بارت 2
دخلت للبيت مبتسمه ماكدرت اضم فرحتي ،شفت منتصر بوجهي خازرني واجه بأتجاهي
جرني من زندي ،ويغلط
منتصر :شكو شبيج تتمضحكين بنت الزمايل ،لازم شايفتلج شوفه هناك بالكلية
مهى :جريت ايدي منه اوووي منتصر شبيك لخاطر الله شنو شايفتلي شوفه قابل وين جنت ،عفية ترى اني اختك مو من الشارع والله تعبتني شوكت الله ياخذني واخلص .وخرت منه ودخلت وهو بقى يغلط
منتصر :وفوكاها تراددين هيج هيج منج اصطبريلي بنت الكلب خل يجي ابوج يشوفله صرفه وياج ،ام الكليات
مهى : لا اله الا الله هاي من اول يوم طلعها من خشمي ،طبعاً كلش عادي عندة يسب ويفشر على ابو ،ومن جنت اشكي لابويه يكلي عادي بحالة عصبية لما بدى يتمادى كلش ومحد يكدر يحاجي
عفته يحجي ورحت لغرفتي بعد تعب الدوام ومنا هو عكر مزاجي بدلت ونمت كعدت على صوت امي تصيحني
الام :مهىىىىى وينج يمعودة انزلي نظفي البيت
مهى : فزيت بسرعة وكمت حتى لا ترزلني هسه هم يرحون يرحون ويرجعون للكلية
نزلت نظفت البيت وسويت عشة وسمعت منتصر يحاجي ابوية يحركة عليه
منتصر:شوف جارة لبنتك بعدها اول يوم بالكلية ولسانها شطولة هاي شراح تتعلم من الكليات والطبه وطلعة وبنات الشوارع
مهى:بس سمعته خليت ورحت لغرفتي ما اتحمل كلامهم ،گلبي خلصان من عقليتهم الى متى ابقى بهالمعاملة ،منتصر انسان متخلف جاهل يحسب شرف العالم بالطبة وطلعة ودوام عباله كل الكاعدات بالبيوت هن شريفات لو كل الطالبات مو شريفات عقل حتى رب العالمين متبري منه
يستخدمون الدين والحياء بس بالشغلات الي تعجبهم ،ويحرمون ويحللون براحتهم واني واكعه بيها صدك تخلف .
مشت الايام بشكل عادي بديت اتأقلم بدوامي ونور وياي ما عافتني ابد وصارت كلش قريبه عليه ،
بعد شهر من الدوام جنت كاعده بالشعبة انتضر نور حسيت احد جر الستول وكعد بصفي رفعت وجهي شفته ولد غريب ماعرفة
كمت بسرعة حتى اطلع ،
فارس:لحظه لحظه بس احجي وياج واطلعي واني موغريب ترى نفس الشعبة احنا
مهى :انداريت عليه واني متعصبة لان محد يتجرىء يحجي وياي مو علمود شي بس لان من البداية اني مبتعدة عن الكل وعرفو طبعي هيج ما اتقبل احجي ويا ولد رغم معظمهم اخلاقهم طيبة ومؤدبين بس ماكدر اني ابتعد حتى ابعد نفسي عن مشاكل اهلي كونهم ما يتقبلون هيج صداقات
المهم جاوبته
اعتذر منك ما كدر احجي وياك وعفته وطلعت ركض وادور على نور صارت بوجهي
مهى :هاي وين جنتي ؟
نور :بالحمام شبيج لونج مخطوف
مهى :لا هيج ماكو شي امشي خل نطلع
أنت تقرأ
ابتزاز اودى بحياتي
Ficción Generalعاشت حياتها في مسارات ضيقة لتفادي ازدحامات مجتمعها ،عانت لتصل . وصلت فواجهتها عتمة البشر ،وسواد قلوبهم ،فما نهاية هذه الفتاة.
