حينما تُعشق

الفصل السادس

انا آسفة عالتأخير بس انا كنت في خطوبة...
وقفنا الفصل اللي فات عند لما مروان راح الشركة....يلا نكمل

وصل مروان الي شركته صف سيارته في المكان المخصص لها ثم دخل الشركة ألقي تحيته علي الموظفين ثم دخل الي مكتبه ثوانٍ ودخلت سكرتيرته
علياء:"صباح الخير يابشمهندس الورق دا عايز امضاء حضرتك وكمان دا ورق الصفقة"
مروان:"ماشي يا علياء حطي الورق كله هنا وانا هخلص شغل بسيط وامضي عليه وابعتلك"
علياء بارتباك: "ماهو.....ماهو حضرتك ممكن تمضيه بسرعة وانا واقفة عشان عندي شغل بس"
مروان: "الله في ايه يا علياء قولت في شغل بسيط هخلصه وامضيه...خلاص"
علياء:"ماشي يابشمهندس عن اذنك"
ثم خرجت وأغلقت خلفها الباب وهي تلعن حظها....انتظر مروان خروجها وعندما سمع صوت اغلاق الباب تنهد بارتياح وأمسك الورق وأخذ يقرأه بتمعن وبالفعل وجد ورقة توحي بتنازله عن جميع أملاكه لذلك القذر المدعو مصطفي..حمد ربه في نفسه علي ما فعله هو وآسر انتظر قليلا ثم قام بإمضاء الورق وضغط علي زر بجانبه ف دلفت علياء مسرعة
مروان:"خدي يا علياء الورق اهو"
علياء:"ماشي يابشمهندس...عن اذنك"
ثم خرجت الي مكتبها وأغلقت خلفها الباب...ابتسم مروان بخبث ثم عاد يكمل عمله مرة أخري
★★★★★★★★★★★★★★★★★★★★★
في مكتب علياء
جلست علي مكتبها ثم أخذت تقلب بين الورق حتي وجدت الورقة التي«عليها العين والنني»😂.....أمسكتها بين يديها نظرت الي امضته التي تزين الورقة تنهدت بارتياح ثم امسكت بهاتفها واتصلت علي احد الاشخاص
علياء:"انا حطيتله الورقة وسط ورق الشغل والحمد لله ماخدش باله ومضي عليها وهي معايا دلوقتي"
الرجل:"طيب ماشي....خلي بالك منها علي ما ابلغ الباشا واشوف هناخدها امتي"
علياء:"هي معايا في الحفظ والصون بس ماتنساش الاتعاب بتاعتي بقا"
الرجل:"لا ياختي ماتخافيش الباشا مابينساش حد"
علياء: "ماشي ياخويا يلا سلام"
أغلقت الهاتف وتنهدت بارتياح ولكن....لم تكن تدري أن راحتها لم ولن تكتمل وأن أحدهم سمع كل ماتفوهت به بل وسجل لها المكالمة

★★★★★★★★★★★★★★★★★★★★★

عودة مرة أخري الي مكتب مروان كان يعمل حتي دلف اليه آسر صرخ آسر فيه بفزع:"مروان سمعت اللي حصل دا"
مروان:"هو انت سمعت وانت معدي ولا ايه؟"
آسر:"أيوة ياسيدي سمعت وكان هاين عليا ادخل اديها قلمين يفوقوها بس طبعا مسكت نفسي عشان كل حاجة ماتبوظش"
مروان:"طيب تمام طبعا زي ماتوقعنا وزي ماسمعناها اصلا قبل كدا جابتلي الورقة وسط الورق بتاع الشغل وانا شفتها وعملت اللي اتفقنا عليه ومضيت عليها واديتهالها"
آسر:"طيب خلاص كدا تمام"
مروان:"هااا عملت اللي قولتلك عليه"
