ابتزاز اودى بحياتي

بارت6

بارت ٦

فزيت من الحلم
واسمع صراخ منتصر جوه وبده يقترب الصوت عالدرج

وييييييييينها هاي بنت الكلب الصگط ولج مهىىىىىىىىىىىى .

مهى:انتفضت بسرعة من الجرباية احس كلبي وكف اكيد الي بالي صار
يارب احميني يارب احس دموعي كامت تجري منتضره لحظه موتي اللحظه الي يفتح بيها منتصر الباب ،بقيت متجمدة بمكاني
دفر الباب بقوة احس خلع گلبي وياها من الخوف والرهبة

وصلني وجرني من شعري وبده يضرب بيه مثل المجنون
يضرب ويغلط اريد اضم مكان من جسمي تجيني الضربه من غير مكان

منتصر :ولج سااااقطه انتي طينتي روسنااااا اليوم اذبحج واخلص من عارج يااااااعااااااار

مهى :ولك والله ما مسويه شي والللللله ولج يممممه الحكيلي يمممه يااااابه وينك ياابه اسمعني صدكني ما مسويه شي واالللله

منتصر :يا مامسويه عليمن تضحكين ولج والصور الدزهن الي والمحادثات وصورتج وياه ولج حتى بنت الشوارع متسوي سوايتج يااا بنت الكلب اليوم اشرب من دمج وما اشبع

يحجي ويدفر بيه واني بالكاع واكعه واستنجد ب امي وابويه وهم واكفين مقابيلي ابويه يغلط عليه وامي تكله اي ادبها هاي تالي تعبنا ورباتنه هيج تسوي سوايه

مهى :بابا الله يخليك اسمعني والله ما مسويه شي غلط
احجي بصياح ودموعي تجري وخشمي ينزف من الضرب
يمممه خابري خالتي والله هم يعرفون كلشي اروحلج فدوه خابريها والله هم يفهموكم والله والله مالي ذنب ما مسويه شي غلط

منتصر :شتخابر ولج عبالج تخلصج من ايدي لا والله لو يجي الله محد يخلصج مني ،هاي تاليها انطيناج ثقة وخليناج تداومين اندار يحجي ويصيح على ابويه
كتللللك كتلك لا تخليها تداوم هيج احسنلك نزلت راسك
طينتك خلت العالم تضحك علينا
اااااااااخ الله اليوم شسوي بيج

مهى:والله بس خابروها وبعدها شتردون تسوون سوو بيه
بس انطوني فرصه

منتصر :لا وفوكاها تتشرط علينه الساقطه اني الج

ابويه جره من عندي لان انتهيت من الضرب وامي تهدي بي
الام :تعال يمه تعال عوفها بس خل نخابر خالتك ونعرف شصاير وراها عود نحلها ،نطلع من خطيتها بس اهدى انت لا يصير بيك شي من وراها الناقصة

مهى :فوك وجعي انوب اسمع امي اتكطع ،ليش هيج يربي ليش حارمني من امي وهي عايشه ،ليش مالي احد يسندني ياربي طلع برائتي وحوبتي بيهم انت ماتضيع حق احد
طلعو هم واخذ منتصر الموبايل مالتي بس بالكوه طلعو يريد يموتني ،بقيت وحدي بالغرفة
من طلعو كمت وراهم بسرعة قفلت الباب ،احمي روحي لحد ما تجي خالتي ووكعت بالكاع ابجي وادعي

يوسف :بعد ماطلعت من البيت رجعت عالغدة اتغديت وصعدت نمت
للعصر سمعت صوت امي جوة تصيحني نزلت ركض
شكو شكو شبيكم مخبوصين ،