#ابتزاز_اودى_بحياتي
بارت 11
طلعت من غرفه مهى نزلت بسرعة حتى لا اشوف اهلها ،بس شفت خالتي كلتلها باجر العصر اجيب السيد حتى يعقدلنا
رجعت للبيت بين المرتاح لان راح احميها واخلصها منهم وبين الخايف شلون راح اخليها تتعود عليه وتعرف اني مامجبور عليها ،اوووف يلا يوسف عوفها للوكت هي تنحل
دخلت البيت اتلكتني امي من الباب
سعاد :ولك وينك مو كلبي خلص من الخوف شصاير تعال احجيلي
يوسف :ولو تعبان بس اعرفج متتحملين هو اني عليمن طالع فضولي غير كله منج باوعتلها صفح وضحكت
جان تضربني على كتفي
سعاد:يااا هاي اني هيج ،ولك احجي راح اطب بخطيتك
يوسف :هاي هي تعالي احجيلج شلون عندي الج خبر يطيرج
حجيتلها الصار كله وهي بالبدايه كامت تلطم وتبجي على مهى من كلتلها راح اتزوجها حولت بسرعه زرفت اذني بالهلاهل
على كيفج بروح جدي راحت طبلة اذني انسحكت واني عريس
سعاد :ولك يمه هسه خل الناس كلها تسمع صوت فرحتي ابني الجبير بعد گلبي فرحتي راح يتزوج واخيرا ومنو ياخذ؟ياخذ مهاوي والله شيسكتني اليوم كلللللللللللوش
نغم ومريم اجوي ركض شكووو شكو شصاير
سعاد :يوسف حيتزوج مهى ولكم ،ولكم لو عندي طبل جان احتفل للصبح ،هذا ابو راس اليابس المطنكر واخيراً حيتزوج
مريم :يمه مو صغيره عليه مهى
يوسف :باوعتلها صفح ها ولج واني شعايزني ،هيج مبين عليه الكبر
مريم :لا والله احجي حك الله ههههههه اني مبينه اكبر منك الله يحرسك
نغم :ماعرف اهلهل جان زرفت اذنك الثانيه والله طايرة من الفرح بيكم ثنينكم غاليين على گلبي ،الله يسعدكم والله مهاوي وردة
هسه يجي محمد يكوم يكمز مو بس يركص هههههه
يوسف :يلا اني صاعد ارتاح ويمه مثل مكتلج ترا باجر العصر العقد
صعدت لغرفتي مددت شوي وغفيت لليل صاحوني عالعشى نزلت تعشيت وشافني محمد اتلكاني يطك اصبعتين
محمد :وعريسنه چكليته
حامض حلو اباكيته
يوسف :والقرآن ولا تعقل
محمد :مصدك مجذب اني اخويه الحقنة يتزوج لا بشرفي الله يساعدج مهى هههههاي
يوسف :امشي ولي من وجهي امشي لا ادفرك ردت اضربه راح من يمي يركض للمطبخ
منتضر باجر على احر من الجمر اريد اعقد عليها وارتاح واتطمن تصير الي بعد ،
مهى :من طلع يوسف ماعرف شنو احساسي متطمنه راح
اخلص من منتصر وعذاب اهلي كله وبنفس الوقت هالزواج صار غصب عني ،امر واقع وانفرض عليه ،مثل ما اعرف ومتأكدة انفرض على يوسف هم اعرفه ما يريدني وكرامتي متسمحلي اتقبله ،واحسسه اني ذابه روحي عليه ،ما اتوقعت بيوم اتزوج بهالطريقة ،اتمنيت الكي احد يحبني من صدك يعوضني عن عذاب اهلي الي اتشبعت بي من طفولتي ،مو هيج حتى زواجي صار بسبب تدخلهم وسوالفهم وظلمهم
أنت تقرأ
ابتزاز اودى بحياتي
General Fictionعاشت حياتها في مسارات ضيقة لتفادي ازدحامات مجتمعها ،عانت لتصل . وصلت فواجهتها عتمة البشر ،وسواد قلوبهم ،فما نهاية هذه الفتاة.