آسر:"أيوة يامروان وللأسف طلع اللي في دماغك صح....بس هي مالهاش ذنب يا مروان هو يبقي عمها بس مش معني كدا انها زيه"
مروان:"أنا كنت عارف بس قولت اتأكد....وبعدين يا استاذ مش زيه ازاي العرق يمد لسابع جد"
آسر: "عارف يا مروان بس هي باين عليها طيبة وبنت حلال وأصلا بص انا سألت عليها في الكلية وماسألتش حد الا وقالي انها مؤدبة وبتمشي حطه راسها في الارض"
مروان:"دا اللي ظاهر للناس بس...لكن ما خفي كان أعظم"
آسر:"وبعدين معاك يا مروان...انت عمرك ماكنت ظالم وقبل ماتعمل حاجة بتراعي ربنا الاول روح بنفسك اسأل عليها وكلمها واتأكد منها وبعدين شوف وماشاء الله انت ذكي وبتعرف تفرق بين الصادق والكاذب"
مروان:"طيب يا آسر خلاص بطل كلام وروح شغلك عشان انت هتيجي معايا النهاردة"
آسر:"ماشي يا عريس....سلام"
مروان:"سلام"
وعاد مرة أخري يكمل عمله
★★★★★★★★★★★★★★★★★★★★★
أنهي مروان عمله ثم ذهب الي مكتب آسر
مروان:"آسر أنا خلصت شغلي يلا روح اجهز انت كمان وعدي عليا في الفيلا وانت جاي هات الناس اللي قولتلك عليهم"
آسر بابتسامة:"ماشي يا مروان ربنا يتمملك علي خير"
مروان:"ياارب ياسيدي عقبالك"
سر بنصف عين:"أخوها بس يرضي عني وهي تمشي زي السكينة في الحلاوة"
مؤوان بضحك:"أخوها راضي وانت عارف انت اللي قولت عما اجهز نفسي"
آسر:"ونفسي جهزت ياعم خلصني بقا"
مروان بضحك:"حاضر لما موضوعي يخلص علي خير ان شاء الله...هخلصلك موضوعك"
آسر:"ماشي ياسيدي يلا روح اجهز علي ما اجيلك"
خرج كل واحد منهم الي وجهته
ذهب مروان الي فيلته وجد مرام ومراد في انتظاره صعد الي غرفته ليجهز نفسه أخذ حماما دافئا ثم خرج ارتدي حلة أنيقة سوداء وارتدي *ببيون* من لون عيون حبيبته ثم خرج ونزل الدرج وجد آسر في انتظاره أخذ اخوته وذهبوا الي السيارة وانطلقوا الي منزل خاطفة فؤاده
★★★★★★★★★★★★★★★★★★★★★
في منزل أسيف كانت في غرفتها مع سلمي تضع لمساتها الأخيرة ثوانٍ وانهت سلمي مهمتها دخلت والدة أسيف الغرفة فانبهرت ل رؤية ابنتها وهي عروس وبالطبع هي امرأة مصرية أصيلة ف بالتالي اطلقت زغرودة عالية واحتضنت ابنتها وقبلتها ثم خرجت لتطمئن ان كل شئ بالخارج علي ما يرام
بضع دقائق ودخلت أسيل الي الغرفة تعلن عن وصول العريس توترت أسيف جداا عندما أخبرتها ...هدأتها سلمي وثوان ودلف والدها لكي يأخذها خرجت اليهم وهي متأبطة ذراع والدها دلفت الي الصالون بخطوات مرتعشة وقفت تنظر اليه بوسامته والببيون التي بنفس لون فستانها...وهو....هو في عالم آخر فقط ينظر اليها لايري ولا يسمع من حوله تنحنحت هي بحرج عندما لاحظت نظراته لها جلس والدها وأجلسها بجانبه...وأخيرا تحدث مروان:"أنا جاي النهاردة ويسعدني ويشرفني اني أطلب ايد أسيف بنت حضرتك ياعمي"
