رواية أميرة بقلب سجان ..الجزء 1..2.. بقلم رحاب ابراهيم..

31

  الحلقة ٣١ ج٢ 

من رواية ...اميرة بقلب سجان 💟💟
اكملت هيلين حديثها بعد صمت وتفكير ،،وقالت
ميرا لا تتسرعى ،، انتظرى وفى خلال هذا الاسبوع سنجد حلاً بالتأكيد
اميرة بعند ....صدقينى انا مش عارفة لو قولت لادهم هيبقى رد فعله ايه ،، والاكتر من كدا دادة سعاد مرقبانى وشايفة كل تحركاتى ، لو ما نفذتش اللى اركان بيقول عليه مش عارفة هيعمل ايه ؟
ودق قلبها برعب ،، واكملت
بس انا عارفة انا هعمل ايه
هيلين ...ماذا ؟
اميرة .....هروح واتفاهم معاه وزى ما اقنعته قبل كدا بخطتى هحاول اقنعه انه يلغى موضوع الشغل ده
هيلين .....
اتمنى ان توفقى ،،وانا معك ،،وسأصل القاهرة غداّ بأذن الله
نظرت اميرة بقوة للمغلف امامها ،وقالت
توصلى بالسلامة يارب
وقفلت الخط وهى تفكر ،، ولمع بذهنها شئ ،،
اتصلت برقم نورا ،، وبعد دقائق ردت نورا على الهاتف
نورا بفرحة ....ازيك قلبى ،حمد الله على السلامة يا عروووسة
اميرة ....الله يسلمك يا نورا ، بقولك ايه هو جوزك موجود ؟
نورا ....اه لسه راجع من الشغل من شوية ،، نزل الشغل من يومين بعد الاجازة
اميرة ....حمد الله على سلامته ،،طب ممكن اكلمه ؟
نورا ....اكيد بخصوص الموضوع اياه صح
اميرة بتوتر .....اه يا نورا ،
نورا بقلق .....طب استنى هنادى عليه بس ماتقفليش بعد ما تخلصى معاه عشان عايزاكى
اميرة ...خلاص ماشى ،،
ذهبت نورا لزوجها لتخبره بالاتصال
وبعد دقائق اتاها صوت تامر
تامر ....ايوة يا مدام اميرة ،كنت مستنى اتصالك
وعارف انك هتتصلى بيا تانى
اميرة ....جالى تهديد يوم الفرح و
روت له كل ما حدث ،،،
تامر بتعجب .... يوم الفرح ،ده ايه البجاحة دى ،، بس برافو عليكى ،عرفتى تخلعى منهم ،،كان ممكن تحصل كارثة

اميرة بخوف ....انا ما هربتش منهم بالعكس ،، انا بحس انى دخلت عش الدبابير برجلى ،، اركان باعتلى عقد عمل عنده ومش عارفه غرضه ايه بالضبط ، وبين نارين اخبى على ادهم ولا اقوله ،، ومش عايزة اعمل حاجة من وراه
بس خايفة ، ادهم مش شايف الا عدو واحد ليه ،وده فى السجن
والباقى هو ما يعرفهمش ، وشكلهم مجرمين ، ودادة سعاد اللى شايفة كل تحركاتى واى تغيير بسيط فى تصرفات ادهم معاها هتكتشف الحقيقة وهتقولهم ،، ارجوك قولى اعمل ايه ؟
تامر بحيرة .....
انا مش مع انك تخبى عليه بس لو عرف الحقيقة عمره ما هيرضى يخليكى تروحى لاركان ده ،،
ومرواحك لاركان مهم جدا هيكشفلنا حاجات كتير ،،
اتكلى على الله وربنا معاكى وانا معاكى وهتابع من بعيد
القضية دى دلوقتى بتاعتى ،،وتأكدت من شخصية الضابط اللى حكيتيلى عنه ،، وطلع اللى فى دماغى لحسن الحظ
والموضوع اكبر بكتير من مجرد انتقام ،،
مدام اميرة انتى مش بتساعدى جوزك لواحده ،انتى بتساعدى بلدك كمان ،،
اميرة .....انا قررت انى اروح واشوف اخره ايه وعايز ايه بالضبط ، وربنا معايا
تامر ....ماتقلقيش ،كل خطواتك هتكون متراقبة وهتبقى متأمنة ،، نمسك بس اول الخيط وهبعدك خاالص
اميرة ...صح ،امسك اول الخيط وبعد كده هحكى لادهم على كل حاجة ،، ولولا وجود دادة سعاد كنت حكيتله بس وجودها هنا مكتفنى ،،
تامر .... انا بنفسى هاجيلكوا واتكلم معاه وهشرحلوا كل حاجة
ومتشكر جدا على مساعدتك لينا
اميرة .... لا مافيش شكر اكيد ،انا اللى المفروض اشكرك
انتظرت نورا ان ينهى تامر حديثه ،ثم مسكت الهاتف وقالت بفضول ....
مين اللى هددك يا اميرة يوم الفرح ؟
اعادت اميرة تكرار ما روته لتامر منذ قليل
وشهقت نورا من الصدمة ،،وقالت
دادة سعااااااد ،معقول ده ،، ده ولا فى الافلام
نصيبة سودا لتطلع الراجل الكبير فى الاخر 😂😂
اميرة بسخرية ....
مش مستبعدها والله
نورا بقلق ....طب انتى بتتكلمى ازاى مش خايفة حد يتصنت عليكى
اميرة وهى تنظر للباب....لا ما تقلقيش ،،مستحيل حد يسمع كلامى وانا قافلة الباب ،،الباب تقيل جدا ،وبعدين انا موطية صوتى ،هو انا عبيطة يعنى
نورا ....بحذرك بس
...................................

