حينما تُعشق

الفصل الثامن

أنا آسفة جدا عالتأخير بس حقيقس مكنش عندي أفكار كويسة وخدنا وقت طويل انا وشمس علي ما الفكرة جت والفصل خلصShamsNourElden الفصل نزل اهو وان شاء الله بكرة التاسع يلا أسيبكوا بقا مع الفصل

أنهت أسيف عملها وخرجت لتجد مروان ينتظرها في السيارة أغلقت الصيدلية ثم ذهبت إليه فتحت باب السيارة وركبت أمسك مروان بيدها وقبلها قائلا:"حبيبة قلبي عاملة ايه؟!"
أسيف بابتسامة: "الحمد لله أنا تمام وكمان عاملالك مفاجأه"
مروان بحماس وهو يدير محرك السيارة:"وايه هي بقا المفاجأه دي"
أسيف: "انا أخدت اجازة شهرين من الشغل عشان الفرح ونجهز سوا براحتنا عشان مانتأخرش وحاجة تنقص"

مروان بفرح:"طب والله كويس..عشان الشغل كان هيأخرنا بس انا مش هعرف آخد أجازة عشان في شوية حاجات كدا ومشاكل هحكيهالك لما نتجوز ان شاء الله"
اومأت أسيف برأسها: "ان شاء الله يا حبيبي"
وصوا أمام منزل أسيف ترجلت أسيف من السيارة قائلة:"مروان بالله عليك تعالي اطلع معايا انت كل مرة مش بتيجي معايا وماما بتهزئني اني مش بطلعك"
مروان بضحك:"حاضر من عيوني عشان اقول للست الوالدة انك بتطلعيني بس انا اللي مش بطلع"
★★★★★★★★★★★★★★★★★★★★★

صعدوا الي المنزل وقفت أمام الباب وأخذت تبحث عن المفتاح الخاص بها فاتضح لها انها نسيته بالداخل فضغطت علي الجرس وانتظرت فتحت لها والدتها ورحبت بهما قائلة:"حمد الله عالسلامة يا أسيف ازيك يا مروان يابني عامل ايه اتفضلوا"
مروان:"الحمد لله تمام انا طلعت اسلم عليكوا واقولكوا اني بآجي هنا وأسيف بتقعد تتحايل عليا عشان أطلع بس مش برضي أطلع"
جويرية:"وليه كدا يابني انت بقيت ابننا خلاص وغلاوتك من غلاوة أسيف "
مروان:"ربنا يخليكي لينا يا ست الكل"
أسيف: "ماما مالك في ايه انتي وشك أصفر ليه كدا"
جويرية بارتباك: "ه...ها لا ولا حاجة يا حبيبتي سلامتك"
أسيف: "مااااااماا"
جويرية:"قولت مفيش يا أسيف الله"
أسيف: "طيب تمام انا هعرف لوحدي"ثم نادت علي أخيها الصغير أحمد:" أحمااااااد يا أسيل"
خرج أحمد وأسيل من غرفتهما علي صوت صريخ أسيف:"أيوة يا أسيف بتزعقي كدا ليه"
أسيف: "أحمد هو في ايه مااما مالها وفين بابا"
نظر أحمد الي والدته وجدها تحذره بعينيها نظرت لها أسيف وفهمت ما يحدث وقفت بين أحمد ووالدتها وقالت:"أحمد ماتخافش من حد قول يالا في ايه انا ماتعودتش انك تبقي جبان انت راجل ومش بتخاف من حاجة"
أحمد:"بصراحة بقا يا أسيف ابن عمك جه هو وأبوه ولما عرفوا انك اتجوزتي القيامة قامت وقعدوا يزعقوا ويقولوا من امتي البت لحد غير ابن عمها احنا صعايدة وعادتنا وتقاليدنا وبلا بلا بلا بلا بلا والكلام الحمضان دا وهددونا ان الموضوع دا مش هيعدي علي خير"
أسيف بغضب:"وأمك مش عايزة تقولي ليه هو مش أنا أساس الموضوع وهما هيعملوا ايه يعني هي سايبه"
أسيل بهدوء:"اهدي يا أسيف هي قالت محدش يقولها عشان هي عروسة وداخلة علي جواز محدش يتعبها ويشغل دماغها"
وأخيرا تحدث مروان: "وايه يعني اللي حصل ايه يعني لما تقولوا لأسيف وأسيف تقولي وتستنجدوا بيا هو انتي مش لسه قايلة يا أمي اني غلاوتي من غلاوة أسيف وبتقولي اني ابنك فين بقا مش شايف الكلام دا"
