ابتزاز اودى بحياتي

بارت 10

#ابتزاز_اودى_بحياتي

بارت 10

-هي كالت هيج احس گلبي اشتعل نار وكام يدك سريع عرفت الشغله تخص مهى ،رديت بخوف
مهى مهى شبيها خاله احجي

الام :يمه تعال وتفتهم كلشي ماكدر احجيلك بالتلفون

يوسف :صعدت بسرعه بدلت ونزلت جاي اطلع صاحتني امي

سعاد:شبيك يمه مستعجل شصاير اسم الله

يوسف :رايح لبيت خالتي من ارجع احجيلج يلا مع السلامه

سعاد:الله وياك يمه يحفظك الله

يوسف :طلعت والف فكره براسي ،شصاير وياها هالمرة ،فكرة تجي وفكرة تروح ،اني اعرفها ما تسوي شي غلط بس ليش هيج المشاكل وراها وراها ،ضربت الستيرن ااااخ الله اني صوجي كله صوجي ليش عفتها ،صوجي ما سمعت كلام امي ،حتى لو جنت ما ارغبلها عالاقل جان حميتها اووف اوووف شراح يوصلني راح انفجر الطريق صار عليه سنه احسه

مهى :رجعت امي يمي ورا شويه
ها ماما وين رحتي لاتعوفيني حبابه ماما والله مالي غيرج جلبت بيدها وحطيت راسي بحضنها

الام :هياتني يمج والله بس رحت خابرت يوسف

مهى :فزيت من حظنها
شنو خابرني يوسف ليش خابرتي

الام :ولج بس هو يكدر لمنتصر ،لعد اصلا شمسكت منتصر وابوج لحد الان غير يخافون لا ينحبسون

مهى :ما اريد مساعدته عوفيني يطبني مرض ،قابل ابتلى بيه هو
الام :دكعدي وسكتي لخاطر الله ،دخل يجي ونشوف شلون نحل هالمصيبه

مهى :بقيت بالغرفه احوص احس متعلك حبل مشنقتي كدامي هالمره مراح اخلص منهم وصلت الشغله يم شرفي
منتصر مايرتاح الا يموتني ،ياربي منين تجيني المصايب لو بس اعرف شمسويه اني ذنب حتى استحق كل هالعذاب، كاعده وابجي احس عيوني انقفلت من كد البجي مورمات
سمعت صوت صياح جوه نزلت امي بسرعة عرفت يوسف اجه

يوسف :وصلت يم بيتهم طبكت السياره ونزلت بسرعة دكيت الباب هجمتها اجه عمار فتحها
-وين اهلك

عمار :بالصاله
بعدني احجي وياه انفتحت باب الصاله الخارجيه ،
ابو منتصر :تعال يوسف تفضل

دخلت واني اعصابي نار وتفور ،شفت منتصر كبالي باوعتله باستحقار وكعدت بدون حتى ما سلم عليه
-عمي ترى الدعوة مال مهى بعدها بس حبيت اذكركم واذا منتصر ناسي هم حتى يتذكر ،نط هو من مكانه كام يصيح

منتصر :انت لا عبالك تضل تخوفنه بالمراكز والدولة مالتك ،هالمره قضيتنه قضيه شرف واحنا نحلها بدون تدخلات حضرتك وحتى الدولة والقانون مالهم شي عدنا بتنا وحده بلا شرف واحنا بيدنا انظف عارنا

يوسف :من حجى هيج احسه ذب حطب فوك ناري كمت من مكاني وهجمت عليه جريته من ملابسه وكفته كبالي وكمت اصيح واضرب بي
ولك شجاي تحجي انت ،هاي اختك اختك تعرف شنو اختك لك انت الي بلا شرف ناااااقص احجي وياه واضربه وهو يدفع ويحاول يضربني ما انطيته مجال من اعصابي اريد افرغ كل طاقتي بي ،اجه ابو هم دفعني عنه ويريد يضربني بس دفعته
عمي وخر وخليني محترم شيباتك ،شبييييكم انتو بلا ضمير يعني الله ابتلى هالبنيه وخلاها بنص ناس مترحم مثلكم ،كل يوم وطالعيلها بسالفه شنو انتو من بششششششر