فى المساء
فتحت نيرمين هاتفها المقفول منذ الامس ،، وبعد فترة اتاها اتصال من عصام

توجست من ان الرد ،، ولكن مسكت الهاتف وقالت بحدة
الو.
عصام بنرفزة ....الو ااايه ،من امبارح وانا بتصل بيكى وقافلة تليفونك ،،ينفع كدا ؟
لم تجيبه ...
احتد صوته اكثر ،وقال
ما بترديش ليه ؟ انا بكلم الهوا
نيرمين بعصبية. ...هو انا ماليش حق انى حتى ازعل يعنى
كل حاجة معاك لازم تكون حاضر ونعم ،،وانا مش كدا
قاطعها عصام .....
انا ماقولتلكيش قولى حاضر او نعم ،انا قولتلك شورينى الاول
عشان ما تتحرجيش مع حد ، يبقى انا كدا غلطان !!
نيرمين .....وانا كمان مش غلطانة يا عصام ،لما يكون نفسى فى حاجة واقولك عليها ،فين الغلط هنا ،انا ما قررتش من غيرك

عصام بنفاذ صبر ....انتى عايزة ايه دلوقتى ؟؟
نيرمين بدموع مكتومة ...مش عايزة حاجة ،اعمل اللى انت عايزه
عصام بتنهيدة .....نيرمين ،حبيبتى ،، انا مصدقت بقينا مع بعض ومش عايز اخسرك تانى ،، لا ولا انتى قد الفراق تانى يا نيرمين
انا بحبك
مسحت نيرمين دموعها وابتسمت قليلا ،،وقالت
مانت مخالفنى فى كل حاجة ،اقولك يمين تقولى شمال

عصام بزمجرة مرحة عبر الهاتف ،،
خلاص بقى موافق ،، المهم عايزك تعرفى اننا مش هنتفق على كل حاجة ،بس مايبقاش فى اختلافنا وجود للبعاد ابدا ،،توعدينى

نيرمين بأبتسامة ....اوعدك طبعا ،، وانت كنت يا سيدى ماخدتش رأيك فى الاول فأنا اسفة
عصام ...وانا كمان اسف يا قلبى ،،كنت عصبى بس شوية امبارح بسبب الشغل
نيرمين ...ربنا يقويك يااارب
عصام. ..يااارب 😍
...........................................