محمود:"الشرف ليا اني هناسب حد محترم زيك يابني وأنا مش هآمن علي أسيف غير معاك"
مروان: "ان شاء الله ياعمي هشيلها في قلبي قبل عيوني" (ماتفرفروش مني ياجدعان..محن مالناش دعوة😂) ثم أكمل بمكر:"وزي ما اتفقنا ياعمي طبعا شوية وجاي آسر ومعاه الناس"
محمود بخبث: "تمام يابني يشرفوا"
وجلسوا يتحدثون في شتي الامور حتي قطع حديثهم صوت جرس الباب ذهبت أسيل لكي تفتح الباب دخل آسر ومعه بعض الناس ادخلهم محمود الي الصالون
تملكت الصدمة من أسيف ظلت تنظر لهم ولا تصدق ما يحدث....تكلم مروان بابتسامة جادة:"يلا ياعم الشيخ بسرعة عايز اتجوز"(مستعجل علي ايه يابني هطلعه عليك بس اصبر عليا 😂)
جلس المأذون ومعه الشهود ومازالت أسيف في صدمتها لم تفق منها الا علي صوت المأذون بعبارته الشهيرة:"بارك الله لكما وبارك عليكما وجمع بينكما في خير...بالرفاء والبنين ان شاء الله"
خرج المأذون والشهود قام آسر وتوجه الي مروان احتضنه قائلا:"ألف مبروك ياصاحبي عقبالي يارب عقبالي"ثم أكمل بهمس:"أسيف لسه مافقتش من الصدمة فهمها براحة يامروان"
مروان:"انت هتوصيني علي مراتي ياض يلا من هنا وخد البت مرام ومراد معاك وصلهم البيت...عايز اقعد مع مراتي شوية"(هييييح😳)
آسر:"طيب يا اخويا اوعدنا يااارب"
قامت مرام ومراد وتوجهوا الي أسيف قبلتها مرام وباركت لها ثم همست لها في اذنها:"عايزاكي تطلعي عينه زي ماهو مطلع عيني هااا" ثم ابتسموا بخبث وسلم عليها مراد وبارك لها هو الآخر وفعلوا كذلك مع مروان ثم توجهوا مع آسر الي المنزل
★★★★★★★★★★★★★★★★★★★★★
في الصالون
جلست أسيف مع مروان...رفع مروان وجهها اليه قائلا بحب:"مبروك عليا انتي يا أسيف"(أنا مجرمة انا عارفه 😂)
أسيف بخجل:"الله يبارك فيك"(معلش 😂)
مروان:"مش مصدق انك مراتي"
أسيف: "انا اللي مش مصدقة اللي حصل وعايزة افهم انتو عملتوا ايه وازاي محدش ياخد رأيي انتو بتكروتوني وخلاص هو الجواز دا سلق بيض"
مروان بضحك:"اهدي يا أسيف بس خدي نفسك...فين الخجل اللي كان هنا من شوية"
أسيف بحدة مصطنعة:"ذهب مع الرياح...ممكن ماتغيرش الموضوع وتحكيلي اللي حصل وليه بسرعة كدا"
مروان:"حاضر ياستي بصي...."واندفع يروي لها كل ماحدث
«فلاش باك»
كان محمود جالسا يتابع احدي مباريات كرة القدم حتي رن جرس الباب ذهب أحمد لكي يفتح الباب قائلا:"أهلا وسهلا حضرتك مين"
الشاب بابتسامة:"مش دا بيت الاستاذ محمود السيوفي"
أحمد:"ايوة هو"
الشاب:"طب لو سمحت عايزه في كلمة"
أحمد:"طيب اتفضل لما اندهله"
قاد احمد الشاب الي غرفة الصالون ثم ذهب لكي يخبر والده....خرج محمود وتوجه الي الصالون قائلا:"أهلا وسهلا اتفضل اقعد يا أستاذ خير ان شاء الله"
