ظل اربعيني

الفصل الثاني

جهزت داد صفيه الفطار لروح في البلكون كالعاده
وانتظرتها.
روح بنظرات استمتاع كعادتها :
- الله الله علي ريحه البيض بالبسطرمه بتاعك يا داد يا سلام عليه .
داد مبتسمه :
- بالف هنا يا حبيبتي طيب افطري وانا هخلص شويه حاجات هنا ،وبعدين هنزل السوق هجيب طلبات للبيت ؛وكمان هروح اشوف البت بنتي اصل كلمتها وكان ابنها تعبان ومش هتاخر .
روح ممسكه بيها لتضمها اليها :
- ماشي يا ست الكل وانا كمان هخلص فطاري، وقهوتي وهنزل اجري شويه اهو اتحرك واشم ريحه هوا البحر وارجع .
دادا ممسكه بها ومقبله لرأسها :
-طيب يا حبيبتي وما تتاخريش وخلي بالك من نفسك.
روح ممسكه يدها :
_ حاضر يا حبيبتي
تناولت روح فطورها بهدؤ كعادتها،و مع صوت فيروز تناولت قهوتها ،وجلست تتمتع بالفضاء امامها.
فمنزلها يطل علي شاطئ البحر المتوسط الخيالي المنظر بموجه ونسمات هواءه العليل 

روح بتنهد يكاد يصل عنان السماء:
- يااااه... ياروح لو تقدري تطيري فوق في السما وتغمضي عيونك يااااه .
ابتسمت روح محدثه نفسها ورفعت يدها تخبط جبهتها وكانها تعاتبها علي بلاهتهاا:
- يلا بينا كفايه كده نحرك نفسنا وننزل لو فضلت هنا هتجنن واكلم نفسي اكتر .

ارتدت روح ملابسها الرياضيه وحجابها و سمعاتها التي لا تتركها ابدا وكانها تفصلها عما حولها من صخب العالم الخارجي ،وتوكلت علي الله ليكون معها .
فبدأت بالجري حول منزلها ، بطول الشاطئ الذي كان هادئ لحد ما ؛الا من قليل من المصطفين والبائعين
&&&&&

(القاهره... مدينه نصر)
شخصا ما متحدثا بنبره رجاء :
برده مصمم تمشي خليك معانا ؟ حاول تنسي لكن خليك معانا هنا.
متهربش بعيد وبعدين متقليش شغل !
الي يخليك تقفل شقتك هنا وتروح بلد تانيه، وكمان تشتري هناك شقه يعني مش هترجع تاني صح يا محمد؟
تحدث معه لعله   يعود عن قراره  ، لعله يبقي بين اصدقاءه واحبته .
"محمد"
رجلنا الاربعيني مهندس في شركه بتروكيماويات. هادي رومانسي الطبع ، ولا تخلوا شخصيته من اللمسه الشرقيه وروح سي السيد .

تزوج رانيا رفيقته منذ الطفولة، ولكن الاقدار تلاعبت بيهم ورحلت هي وجنينها .
تعسرت ولادتها حاول الاطباء انقاذ احدهما لكن رحلا الاثنان معا وتركا ورائهما رجلا انتظر قدوم ولده بفارغ الصبر ، فرحلا ومعهما قلبه وروحه ، زوجته وصديقته وحبيبته بل كيانه كاملا.

صديقه ممسكا كتفه ليجعله يعود من شروده :
- محمد يا محمد  ؟؟
ايه يا ابني روحت فين فهمني .
محمد منتبه لصديقه عائدا من شروده :
- مافيش بس بجد محتاج ابعد انا حاولت بس كل حاجه هنا بتفكرني وبتعذبني بجد .
صديقه بفقدان امل وادراك لحالة محمد :
-انسي يا محمد حاول هي ماتت من 3سنين وصدقني مع الوقت هتنسي .
محمد بنظرات وتنهدات مؤلمه:
-علشان كده محتاج ابعد ابعد .
عن كل شي ريحتها فيه بجد سيبني ،ومتحاولش تخليني ارجع عن قراري.
وبعدين المكان مش بعيد يا سيدي هات الولاد وتعالي، اهو تغير بدل الاسكندريه ولا الساحل ،
وحتي راس البر دي كانت مصيف كبار البلد !

ضحك الاثنان  وبداخلهم غصه تخفيها ابتسامة مصطنعة ،لعلها تخفي صعوبه الفراق علي الاصدقاء
تصافح الاثنين مودعين بعضهم علي لقاء.
يتبع...