صفق معتز باب السيارة وهو ممسك بهاتفه ويحدث جودى
معتز .....انا واقف قدام البيت اهو 😹
جودى بغيظ .....بردوا عملتها وجيت يا عازول ،،دول لسه راجعين من السفر النهاردة ،،دنا همووت واقعد مع اميرة وسيبتها لبكرا على ما ترتاح من السفر
معتز برخامة ......لا مافيش بينا انا وصاحبى ادهم الكلام ده
دحنا انتيم ، 😊
جودى ..... هتيجى عندنا 😒
معتز بخبث .....يعنى ،لو فى وقت بعد ما امشى هاجى
جودى بصياح ......عاااااااااااااااا😭😭😭😭
مش عايزة اشوف وشك اصلاااااا 😭😭😭😭😭
معتز بضحكة .....طب احلفى 😹
جودى بغيظ .....😠😠😠
اخذ علبة الهدايا من سيارته ودخل المنزل ،، ودخل المصعد
وقرع الجرس لشقة الجدة اولا ،،
ركضت جودى وهى تبتسم ،، وفتحت الباب وهى تغطى رأسها وقالت بثقة .... مانت جيت اهو 😎😁
معتز ..... نورى نور السلم كنت هقع 😝
جودى بشهقة ..... 😐😐😑
كتم معتز ضحكته واتجه لشقة ادهم ،، وسمع الباب وهو يقفل بعصبية مما جعله يقهقه 😂😂
فتحت سعاد الباب ورحبت به ،، ودلف معتز الى الداخل ووضع الهدية عندما دخل غرفة الصالون ،،

دقت سعاد باب غرفة ادهم واميرة ،، وفتحت اميرة
سعاد .....معتز جه برا
اميرة. ...خلاص ماشى ،هقول لادهم
وقفلت الباب ،،على خروج ادهم من المرحاض وهو يمسح رأسه بالمنشفة ،،
قالت له بابتسامة .....على فكرة معتز جه برا
ادهم بابتسامة واسعة .. كنت عارف انه هيجى النهاردة ومش هيستنى لبكرا 😂 حبيبى يا صاحبى 😊
اميرة بضحكة .. ربنا ما يحرمكوا من بعض ، وانا هلف الحجاب وهخرج وراك
ادهم ...براحتك يا روحى
ساوى ادهم شعره امام المراية ،، ووضع عطره المفضل وخرج
دخل غرفة الصالون ،،وهلل معتز بسعادة ،،وقال وهو يسرع إليه ،،، اهلاااا بالعررريس ،،وحشتنى ياااااادهم 😍
ورحب به ادهم بعناق وضحك ،، وقال
عقبالك يا لمض 😂
معتز بثقة .....كلها شهرين والحقك يا كبير ،وابقى انا وانت عرسااان 😊 😀
ادهم بابتسامة واسعة ..... ربنا يتمملك بخير يا دوك
معتز وهو يربط على كتف ادهم ،،وقال
مش فى يوم قولتك ان ربنا هيعوضك وهتفرح وكل شئ هيبقى تمام وهفكرك ،،وادينى بفكرك اهو 😊
عانقه ادهم بقوة وحب ،،وقال
احسن صاحب فى الدنيا يا معتز ،، رغم انك غتت 😂
معتز بتكشيرة ...انا غتت 😑
ادهم بضحكة ......اوووووى ،،انت جاايب الغتاتة دى كلها منين
معتز بفخر .....
من البنزينااااه 😂😂😂 بمون كل يوم بنزين ٩٢ 😊
ادهم بمزاح ......اتاريك غالى عليا 😂😂😂
دخلت اميرة وهى مبتسم ورحب بمعتز ،،
رد معتز عليها ....الف مبروك يا مدام اميرة ،، وعقبال ما اجى سبوع البيبى قريب بأذن الله 😊💟
نظر ادهم لاميرة بأبتسامة وعينيه تلمع بفرحة ، وبادلته اميرة الابتسامة ،،وقالت
اللهم امين ،،
قرع جرس الباب ،،وفتحت سعاد ودخلت جودى وهى عصبية
سألت على اميرة واخبرتها سعاد انها فى غرفة الصالون ،،
دخلت وتعابيرها مضحكة وسلمت على ادهم وتلاشت معتز
وكأنه غير موجود ،، وجذبت اميرة من يدها وقالت لها
سيبيهم وتعالى اقعدى معايا ،،
كتم ادهم ضحكته على تعابير وجه معتز المغتاظة 😡
وخرجت اميرة معها وهى تضحك ،،
ادهم بضحك .....انتوا متخاصمين 😂
معتز .... لا 😑 دى بتغظنى 😒
ادهم ...ليه 😂
معتز ..... عشان ماكنتش عايزانى اجى النهاردة وانت كنت واحشنى يا ادهم 😞
ادهم بضحكة عالية ...... يا حبيبى 😂😂😂😂😂😂
....................................
جودى بغيظ وهى تقضم اظافرها ،، وتهز قدمها بعصبية
شووووفتى بيبصلى ازاااى 😡
اميرة بضحك....يا شيخة اتقى الله ،هو كلمك يا مفترية
جودى .....مانا عشان كدا متغاظة 😭
اميرة .....مجااااانين 😂
....................................
فى اليوم التالى ،، ذهب ادهم لعمله ،ولكن لم يعدى اكثر من ساعتين وعاد الى المنزل لشوقه لها ،،مما جعلها تغيظه بمرح طيلة اليوم ولكن بداخلها سعادتها لا توصف ،،
واتت خديجة فى اليوم التالى وكأنها اتت من الشرقية
وروت لها اميرة كل ما حدث ،، وطمئنتها انها بجانبها وستدعمها دائما ،، وذهبت بعد يومين للشرقية مجدداّ
واتت نيرمين ايضا ورحبت بها اميرة بأشتياق ،،
وانتظرت اميرة كثيرا وصول ماكس من السفر ،،فهو تأخر فى المجئ فى الباخرة ، واستلمه ادهم وعاد به للمنزل مما جعل اميرة تقفز فرحاّ