الشاب:"خير ان شاء الله انا هخش في الموضوع علي طول واتمني من حضرتك ماتقاطعنيش اقدملك نفسي الاول.... انا مروان محمد الصياد عندي 27 سنة خريج كلية هندسة وانا صاحب شركات الصياد اللي جمب الشركة اللي بتشتغل فيها بنت حضرتك....وانا جاي النهاردة ياعمي أطلب ايد أسيف بنت حضرتك لاني معجب بيها جدا وماسألتش حد عليها الا وشهد ليها بالادب والاخلاق العالية وتربيتك لاولادك"
محمود: "والله يابني لحآد دلوقتي كل كلامك جميل..بس عرفت أسيف منين"
مروان:"روحت الصيدلية مرة ياعمي وشوفتها وأعجبت بيها وسألت عليها والكل شكَّر فيها"
محمود:"والله يابني هو الرأي رأي أسيف...بس عايز اقولك حاجة يمكن تغير رأيك وخصوصا اني شايف الحب في عينيك وانت بتتكلم عنها"(😒😒😒😒😒)
مروان بابتسامة: "حضرتك هتتكلم عن موضوع الارض....انا عارف كل حاجة عن الموضوع دا وحابب اقول لحضرتك ان اخو حضرتك ياعمي شغال في الممنوعات وابنه بيشتغل معاه والله أعلم كان ناوي علي ايه لأسيف غير موضوع الارض دا"
صُعق محمود مما سمع...أحقا ما سمع ام انه يتوهم أخاه يتاجر في الممنوعات يحمد الله انه أرسل اليه هذا الىجل ليحمي ابنته....يحمد الله انه سمع أخاه يتحدث مع ابنه ..أفاق علي صوت مروان يقول:"وكمان ماتقلقش انا هشيل أسيف في عيوني واي حد هيفكر يقرب من حاجة تخص مروان الصياد هو عارف اللي هيحصله"
محمود بحزن:"ربنا يصلحالك يابني....انت شكلك ابن حلال ومحترم انا عارف انك هتحمي أسيف من الناس دي كفاية الحب اللي في عيونك...وعشان كدا انا موافق يابني"
مروان بسعادة:"أشكرك ياعمي جداا انا هكون هنا بكرة بإذن الله عالساعه 8 واوعدك اني هكون عند حسن ظن حضرتك...مع السلامة"
محمود:"ماتقعد شوية لسه بدري يامروان"
مروان:"معلش ياعمي عشان الشغل"
محمود:" ماشي يابني مع السلامة"
ودخل حجرته ليخبر زوجته التي فرحت بشدة لابنتها اللي عوضها الله خير
«باااك»
مروان:"بس ياستي دا اللي حصل...ولما جيت تاني مرة قبل ماترجعي من شغلك اتفقت معاه أجيب مأذون لما توافقي ونكتب الكتاب عشان يبقي اسمك مراتي والكل يعرف انك حرم مروان الصياد وكمان نجهز لبيتنا براحتنا"
أسيف:"ياااه كل دااا دانا حاسه اني بتابع فيلم"
مروان:"طيب ماقولتليش تحبي تغيري حاجة في الفيلا"
أسيف: هما باباك ومامتك فين ماشوفتهومش من اول ماجيت"
مروان:"هما متوفيين"
أسيف:"أنا آسفه يا مروان ماكنتش اعرف والله ربنا يرحمهم"
مروان:"يااارب...وانتي معايا مش عايزك تعتذري ابدا"
أسيف بابتسامة:"ربنا يخليك ليا ويجعلني خير زوجة ليك واقدر اعوضك عن كل حاجة"
مروان:"يااارب"
جلس معها قليلا يتحدثون في أمور عامة وأمور حول زفافهما ومنزلهما ثم استأذن مروان وغادر الي فيلته
★★★★★★★★★★★★★★★★★★★★★