسمك ونام براحتك وتكون مرتاح"
مروان:"يووه طيب خلاص هقوم اهو"
دلف مروان الي المرحاض وجهزت أسيف ملابسه حتي انتهي من حمامه وخرج وارتدي منامته ثم أغلق الأنوار واتجه الي الفراش جذب أسيف الي أحضانه وسريعا ذهبوا في سبات عميق.....!

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
في صباح اليوم التالي..
استيقظت أسيف وأبدلت ملابسها بعبائة فضفاضة وحجاب خفيف وتركت مروان نائم فهو كان يشعر بالتعب منذ أمس...نزلت أسيف فوجدت مرام ومراد يجلسون في غرفة المعيشة ويتحدثون...
مرام:"خلاص يا مراد بقا ماتقفش كدا مش هو وعدك هيشوف الموضوع دا لما يرجع واهو رجع اهو امبارح"
مراد:"مايمكن نسي يا مرام وخلاص انا مش هفكره ولا هطلب منه حاجة تاني"
قاطعتهم أسيف قائلة:"احم احم معلش هقاطعكم بس مروان مانسيش ولا حاجة يا مراد وهو لسه عند وعده ليك وهيقابلها بس اصبر شوية الموضوع صعب عليه يا مراد انت فاهم انت هتعمل ايه انت عايز تتجوز بنت اخو الراجل اللي قتل باباك"
مراد:"مش معني كدا ان هي شبهه يا أسيف لازم يروح يسأل طول عمره مش بيظلم حد اشمعنا المرة دي"
أسيف بهدوء:"وعشان هو مابيظلمش حد هو هيكلمها النهاردة وانا هروح معاه"
مراد وقد انفرجت أساريره قليلا:"ماشي يا أسيف خلاص طالما هتروجي معاه يبقي الموضوع اتحل"
أسيف:"ان شاء الله....مرام لو سمحتي خليهم يحضروا الفطار وانا هطلع أصحي مروان"
ثم صعدت الي غرفتهم ودلفت وجدت مروان يرتدي ثيابه فابتسمت واقتربت منه وطبعت قبلة علي وجنته قائلة:"صباح الفل علي حبيبي"
مروان:"صباح الجمال عالفيروز"
أسيف بضحك:"يادي الفيروزي اللي مجنناك"
مروان:"انتي بتقولي فيها والله ماجابني علي وشي الا هي"
أسيف:"ههههههه طيب أنا عايزاك في موضوع ولو سمعتني ووعدتني هتعمل اللي انا هقولهولك أوعدك انا كمان هخليك تبص في الفيروزي براحتك"
مروان:"ايه الاستغلال دا...المهم موضوع ايه"
أسيف:"موضوع أخوك يا مروان"
مروان بغضب:"أسييف لو سمحتي مالكيش دع.."
قاطعته أسيف بحدة:"يعني ايه ماليش دعوة دا أخوك وانت وعدته لما نرجع من السفر هتشوف الموضوع دا ويلا أنا جاهزة عشان أروح معاك وهكلمها أنا ونشوف"
مروان:"يعني ايه يا أسيف انتي قررتي خلاص وهتكسري كلمتي"
أسيف:"مروان ماتعملش مشكلة من مافيش أنت عارف اني مش بكسر كلمتك...انت عمرك ماكنت ظالم انت يعني هتخس لما تسمعها ونروح نقابلها وبعدين انا هاجي معاك واعتبرنا ياسيدي خارجين سوا"
مسح مروان علي وجهه بضيق واستغفر ربه عدة مرات ثم قال أخيرا:"ماشي يا أسيف اللي انتي عايزاه حاجة تاني"
تقدمت منه ومسحت علي شعره:"آه بليز يا حبيبي قول الكلمتين دول لمراد واحنا بنفطر" ثم طبعت قبله علي رأسه وقالت:"يلا ننزل يا تاج راسي"
ابتسم مروان فهي دائما وأبدا تعرف الطريق الي قلبه وعقله تعرف كيف تخفف عنه مهما كان مابه من تعب...لديها الحل دائما لكل مشاكله...لديها الدواء،،وكيف لا وهي الطبيبة....!!