وعدى الاسبوع المحدد ،،واتى موعد اركان فى المطعم
بعد ذهاب ادهم للعمل ،، استعدت اميرة للذهاب الى اركان
وهى تشعر بغصة نريرة بحلقها وشئ من العذاب بداخلها لاخفائها على ادهم ،،ولكن ما باليد حيلة

وصلت المطعم ودخلت وهى خائفة من المنتظر
دخلت مكتبه ورحب بها بنظرة خبيثة ،، وقال
اهلا اهلا ،ده المطعم نور
اميرة بقوة ظاهرة وخوف داخلى .....
اركان ادخل فى الموضوع على طول ،، مش جاية للسلامات

اركان بتفحص ..... مضيتى على العقد ؟
اميرة بتعجب ....وتفتكر انى غبية امضى على عقد ما اعرفش عنه حاجة
اركان بسخرية .....طب مانتى عملتيها قبل كدا ،ولا فكرانى ماعرفش
تنحنحت اميرة بقلق وقالت .....دى كانت ظروف تانية
واظن بردوا انك عرفتها ،،
اركان وهو يجلس امام مكتبه ،، قال
ندخل فى الموضوع ،انا عايزك تشتغلى هنا
اميرة بتنهيدة .....ادهم مش هيوافق اكيد ،،مين الغبى اللى اقترح عليك كدا
اركان ....ومين اللى قالك قولى لادهم ،وتاخدى رأيه اصلا ليه
هو مش انتى هتطلقى منه !
اميرة بذهول ....هتطلق !!!!!
اركان بأبتسامة شريرة ....ايه ده ،هو انا ما قولتلكيش لحد دلوقتى ،، لو عايزة تثبتى فعلا ولائك لينا يبقى تنفذى كل حاجة هقولهالك ،،خصوصا ان البوص عايز يقابلك

حدقت به بصدمة ،وقالت وهى تبلع ريقها بخوف
وعايزنى ليه !؟؟
اركان .....ماقاليش ،، انتى فى اول خطوة فى السلم ،ومش هتطلعى لاخره غير لما تنفذى كل حاجة هقولك عليها

اميرة بخوف حقيقى ......مش فاهمة بردوا هو مهتم يقابلنى ليه
اركان ......ما تسأليش ،انتى تنفذى وبس ،، بس عشان اريحك شوية ،،هقولك حاجة من عندى ودى تعتبر سر

نيكولاس چين كان من رجالة البوص ،، اكيد انتى عندك خلفية عن واحد اسمه نيكولاس ،،ادهم واخد كل شركاته وبهدله ودمره ،،
اميرة. ....انا نفسى اسألك سؤال بقالى فترة بفكر فيه
اركان وهو يضيق عينيه .....ايه؟

