بارت 9
سحر :مو بيدي والله انتضره ساعه ساعه حتى يطلع واجيك بسرعه حتى اسمع صوتك ،مشتاقه لشوفتك
من اجي لاهلي اخابرك وتعالي ما اتحمل بعد اريدك
مهى :ياااربي شجاي اسمع رجليه كامت تطكطك معقوله جاي تخون منتصر !!!!
شمرت سله الملابس بالكاع ودفعت الباب عليها ،
سحر :هييي انتي شلون تفوتين عليه هيج امشي ولي برا
مهى :رحت جريتها من ايدها ولج جلبه
ويامن نتي تحجييين ؟؟ خل يجي منتصر يشوف زبالتج احسن ما حاط خشمه بحياتي وناسي مرته وعايفها على حل شعرها ،جيبي الموبايل جييييبي
حاولت اخذ الموبايل منها بس هي كلش صلفه ووكحه دفعتني وطلعتني برا وقفلت الباب
بقيت اصيح ونزلت لامي ركض ولج يمممه تعالي وينج
امي جانت نايمه بغرفتها اجتي على صياحي
الام :شكو شبيج اول تالي صوتج يطلع شصاير
مهى :شوفي جارة لجنتج لكيتها تخابر واحد بالتلفون ،ومن واجهتها دفعتني وطلعتني من الغرفة ،مو هاي الي تقارنوني بيها ام الشرف والاخلاق لا وفوكاها متزوجه وتخون زوجها
الام :ولج شجاي تحجين اتخبلتي مهى لا تذبين بلاويج عليها اذا متعاركات ترى عيب تتهمين البنيه
مهى:يممممه راح اتخبل والله والله مجاي اكذب بشي وربي الي سمعته كلته الج ،يمه شبيج ليش اني هيج كذابه وما اخاف الله حتى اتهم عليها
امي كامت تلطم على وجها
الام:عزززه العزاني اذا صدك ،ولج سححححححححر
سحححر تعالي نزلي يا مصخمه
مهى :نزلت سحر بكل ثقه ولا جن مسويه شي ،الله ينطيني شويه من ثقتج
الام :تعالي ولج ،،ويامن جنتي تحجين
سحر :ويامن يعني ويا اهلي
مهى :ويا اهلج وتكوليله مشتاقتلك ومن اجي لهلي نلتقي واريدك وماعرف شنو
سحر :انجبي ولج واكلي خ..... لا تذبين وصخج عليه انتي تسوين وتذبين براسي
مهى:هي هيج كالت ما تحملتها كمشتها من شعرها وشبعتها ضرب وهي هم مو قليله وامي بنصنا تفاكك وتفشر بنات الكلب كااافي وكافي فضحتونا
بالكوه وخرتنا وحده من اللخ رجعت الحقيرة تغلط عليه وتحجي
مهى :خل يجي رجلج ابو الشرف وكلشي احجيله
سحر :روحي شتسوين سوي ومحد يصدك وحده مثلج ماعندج اي دليل
تحاجيني وتضحك وتتغمز عافتنه وصعدت فوك
مهى :هاج يمه شفتي هاي جنتج الي اكلتو راسي بيها
بس خل يجي استاذ منتصر شوفي شراح اسوي
الام :اكعدي وسكتي يمه عبالج منتصر حيصدكج ،اسكتي مابيه حيل مصايب ،
مهى :يمه شسكت والي سمعته وشفته ؟!!!
الام :مو سمعتي شكالتلج عيني هاي مرتبتها ،واخوج طلي مالتها يصدكها ميصدكنا
مهى :ماشي يمممه خلي هو وياها يندكون كبه ،خلي المي تمشي من جواه وهو مثل الطلي بس يمي مسوي روحه اسد عفتها ورحت لغرفتي واني نار تشتعل بيه
اتذكرت شسوه بيه منتصر علمود تهمه اتهموني بيها ظلم
وهسه مرته شجاي تسوي وهو بس يحلف براسها مسويها هي وبس وكله هي زعطوطه عمرها ١٦سنه ،يكول اربيها على ايدي ههههع خلي هي تربيك منتصر افندي
أنت تقرأ
ابتزاز اودى بحياتي
General Fictionعاشت حياتها في مسارات ضيقة لتفادي ازدحامات مجتمعها ،عانت لتصل . وصلت فواجهتها عتمة البشر ،وسواد قلوبهم ،فما نهاية هذه الفتاة.