جويرية:"يابني الموضوع مش كدا هما ناس شرانية وتفكيرهم كله في الفلوس انا اللي عارفاهم يابني انا اللي عاشرتهم"
مروان بغضب:"بس هما لسه مايعرفوش مين مروان الصياد وانا هعرفهم ودلوقتي"
ثم قام بالاتصال علي احد رجاله:"ايوة يا سالم عايزك تجيبلي كامل السيوفي والمحروس ابنه وتوديهم عالمخزن"
سالم:"تمام يا باشا اعتبرهم هناك اول مايوصلوا هديك خبر"
مروان:"تعيش يا سالم يلا سلام"
أغلق مروان الهاتف وجدهم يحدقون فيه ببلاهة :"هو في حاجة ولا ايه مالكوا"
أسيف: "هو انت كل حاجة واخدها لوي دراع ولا ايه"
مروان:"لا طبعا انا عمري ماكنت ظالم وبراعي ربنا في الحاجة قبل ما اعملها بس اللي ييجي علي حاجة بتاعة مروان الصياد يبقي حفر قبره بايده وماتخافيش انا مابحبش الدم ومش هعملهم حاجه هي قرصة ودن بس"
جويرية:"ربنا يحميك لشبابك يابني"
أسيف: "امين يارب اومال بابا فين"
جويرية:"نزل يتمشي شوية"
مروان:"طيب يا جماعة استأذن انا بقا واما عمي ييجي وصلولوا سلامي"
أسيف: "ماشي يا حبيبي مع السلامة"
★★★★★★★★★★★★★★★★★★★★★
في باريس أرض الجمال
تحديدا في غرفة نادين تجلس علي سريرها ممسكة بهاتفها تحادث شخصا ما ويبدو عليها العصبية الشديدة
:"انت مابتفهمش أبدا بقولك اعمل اي حاجة ماتخليهمش يقربوا من بعض"
الشخص:"حاضر خلاص هحاول تاني"
نادين:"بسرعه في اقرب وقت"
الشخص:"حاضر قولت خلاص"
أغلقت الهاتف بعصبية قائلة:"شوية أغبية مابيفهموش وبياخدوا فلوس عالفاضي"
دخلت عليها والدتها:"كنتي بتكلمي مين يا نادين"
نادين بخوف من ان تكون سمعت :"ها..لا يامامي مفيش كنت بوصي علي حاجة بس هتجيلي"
والدتها بشك:"طيب تمام انا جيت اقولك ان انا هروح النادي تيجي معايا ولا..."
نادين موافقة حتي لا تشك بها والدتها أكثر:"ايوة طبعا يا مامي جاية دا سؤال"
أخذت حقيبتها ونزلت مع والدتها منطلقة الي النادي
★★★★★★★★★★★★★★★★★★★★★
نعود مرة أخري الي أبطالنا
مرام في غرفتها تشاهد التلفاز وممسكة بيدها طبق فشار دق الباب فأذنت للطارق بالدخول فدخل قائلا:"بتعملي ايه ياميرو"
مرام:"تعال يا مارو بتفرج علي فيلم الباشا تلميذ"
مروان:"آها....حازم حازم"
مرام:"مين؟؟!بسيوني بسيوني"(😂😂😂😂😂😂)
مروان:"كنت جايلك في موضوع"
مرام: "عايز فلوس قول ياسيدي ماتخافش ها عايز كام"
مروان:"يابت اهمدي دا انتي اللي عايشة من لحم أكتافي"
مرام:"ياعم بلا اكتافك بلا افخادك لولا مساعدتي انا والواد مراد مكنتش عملت حاجة"
مروان بنصف عين:"لا والله"
مرام:"آه والله"
نهض مروان قائلا:"طيب انا كنت جايلك عشان موضوعك انتي وآسر بس يظهر مفيش نصيب انا هقوله انك توهتي في الموضوع بسبب ألشك الرخيص اللي هتموتي محروقة بسببه"
انتفضت مرام قائلة:"ايه لا استني بس نتفاهم انا كنت بهزر معاك ياراجل"
مروان:"الوقتي نتفاهم"
مرام:"ماتركز بقا"
مروان:"اهدي انتي بدل ما ارشقك كف يلزقك في الدولاب"
مرام:"خلاص سكت اهو اتكلم انت بقا"
مروان:"آسر كلمني وقالي انه عايز يكتب الكتاب زيي بس بعد أسبوعين ها ايه رأيك"
مرام:"طيب تما....ايه بعد ايه ياخويا اسبوعين انتو بتكروتوني هو سلق بيض"
مروان:"يعني اقوله ايه من الاخر "
مرام:"سيبك يا معلم انا هكلمه واشوف الاسبوعين دول دا انا مالحقش فيهم اجيب فستان"