اميرة .....هو انت بتشتغل مع الناس دى ،ولا انت ايه بالضبط
مش فاهمة دورك ايه!!!
اركان وهو يصر على اسنانه .... ادهم فكر فى اللى ليه بس مافكرش فى الانتقام اللى عليه
اميرة بحيرة ......انتقام !!! وانت عايز تنتقم منه ليه؟
نظر لها بغضب وقال .....
لانه قهرنى ووجعنى ،، كنا زمان صحاب اوى ،، كنا انا وهو ومعتز واكرم الله يرحمه ،،احنا الاربعة كنا اعز صحاب ،،
حبيت بنت اسمها جوليا ،،لكن للاسف حبت ادهم بعد ما شافته معايا كذا مرة ،، والكارثة الاكبر ان شاهندة اختى هى كمان كانت بتحب ادهم ،، وانا كنت عارف كدا وكنت بتعذب من جوايا بس مش قادر اتكلم ،، وقولت يمكن جوليا تحبنى بعد كدا ،، ويوم الخطوبة سابتنى فى وسط الناس لانها ماقدرتش تكمل معايا وهى بتحب واحد تانى ،، ولم اعترضت ومارديتش اسيبها ضربتنى بالقلم قدام كل الموجودين ،، واعترفت انها مش عايزة حد غير ادهم لانها بتحبه ومش قادرة تنساه ،، اختى شاهندة شافت اللى حصل ،، وجريت ورا جوليا بالعربية عشان تلحقها وتمنعها ،، لكن هما الاتنين خبطوا فى بعض وعملوا خادثة وماتوا هما الاتنين ،، اختى اللى ماليش غيرها وحبيبتى ماتوا فى نفس اليوم وبسببه

شعرت اميرة بنارة الغيرة تحرق قلبها ولكن تماسكت
وقالت .....هو ادهم للدرجة كان يعرف بنات كتير
نظر لها اركان بعمق وشك ،،ولكن اكمل
ادهم طول عمره مغرور ،، كان دايما محسسنا انه احسن مننا
واحنا اقل منه ،، والغريبة انه كان محبوب جدا رغم غروره

نظرت له بحدة وهى تريد ان تخنقه بيديها لمعرفتها بعقدة النقص التى تطل من عينيه ولم يكن هذا خطأ ادهم ولكن الغيرة وضعف النفوس هم السبب الاكبر
وقالت بتعاطف .....
ياااه عمل فيك ده كله ،،لا يستاهل بجد ،،دنا على قلم وشوية كلام وبنتقم منه مابالك انت
اركان ......
اللى عمله فيا مش شوية ،، على فكرة يا اميرة انا مش مجرم ولا تبع مافيا ،، بس لما جاتلى الفرصة انتقم منه ما اترددتش لحظة ،، هو السبب فى موت اغلى اتنين عندى
كادت ان تصرخ به ،،وتقول
( هو ذنبه ايه يا غبى ان اختك وخطيبتك حبوه ذنبه ايه فى موتهم !!! )
لكن تحمكت فى اعصابها وقالت بمكر
عشان كدا كنت عايزنى اضربه بالقلم واقوله بحب واحد تانى
اللى هو انت يعنى
اركان ...ايوة ،، لكن تفكيرك عجبنى بصراحة
اميرة ....تفكير ايه ،،مانت اللى بتؤمر وانا عليا التنفيذ اهو
اركان بسخرية .....كل واحد وليه دور ولازم يخلصه
اميرة .... بس انا مش عايزة ابدأ شغل دلوقتى لسه ما خدتش اللى انا عايزاه ،،
اركان بتفكير ...وهتخديه امتى ؟؟!!
اميرة .... بحاول ،، وفى اقرب فرصة ،ماتنساش انى لسه عروسة وجاية من اسبوع من شهر العسل ،، ماينفعش افتح مواضيع زى دى دلوقتى