أمسك يديها ورفعها الي فمه وطبع قبله عليها وقال:"أنا آسف عشان اتعصبت عليكي"
ربتت أسيف علي يده قائلة بحنان:"ولو ماتعصبتش عليا هتتعصب علي مين يعني أقتلك لو اتعصبت علي حد تاني"
مروان:"أنا دايما بسمع من زمايلي ان مراتاتهم نكديين ولو واحد منهم اتعصب عليها ممكن تعيط وتغضب عند أهلها بس أنا من يوم ماعرفتك وانتي بتخالفي كل توقعاتي....ربنا يديمك في حياتي نعمة"
أسيف:"ربنا يخليك ليا يا حبيبي"
نزلوا أخيرا والتفوا جميعهم حول مائدة الطعام فبادر مروان بالحديث قائلا باقتضاب موجها حديثه لمراد:"أنا بعد الفطار هروح أنا وأسيف للهانم بتاعتك"وكزته أسيف من تحت الطاولة فعدل من كلامه قائلا:"قصدي هنروح نشوف جوري....بس اسمع احنا هنتكلم معاها وبرضه هسأل ناس تتابعها ولو عرفت عنها حاجة غير اللي احنا مرتبينله اعرف ان الموضوع اتقفل يا مراد"
مراد:"والله محترمة وماتعرفش حاجة أصلا عن عمها وان شاء الله مفيش حاجة وحشة هتحصل"
مروان:"أما نشوف"
ثم قالت مرام محاولة منها لتضيف بعض من المرح عليهم:"سمعتوا آخر نكتة يا ولاد"
أسيف:"لا ماسمعتش نكت من زمان اووي"
مرام بضحك:"ههههه طيب هقولك واحدة لسه طازة....بيقولك مرة لمونة واقفة علي باب الجامع مستنية العصر...هههههههههه"
انفجرت أسيف بالضحك ولم تستطيع التنفس ظلت تضحك كثيرا حتي أدمعت عيناها:"ههههههههه منك لله الأكل كان هيقف في زوري"
مرام:"ههههه طيب جيبيله كرسي يقعد يستريح في البلعوم"
قال مراد:"لا خدي دي بقا بيقولك مرة فكهاني دخل بيت رعب مات من الخوخ ههههههههه"
أسيف:"لالالالا ماعتش قادرة لا هههههههههههههه"
مروان:"😒😒😒😒😒😒.....لا خدوا التقيلة بقا سمعتوا آخر نكتة في الأسانسير؟"
الكل:"لا"
مروان:"يبقي انتو كنتو طالعين عالسلم ههههه 😂😂😂😂😂😂"
أسيف:"ههههههه مانت طلعت لذيذ اهو"
مرام:"ههههه لا هو لذيذ معانا بس"
ثم أكملوا الطعام بين القاء النكات والضحك....
انتهوا من تناول الطعام وصعدت أسيف لتبدل ملابسها وخرجت مع مروان لمقابلة...جوري العزوني!!!
°°°°°°°°°°°°°°°°°°°°°°°°°°°°°°°°°°°°°°°°°°°°
بعد خروجهم صعدت مرام الي غرفتها لتحدث آسر فقد استأذنت من مروان للذهاب الي النادي...
أما مراد فذهب مع مروان وأسيف ليذهب لجامعته...
رن جرس الباب ففتحت الخادمة وجدت أمامها فتاة صغيرة فقالت:"نعم يا سارة خير عاوزة حاجة"
الفتاة:"لو سمحتي يا طنط في واحدة قالتلي أدي الظرف دا لطنط مرات عمو مروان"
الخادمة نوال:"طيب يا سارة شكرا هاتيه"
ذهبت الفتاة وأغلقت نوال الباب خلفها واستدارت لتذهب رأت مرام وهي تنزل قائلة:"مين اللي كان عالباب يا نوال"
نوال:"دي سارة جابت الظرف دا وبتقول واحدة ادتهولها تديه لأسيف هانم"
مرام:"غريبة...عالعموم حطيه فوق فأوضتها علي ما ترجع بلغيها"
نوال:"حاضر يا هانم"