مروان:"أحسن برضه اصطفلوا انتو مع بعض انا رايح انام واتفقوا وابقوا قولولي"
خرج وأغلق الباب خلفه امسكت بهاتفها واتصلت علي آسر رد عليها قائلا:"ايوة يا ميرو"
مرام:"اسبوعين ايه يا آسر اللي عايز نكتب الكتاب بعدهم دول مش هلحق أجيب فيهم فستان ولا اعزم نص اصحابي حتي.... انا مش بتكروت يا آسر تمام"
آسر:"الاسبوعين دول ياحياتي اخوكي هيجهز فيهم شقته عشان هو هيتجوز بعدهم وانا قولتله عايز اكتب كتابي في فرحك بس..... واهو المعازيم تبقي مرة واحدة"
مرام:"مقاليش ليه الباشمهندس ان فرحه بعد اسبوعين"
آسر:"ماعرفش اتصرفوا انتو مع بعض هروح انام بقا عشان اخوكي فحتني شغل"
مرام:"طيب يا حبيبي ربنا يعينك مع السلامة"
★★★★★★★★★★★★★★★★★★★★★
في نفس الوقت داخل منزل أسيف
أسيف بصراخ:"ايييييييه أسبوعين ودول هلحق اعمل فيهم ايه ان شاء الله دا انا ملحقش اجهز فيهم الفستان"
محمود:"ليه يابنتي أسبوعين قليلين عليكي"
أسيف: "آه عشان دا مش سلق بيض"
محمود:"يابنتي مروان اللي حدد المعاد عشان شغله كتير مش هيلحق يخلص هو كل دا واحنا وافقنا وأمك كدا كدا كانت بتجهزك من وانتي في الاعدادي يبقي فاضل شوية حاجات صغيرة مش هتاخد حاجة وخلص الموضوع"
أسيف:"وسيادته ماخدش رأيي ليه هو مش أنا العروسة ولا هي شكارة بطاطس هيشيلها يوديها البيت"
جويرية:"ماخلاص بقا يا أسيف اللي حصل حصل معلش"
كادت أن تتحدث ولكن قاطعها فكرة ما في ذهنها وعزمت علي تنفيذها فصمتت تفكر ثم قالت محدثة نفسها بخبث:"أسبوعين طب والله كويس....ماشي يا مروان مش عايزه بعد أسبوعين وانا هعملك اللي انت عايزه وهنشوف بقا هتعمل ايه"
ثم قالت محدثة والدها:"ماشي يابابا خلاص مش انتم عاوزينه بعد أسبوعين خلاص أنا موافقة"
محمود:"ربنا يهديكي يابنتي"
أسيف: "ماشي يابابتي أنا هروح انام عشان تعبانه شوية"
محمود:"ماشي ياحبيبتي"
★★★★★★★★★★★★★★★★★★★★★
داخل فيلا الصياد تحديدا في غرفة مروان
يجلس مروان علي سريره واضعا يده أسفل رأسه يفكر في خاطفة فؤاده
مروان في نفسه:"أخيرا هتبقي ليها يا أسيف...أنا عمري ماحبيت حد كدا...بس ربنا يستر وماتتأذيش بسببي زي ما كل اللي حبيتهم اتأذوا....ربنا يخليكي ليا ومايحرمنيش منك أبدا وأقدر أسعدك وانتي تقدري تنسيني اللي حصلي"
ظل يفكر في تلك الأسيف حتي غفي وهو جالس
★★★★★★★★★★★★★★★★★★★★★
في صباح اليوم التالي داخل غرفة مروان استيقظ علي صوت منبه هاتفه قام دلف الي المرحاض توضأ وأدي فريضته بدل ملابسه ونزل من غرفته وجد أخوته جالسين سويا حياهم قائلا:"صباح الخير"
مرام ومراد:"صباح النور"
مراد:"علي فين كدا عالصبح مش قولت مش هروح الشركة بكرة"
مروان:"أيوة أنا رايح لأسيف علشان أشوف هي محتاجة ايه للفرح"
مراد: "ماشي تمام"
مرام:"مارو عاوزة آجي معاك"
مروان ببرود:"لا"
مرام بطفولة:"بليييز يا مروان وحياة أسيف "
مروان:"ماتحلفنيش بالغالي"
مرام:"بليييييز"
مروان:"مش قولت لأ"
مرام:"ماشي انا مخصماك ومش هحضر فرحك بقا ها"
مروان:"يا سلام كدا بتهدديني يعني"
مرام:"أيوة"
مروان:"وأنا مايرضنيش زعلك قومي البسي"
مرام بفرح:"بجد يا مارو ربنا يخليك ليا ومايحرمنيش منك ويفرحك يا حبيب...."