اركان .... يبقى هنبدأ من الخطوة التانية مش الاولى
اميرة بتوجس ....اللى هى ايه ؟؟
اركان..... على ما وقتها يجى هتعرفى كل حاجة
اميرة وهى تنهض ،،قالت
اتفقنا
..................................
غادرت المكان ،،وذهبت الى كافية وجلست به ،، لتأتى نورا
بابتسامتها ،،
نورا ...اتأخرت عليكى
اميرة وجهها شاحب ... لا مافيش تأخير ،،
نورا وهى تنظر حولها بترقب.... هنقعد شوية وهنمشى عشان تامر مستنى فى البيت
اميرة ....طيب نشرب حاجة ونقعد شوية ونمشى
نورا ..... انتى بتكلمى ام ادهم ؟
اميرة ..... متابعة معاها خطوة بخطوة ، وكل يومين تقريبا بنتكلم ،، وهى بتحاول تعرف مين ورا نيكولاس ،،بس اظاهر كدا انه حد مجرم اووووى
نورا .....تعرفى انا فكرت فى الموضوع ده كتير ،، ممكن اللى عايز يأذى ادهم ده يبقى حد من الماضى وكان بيحاول يأذى ابوه ،، وكبعا عشان ادهم كملت مسيرة ابوه فعايزين يدمرو ادهم كمان
اميرة بألم وحيرة وتشتت ..... مش عارفة ، نفسى اعرف
نفسى المجرم ده يقف قدامى وانا هخنقه بأيدى ،، ادهم ذنبه ااايه من كل اللى بيحصله ده ،، ذنبه انه نضيف فى وسط غابة !!! وابوه كان زيه
نورا .... ماهو انا حاسة ان الموضوع ليه علاقة بأبوه مش عارفة ليه
اميرة بتفكير...... تصدقى ممكن

وبعد نصف ساعة ،، ذهبوا الى منزل نورا ،،وقالت لها اميرة وهم واقفين امام الشقة
كويس ان داداة سعاد ماتعرفش جوزك بيشتغل ايه ،،والا كانت شكت فيا ،،
نورا وهى تفتح الباب .....هى جت من عند ربنا ،
دخلت نورا واميرة ،،
وخرج تامر من غرفته للصالة وهو متلهف على سماع الاخبار
وروت له اميرة كل ما حدث ،،
تامر بحيرة .....الناس دى مش اغبية عشان يسيبوكى كدا بالساهل ،، دول اذكية جدا ،، بينفذوا اللى هما عايزينه سوا كنتى بتضحكى عليهم او لاء ،،
نورا ..... طب وايه العمل دلوقتى ؟
تامر بحيرة..... القرار قرارك يا مدام اميرة ،، لو عايزة تكملى او تنسحبى ،،
اميرة بتنهيدة حارة .....انسحب ازاى ؟ وهنا هيسيبونى اصلا انسحب ،، وهقول لادهم ايه ؟ دول جننونى ،مابقتش عارفة افكر ولا عارفة اعمل ايه ،، عمالة احسبها بس فى النهاية مش لاقية طريق اقل ضرر لادهم غير انى اطاوعهم واعرف مين هو البوص اللى اركان بيتكلم عليه ده
نورا بهتاف .....وهتشتغلى ازاى من غير ما ادهم يعرف ،،هتروحى وهترجعى ازاى ،، لا يا اميرة انتى كدا بتدمرى حياتك ،،
اميرة بدموع .....لو قدامى اختيار بين بيتى وحياة ادهم هختار حياته ،، هما دلوقتى مش هيتأكدوا انى معاهم غير لما انفذ اوامرهم،، لازم اعرف مين ورا كل ده ،،
تامر .....وبمجرد ما تعرفى هبعدك فورا وانا اللى هقف قصادهم
نورا بخوف .....
الناس دى شكلهم مجرمين يا تامر
تامر باصرار ... مابقاش تامر عبد المقصود لو مادخلتهمش كلهم السجن ولاد ال......دول
اومال اسييبهم يدمرو فى الشباب سلاح ومخدرات وبلا ازرق على دماغهم واقف اتفرج ،،اومال دخلت الشرطة ليه من الاول

