بارت 5
بعد المشكله الي صارت ماكدرت ابقى بالجامعة
محمد اخذني وطلعنا وبقى فارس بالكاع وجهه كله دم
مهى :محمد وين حروح
محمد :امشي اوصلج للبيت
مهى :ولك البارحه راجعه من وكت اذا رجعت اليوم امي تشك اكو شي
محمد :لعد اخذج لبيتنا الى ان يخلص وقت الدوام عود اوصلج للبيت
مهى :ماشي
صعدت وياه بقى ساكت خمس دقايق بس احسه عنده هواي حجي
-احجي الي تريده ترى انت اخويه ومراح ازعل منك رزلني واذا تريد اضربني بس والله صدكني ماسويت شي غلط ولا عمري راح اسوي كل ذنبي ثقيت بصديقه وطلعت نذله وغدرت بيه باعتني لواحد ناقص مثل هذا ،ولك انتو مثل اخواني عمري ما طلعت شعرايه من شعري كدامكم اروح ادز صوري للغريب ؟؟؟!!احجي لا تضل ساكت
محمد :ااااااااخ اااخ ولج بلوه هالوكت هي مال ثقة ولج انتي عقلج يوزن بلد شلون تغلطين هيج غلطة وتورطين روحج ،ماحركتي هالدماغ كام يضربني براسي بأصبعه هذا شنو متمدد براسج زمال هنا فهميني جاي احترك هسه لاعبالج انتهت الشغله ولج حجايه شكدها وشكبرها راح تبقى معلكه بضهرج الجامعه كلها راح تحجي بموضوعج
بس فهميني شلون نحلها هاي !!
مهى:بقيت مدنكه وبس دموعي تنزل ماحجيت كلشي
محمد :ولج افهمي اني ماريد ااذيج بكلامي ،بس خلي هالشي درس الج لعمرج الجاي وانتي بعدج بأول عمرج ،يمكن هالشي من مصلحتج اتعلمتي من هسه ماكو ثقه بعد بأي مخلوق خلي الي صار ترجيه بأذنج فهمتيني وكافي بجي بفضحتينا هسه الاوادم يبلوني بيج عبالهم بايك طفلة انتي وحواجبج هاي ههههع
مهى :رزلني ونصحني باسلوب حلو وبعدين كام يشاقيني
صدك انت اقرب من اخويه الي الله يجازيك خير على كلشي سويته وياي
محمد :بدت تتفيك براسي دكومي عيني يلا وصلنه بدون تشكراتج هاي
مهى :هههههه
وصلنه وكالعاده نغم فتحتلنا الباب بوستني واني حضنتها احس بيه جبل هموم اريد احط على مكان انزل كل حملي
نغم :شبيج عمري ليش هيج وجهج ذبلان
تعالي فوتي تعالي
شفت خالتي ورحت ركض لحضنها وبدون وعي كمت ابجي بحركه وهي تسكت بيه
سعاد :يمه بنيتي شبيج يعيون خالتج منو هيج مبجيج ،اهدي يايمه اهدي واحجيلي
ولك محمد شبيها مهاوي وين جنتو متحجون بردو گلبي
-باوعت لمحمد كتله احجيلهم انت ،حجالهم الي صار بس خالتي ومرته نغم جانو بالبيت مريم بالدوام ويوسف هم وزوجها متوفي من زمان
سعاد :يااايمه سوده عليه شوف گلبج الطيب شيسوي بيج،الله كون ينتقم منهم عسى حوبتج ما تتعداهم بجاه امير المؤمنين
اباوع لخالتي شلون روحها لايبه عليه اروحلها فدوة ،الله يطول بعمرها من واني طفله جنت اتحامه بظهرها من امي ومنتصر ولحد هسه متعلقه بيها
أنت تقرأ
ابتزاز اودى بحياتي
General Fictionعاشت حياتها في مسارات ضيقة لتفادي ازدحامات مجتمعها ،عانت لتصل . وصلت فواجهتها عتمة البشر ،وسواد قلوبهم ،فما نهاية هذه الفتاة.
