ابتزاز اودى بحياتي

بارت 17 💔

بارت 17

الاب :ما يحتاج نكلج ،شوفي بابا من اليوم مالج كعده عدهم كافي صبرت وعفتج هواي ،هذا البيت ما يناسبج بعد ،زوجج ومات لازم ترجعين ويانه ...

مهى :احس احد شلع مني روحي ،،رديت بصدمه

شششنو شنو ارجع وياكم !!! لا لا ما اعوف بيته ،ما اعوف يوسف

الاب :ولج شجاي تحجين يا يوسف هذا رجلج مات وشبع موت ،كعدتج بهذا البيت بعد متصير حضري غراضج اليوم وباجر اخذج

مهى :كمت اصيح فقدت
ما اطلع ،يوسف مامات يوسف روحه معلكه بيه ما يعوفني ،ما اطلع من بيته وغرفته اذا افاركهن اموت ،كمت ابجي واتوسل بي
الله يخليكم عوفوني عايشه على ريحته لا تحرموني منهن ،ما اطلع من هالمكان الا واني ميته ولاحكته ،اجتي خالتي ومحمد على صوتي
رحت على خالتي اركض جلبت بيدها وابجي
مهى:خاله اروحلج فدوه كوليلهم لاياخذوني ،ماكدر افارك مكانه والله خاله ماتدرون بيه اني ليلي ما انامه اكابل كل مكان بغرفتنا وكل زاويه واتذكره واسولف وياه ،
محد يحسسسس بيه كمت اصيح وابجي
محد بيكم يحس بيه ،تردون تتحكمون بيه وتعالي هنا وروحي هناك ومتعرفون كلبي شنو بي كمت ادك على كلبي بحركه كلب
حجت خالتي

سعاد :عيب ابو منتصر قابل هي كاعده ببيت غربه ترا اني خالتها قبل لا اصير ام رجلها ،جاي تريد تاخذها منا بالكوه ،هي تريد تبقى هنا مو من حقك تجبرها
هذا البيت بيتها وبيت بتها ومثل ما انت تريد بنتك احنا هم نريد بتنا وما ننطيها الكم وما معقوله تفرق بين الام وبتها

الاب :الي عندي كلته ومهى متبقى هنا وبتكم اخذوها الكم ما نريدها

مهى :اني فقدت من البجي شجاي يحجي ابويه ،لا مستحييييل بنتي ما اعوفها لو اموت اني وياها مانطلع منا لو تدفني هسه هنا ،

الاب :سمعي لج باجر من الصبح اجي الكاج لامه هدومج ومنتضرتني وبدون حجي زايد

مهى : محمد راد يهد عليه بس لزمته خالتي كالتله عيب ،،
طلعو هم وامي كلشي ما حجت بس حاولت تسكتني وتبجي وياي
راحو واني انتهيت بالكاع ،اباوع لخالتي واحجي من بين دموعي
خاله الله يخليج لا تخليهم ياخذوني اموت صدكوني اني اتفس بس بمكانه خااااله ابوس ايدج تعبت والله ما اتحمل يفرقوني عن اخر ذكرى اله ،كعدت خالتي يمي وعيونه مغوركة

سعاد :اشش يايمه محد يكدر ياخذ منا اطلع روحهم غير
كومي روحي لبنتج ولا تنقهرين خل يجي باجر وشحده يوصلج قابل يطلعج جبر منا
كمت بالكوة من يمها وصعدت يم بنتي حاطتها اباوعلها وابجي وهي كاعده عالجربايه صافنه عليه وتكمكش بيدي تريدني اخليها بحضني
جريتها لحضني حضنتها وابجي ،يردون يفرقونه ماماتي يردوني اعوفج واعوف ذكرى ابوج ومكانه ،اموت وما اطلع
بقيت حاضنتها الى ان هديت لليل نزلت ساعدت نغم سوينه عشى وغسلت مواعين طبعا ما اكل وياهم غير وجبه وحده باليوم او الاصح نص وجبه امراض الدنيا كلها صارت بيه يوميه شغله مره فقر دم مره كلياتي مره شقيقه وكومه بعد
من اباوع روحي بالمرايه ،مو نفسها مهى ام وجه الي يلمع والضاوي ،عيوني عباره عن نكر وجواهن عتمه الليل كلها حواجبي وشكلي رجع مثل قبل من جنت بنيه بس اتعس جسمي صفى نصه خدودي الجان يتغزل بيهن اخر يوم هسه بس عضام وجناتي تبين ،رجعت لغرفتي وياي بنتي
حاضنتها واون بصوت ناصي يمها واحجي
وينك حبيبي يوسف ،تتذكر يروحي شكلت
كلت اني ناقص غيره اذا اخليج يمهم ،اعرفك ابو الغيرة تعال اخذني يمك وين ما جنت والله كلبي يعرفك موجود ،ماخلوني اشمك حتى اصدك ،ااااااخ ينظر عيني حتى نظري راح بعدك كلشي بيه صار عدم ،