اميرة .....ربنا معاك يااارب
...........................................
فى احد الامسيات التالية
جلس ادهم على مائدة العشاء بعد عودته من العمل ،، وكانت اميرة تتعامل مع سعاد بجفاف ،، ولاحظ ادهم هذا الشئ بانزعاج ،،وقال
اميرة ،،فى حاجة بقالى فترة ملاحظها مش عجبانى
تعاملك مع دادة سعاد مش زى الاول ،،دانتى حتى مابقتيش تقوليلها ياماما زى زمان ،، مش مرتاح
اميرة بقلق .....لا عادى يا ادهم فى ايه ،،بتهيألك بس
ادهم ...لا مش بتهيألى ،، دى حقيقة وبشوفها بعينى ،،ممكن اعرف ايه السبب ؟؟؟
نهضت بعصبية اصبحت تشعر بها فى هذه الفترة بشكل ملحوظ ،،وقالت بحدة
مافيش سبب ،، انت عايز تخلق مشكلة وخلاص
وتحركت الى غرفتها وعلى وجهها الضيق ،،وصفقت الباب خلفها بحدة ....
وركضت على الحمام للتقيأ بأعياء ،، سقطت دموعها وهى تمضمض فمها ،، واعتقدت ان سبب هذا التعب من حزنها هذه الايام وكثرة تفكيرها ،،
انهى طعامة بضيق وهو يتنهد ،،، وقام وذهب للغرفة
مانت خرجت من المرحاض وهى ممسكة بالمنشفة
وقال بأستياء ......ينفع اللى عملتيه ده ؟
انا قاعد بتكلم معاكى تقومى تمشى وتسيبينى كدا ،،لازمتها ايه العصبية دى كلها ،انا كنت بتكلم معاكى براحة
اميرة بنفاذ صبر .....
لو سمحت يا ادهم انا تعبانة ومش عايزة اتكلم لا فى الموضوع ده ولا فى غيره
اقترب منها وقال بقلق
تعبانة عندك ايه يا حبيبتى ،، اكلم الدكتور ؟
اومئت برأسها بالرفض ،،وقالت
لا مافيش داعى ،، يمكن مدايقة شوية من ساعة ما شوفت النتيجة بتاعتى بتاعت الكلية
ادهم بتعجب ...... انتى جايبة كله امتياز الا مادة واحدة جيد جدا ،، ده مزعلك للدرجادى !!!!!!!!!
اميرة ......ايوة طبعا لانى ذاكرت كويس فيها
ادهم بمزاح وهو يمسك يدها ويبتسم
مش عايزك تزعلى من اى شئ ،انتى نجحتى بتقدير عالى عايزة ايه اكتر من كدا ،، ماتشغليش تفكيرك على حاجة تافهة

اميرة .....ماشى
وذهبت للسرير وفردت الاغطية واغمضت عينيها وغطت فى النوم ،، او تظاهرت بهذا
كان ينظر لها بحيرة وهو يتسأل عن سبب التغيير ،،
وجلس على مقعد قبالتها وظل ينظر لها بتمعن وهى نائمة
...................................
مع اقتراب زفاف جودى ومعتز ونيرمين وعصام ،، ارسل اركان رسالة لاميرة بضرورة قدومها اليه ،، واخبرت اميرة تامر على المقابلة الجديدة المنتظرة حتى تنتهى من هذه الضائقة
ووصلت اميرة لمطعم اركان وقابلته فى مكتبه ،،
اركان ......
شرفتينى تانى ،، المهم يا ستى عايز اقولك انك هتسافرى بعد بكرا لندن
فغرت فاها من الصدمة وقالت
هسافر !!!!! ليه !؟؟
اركان وهو يخرج بعض الاوراق من درج مكتبه ،، ونظر لهم قليلا وقال
ده توكيل رسمى بكل املاك نيكولاس اللى ادهم هيستلمها
وعملك توكيل عشان تسلميهم لادهم فى الحفلة بتاعة بعد بكرا
اميرة بعدم تصديق .....
انت بتتكلم جد ،، هو مش نيكولاس مسجون عمل توكيل ازاى
اركان بسخرية ...وفيها ايه يعنى ،،،الشركات اللى خدها ادهم كان لسه اوراقها ما خلصتش عشان الحفلة تتعمل وهيستلم ادهم كل شئ ،، واخترناكى انتى عشان تبقى الموكل بأسم نيكولاس ،،

اميرة بحدة ....واشمعنى انا ؟؟؟
اركان بغضب. .....مافيش حاجة اسمها اشمعنى ،هى دى الخطوة التانية هتنفذيها ،،،
وضرب على مكتبه بعنف وقال
ولا لاء
اميرة وكاد ان يسقط قلبها ،،قالت مرغمة
موافقة
............................................
صعب انى اخلصها قبل رمضان الا لو هكروت الاحداث
يرضيكوا 😂😂😂😂😂😂😂 بس هى مش فاضل منها كتير ، وسؤال يعنى هو اللى بيسألنى فاضل كام فصل عايزها تخلص يعنى بسرعة 😞😞😞😂😂😂😂
انا بحب الاحداث دى اوووى والاكشن 😊💟😂😂😂😂😂
#roba#