ابتزاز اودى بحياتي

بارت 15

بارت15

مهى: امي جلبت بيه حتى ابقى بس ماريد ابقى ويا مشاكلهم ماتخلص ويوسف هم مايقبل بستها وطلعت على يوسف
استقبلني بضحكته ،من شفته احجي ويا روحي ولك فدوه لضحكتك
يوسف :ها مبين مرتاحه شوف الضحكه اروحلها فدوه
يلا احجيلي شسويتي
مهى :حجيتله كلشي كال عفيه حبيبي زين تسوين ،

يوسف:جريت راسها بسته واني اسوق ،والله وطلع يشتغل دماغج

مهى :ولك راح نندعم ههههه

-اذا نموت سوى عادي خل نندعم لو شتكولين
مهى-واذا متت بس اني ؟؟جان يتشاقه ومن كتله هيج وكف السياره واتغيرت ملامحه ،ولزم ايدي بخوف وحجى

يوسف : اذا يصيرلج شي اموت وراج ،

مهى :سحب ايدي ثنينهم وفتح كفوفي وباسهن

يوسف:گلبي مثل الشايب ،شاااف وعاف اشكال والوان وهو بمكانه ما بيوم اتحرك لو خضع لاحد ،بس هسه هذا الكلب صار بهاي الكفوف ،لازم ايدي ويحجي
گلبي صار الج ملكج مو ملكي ،اذا يصيرلج شي معناها گلبي راح وياج يعني اموت ادفن روحي وراج والله ،لاتحجين هيج بعد مهى ترا گلبي انخمط مااكدر اتخيل حياتي بدونج .

مهى :عيوني دمعت وهو يحجي وياي اريد احضنه لو ماعيب واحنا بشارع
يوسف :اروح فدوه للگلب الرقيق ،خل نرجع للبيت لا اجرج لحضني بالشارع

مهى :لا لا خل نرجع ههههه
رجعنا للبيت واني احس روحي مولوده من جديد يمه هو الاب والام وحنان الدنيا كله شفته منه ،احبه كلمه قليله بحقه ،اعشق كل تفاصيله ،من هسه شايله هم شلون حفارقه باجر وماعرف شكد يطول بدوامه
بليل كملنه العشى ،سويت حلو ترايفل طبقات بسكت وفواكه وكاستر وجيلي
بس اني اعرف يوسف ما يحب الفواكه سويت اله على صفحه بدون فواكه خليت مكسرات بمكانها
يوسف :ورا العشى صحتها ،حبيبي حضريلي الحمام الفوك
مهى :رحت بسرعه جهزتله الحمام اتاكدت اكو صابون وشامبو وخليتله المنشفه وملابسه الداخليه صعد هو
يوسف :ها راح تنزلين ،
-اي اكمل شغلي واجي احضرلك جنطة الدوام

يوسف :ماشي حبيبي براحتح منتضرج اني

مهى :ورجعت نزلت كملت شغلي واخذت ملابسي وسبحت جوه. ومشطت وصعدت فوك جان هو كاعد يكلب بأوراق تخص شغله
وكفت يم المرايه حطيت كحل وحمره لون وردي طبيعي وعطر خفيف
شفته من المرايه يباوعلي ،صايره بس اشوف نظراته ابتسم وكلبي يرجف بشوفته .
خلصت ورحت حضرتله ملابسه واني مخنوكه شلون حفاركه اريد ابجي بس لازمه دموعي بالكوه

يوسف :شفتها ضايجه اعرف تعودت عليه وهذا الي جنت اتمناه ،فرحان حيل على مقهور شلون راح افارك طفلتي كم يوم بالي يبقى يمها علمتها متنام الا بحضني
ردت اغيرلها جو بقيت اتشاقه وياها واضحكها واخجلها بنفس الوقت بس حتى انسيها

مهى :خلصت الجنطه ،شنو احطلك بعد ،كلشي جهزته خليتلك معجون الاسنان والفرجة ،والمشط مالتك هم طبعا هذا مشطه ما يمشط الا بي متعود عليه، ها اخليلك العطر ؟؟
يوسف :لا عندي واحد هناك بغرفتي ،كافي تعالي يمي ،بس ها نزلي بالمطبخ تلكين الميز علاليك ٣ انطي لمريم ونغم كل وحده حصتها وجيبي علاكتج وتعالي