قاطعها مروان قائلا: "بس بس لو كترتي في الكلام همشي اخلصي بقا خمس دقايق والاقيكي قدامي"
مرام:"صاروخ وتلاقيني عندك "
مروان: "ماشي"
مراد:"يعني انا اللي هقعد لوحدي"
مروان:"هي هيصة ماتروحوا تجيبوا ولاد الجيران كمان"
مراد ضاحكا:"لا يا أخينا تشكر أنا خارج مع أصحابي"
مروان:"ماشي بس ماتتأخرش"
مراد:"تمام"
نزلت مرام الدرج مسرعة
مرام:"خلاص جهزت"
مروان:"ماشي يلا بس دخلي شعرك دا"
مرام:"والله الحجاب هو اللي اتزحلق وانا نازله"
مروان:"طيب خلاص بس ثبتيه كويس بعد كدا"
مرام:"حااضر يلا"
خرج مروان ومرام متجهين الي منزل أسيف
★★★★★★★★★★★★★★★★★★★★★
داخل منزل أسيف تحديدا في حجرتها
جويرية:"يلا يا أسيف قومي يا خم النوم انتي مروان زمانه علي وصول"
أسيف: "ماما سيبك منه وسيبيني أنام"
جويرية:"هو من الوقتي وبتقولي سيبك منه اومال لما تتجوزي ويبقي عندك ولاد هتعملي ايه يا أخرة صبري"
أسيف: "يوووه هبقي ابعتلك مروان بالعيال وانام انا"
جويرية:"ياعيني عليك يابني انا عارفه ايه اللي وقعك في طفلة زي دي"
قفزت أسيف من علي فراشها قائلة:"هي مين دي اللي طفلة يانبع الحنان دا بنتك تقول للقمر قوم وانا اقعد مكانك"
جويرية:"طب يلا يا قمر قومي يلا"
أسيف بانزعاج:"ماشي يا مروان لما نشوف أخرتها بكرة كل دا يطلع عليك"
قامت أسيف وظلت تعبث بالأشياء لكي تضيع الوقت حتي تجعل مروان ينتظرها فهي تعهدت علي ازعاجه كلما سنحت لها الفرصة ظلت جالسة تخطط حتي سمعت والدتها تنادي:"أسيييييييييف يلا مروان ومرام هنا اهم"
ارتدت اسدال الصلاة وخرجت
أسيف بابتسامة صفراء:"أهلا وسهلا اتفضلوا"
مروان:"ازيك يا سيفو ايه دا انتي لسه مالبستيش"
أسيف: "أيوة لسه هشوف هلبس ايه.... تعالي معايا يا مرام علي ما البس وانت استنانا هنا"
مروان:"طب ما آجي معاكوا انا كمان"
نظرت له أسيف نظرة نارية اسكتته فقال:"ياما خوفتيني خلاص ياختي روحي بكرة يبقي ليا الحق ادخل وأخرج بمزاجي"
أسيف: "وماله اما ييجي بكرة نبقي نشوف"
دلفت أسيف ومرام الي الغرفة
مرام ضاحكة:"هههههه يخربيتك يا أسيف بهدلتي الواد بس تصدقي انا مبسوطة فيه أخيرا هييجي حد يطلع عليه اللي بيعمله فينا "
أسيف ضاحكة:"ههههه لا ماتقلقيش يا ميرو انا هنا عشان اربيهولكم...وبعدين مش هو اللي عاملي فيها خرونج وحدد معاد الفرح يستحمل بقا دا انا هوريه"
مرام:"ههههه عاش يا وحش عاوزاكي تواصلي"
بعد مرور أكتر من ساعة خرجت مرام وأسيف من الغرفة فوجدوا مروان في انتظارهم
مروان:"كل دا بتلبسي...دا انتي لو بتفصلي الهدوم كان فاتكم خلصتم"
أسيف:"معلش أصل احنا بناويت وبناخد وقتنا"
مرام: "صحيح يا مروان الله سيب البنية تاخد راحتها وبعدين كلنا كدا"
مروان:"والله طب كويس انك قولتيلي اما أكلم سر أبشره بقا أخليه يفضها من دلوقتي"
مرام:"بس بس بس انت بتقول ايه دا انا فراشه بلبس في دقيقتين بس"
أسيف: "هههههههههههههه انتي بتجيبي ورا علي طول كدا طب مثلي قدامي حتي"
مرام:"ههههههههه لا ياختي دا مستقبل أمة"
مروان:"طب كفايا تعطيل بقا ويلا بينا"
اتت والدة أسيف من المطبخ وجدتهم مستعدين للذهاب
جويرية:"ايه هتمشوا خلاص"
مروان:"أيوة يا أمي يادوب نلحق نشتري شوية حاجات"
جويرية:"ماشي ياحبايبي بس ماتتأخروش"
مروان:"حاضر يا أمي ماتقلقيش مش هنتأخر"
نزلوا الدرج ثم ركبوا السيارة وانطلقوا الي أحد المولات التجارية الشهيرة بالقاهرة (Hyper One )
★★★★★★★★★★★★★★★★★★★★★