#ابتزاز_اودى_بحياتي
حبايب قلبي لاتكولون البارت قصير لان القصة اصلاً مو طويلة
اني ماردتها تكون طويله على كد ما اريدها تكون بيها فائدة ونصيحه لكل بنت حتى لا تغلط اغلاط مهى 😘
بارت4
واني بالحمام دخلت نور تعالي الله جابج،جريتها من شعرها
تعالي الله لايوفقج يا كلبة ياناااقصه دمرتيني ،الله يطلع حوبتي بيج ،شنو من حقيرة انتي يا بايعة العشرة اجوي بنات ثنين يردون يجروها مني
واني نار وتشتعل بيه اريد ابرد گلبي بيها ،وهي تحاول تضربني بالكوة جرونا من بعض
نور :ولج حقيرة دوخررررري ،هاي عود انتي الي خابصينه بأدبج واخلاقج خل يشوفون عرامتج ووكاحتج هسه
مهى :ولج غصب عنج مؤدبه واخلاقي ينحلف بيها مو بت شارع واخون الصداقة مثلج ولج سلمتج بيد الله مايضيع حق احد ،عفتها وطلعت وبالكوة اجر النفس
ماعرف شراح اسوي بمصيبتي ياربي حلها الي مو كد هالوكعة اني
خابرت ابو الخط اجه اخذني كتله متخربطه ومريضة
ماكدر اكمل الدوام
اجه وطلعت وياه شفت فارس من بعيد يباوعلي ويضحك
واشرلي بيده عود قصده نتواصل وغمزلي
ولك الله ياخذك يالنذل
هسه شراح يخلصني من اهلي اذا عرفو راجعه من وقت لازم اقدم تقرير كامل .
وصلت البيت اتلكتني امي من الباب
الام :يمممه شجايبج هالوكت ،شصاير وياج
مهى :ماكو شي يمه بس مريضه وما عدنا شي مهم اليوم فطلعت من وقت اريد ارتاح
الام :وشبيج مريضه الصبح جنج حصان جنتي ،طلعتي ركض
مهى :ماعرف يمه شوي مصخنه بس اريد انام واصير احسن
الام :يلا دروحي
-صعدت لغرفتي بعدني مواصله بس اتصل الجهاز بالنت
بدت توصل الرسايل
اوووف يربي هذا شيريد ،كلت خل اسايسه حتى ارجع احفظ دليل عنه وعالشغلات الي يطلبهن
رديت
شتريد مني لخاطر الله ،ترى لو تموت ما اسوي الي تريده
فارس:شبيج حبيبي شرايد اني ماريد غير سلامتج
بس مشتاقلج شنو هالكطعه
مهى:شكد شايفه انذال وربي ما شفت مثلك ،
فارس :يمعوده شبيج اليوم ،مصخنه ،ترى مشتاق لحجاياتج الحلوة
مهى :قفلت الموبايل شكد كلب ونذل ،يحجي هيج حتى لا الزم عليه لزمه ،حطيت ايدي على وجهي وكمت اشهك
شراح اسوي ويامن احجي المن انطي وجهي ومنو يصدكني ياربي بينلي طريقي ،واني ابجي اجه ببالي محمد ابن خالتي
اي يا الله بلكي يكدر يساعدني
خابرت نغم واخذت رقمه منها لان ماعندي
ودزيتله مسج
-مرحبا شلونك محمد اني مهى من تشوف رسالتي ردلي ضروري
ورا دقايق اتصل بس رفضته ورجعت راسلته
-محمد ترى ماكدر احجي تعرف اهلي ميقبلون حاجيني بالرسايل
أنت تقرأ
ابتزاز اودى بحياتي
General Fictionعاشت حياتها في مسارات ضيقة لتفادي ازدحامات مجتمعها ،عانت لتصل . وصلت فواجهتها عتمة البشر ،وسواد قلوبهم ،فما نهاية هذه الفتاة.
