ظل اربعيني

الفصل الخامس عشر

وصلت روح الي الكافيه التي اعتادت علي لقاء صديقاتها فيه
"يا هلا ياهلا بالست روح الي بنشوفها زي هلال السنه "دعاء صديقه روح ست بيت من الدرجه الاولي تزوجت بعد التخرج وانجبت طفلين
"سبيها دي بكاشه كل مره تغيب وماحدش يعرف يوصلها "عهود محاميه واجدع اصدقاءها فهي من تقف بحوار روح في امور كثيره
"بس يا بنتي انتي وهي سبوها وحشتيني يا روح "ايمان احن الاصدقاء رفيقت روح جميله الشكل والقلب
...روح... ايه يا بنتي انتي وهي مالكم كده سخنين عليه ليه اهدوا كده بس تصدقوا وحشتوني يا ولاد اللذينه
جلسوا يتذكروا ويمرحوا ويضحكوا فتره ليست بالقليله وعند انتهاء جلستهم هموا بالرحيل
ايمان..  يلا روح هترجعي معايه انا معايه عربيتي تحت انا اصلا هبات عند ماما في راس البر انما الاستاذتين دول هيفضلوا هنا هههه
روح.. لالا يا ايمان في حد دلوقتي هيوصل وهرجع معاه
ايمان.. اوباااا لا الموضوع كبير حب ولا ايه يا رورو
روح... لا ابدا بس ده الساكن الجديد اشتري شقه في العماره عندي وهو شغال في المينا وعرض انه يوصلني ومش عاوزه احرجه
ايمان... تمام يا موزتي امشي انا علشان لسه هروح اخد الولاد من البيت يلا يا بنات
ودعتهم روح.. وضميرها يحدثها لماذا لم تخبريهم بالحقيقه لماذا لم تسردي لهم من هو لا تعلم لما ابقته بداخلها فقط اخرح روح من حديثها لنفسها اتصال من محمد يخبرها انه ينتظرها خارجا...
........
في سياره محمد
روح... اسفه اتاخرت عليك
محمد... لالا ابدا بالعكس بس واضح ان الكافيه جميل وموقعه سهل
روح... اها هو من افضل الكافيهات هنا
محمد.. صمت قليل ثم تحدث روح انا عاوز اتجوزك
روح بخضه وتعلثم وارتباك.... بتقول ايه انت بتهزر ولا شفقه علشان موضوع حاتم
اوقف محمد السياره.... انا مش بقلك كده شفقه ولا علشان اصحح الكلام الي قلته انا بحبك يا روح بحبك
روح... محمد انت متاكد من كلامك ده
محمد.. متاكد يا روح اسند راسه لمقعده بتنهد عارفه ياروح انا اول ما قابلتك شفت فيكي حاجات كتير بتشبه مراتي تصرفاتك الحاجات الي بتحبيها حاجات كتير اووي هربت منك لان حسيت انك تجسيد لشي بحاول اهرب منه لكن ماقدرتش لقيتني مش بشوف غيرك صورتك صوتك
روح.تتابعه وعيناها تملؤها الدموع.... يعني كنت بتهرب مني وانك تشوفني وسافرت علشان عاوز تثبت لنفسك اذا كنت بتحبني ولا انا بس بفكرك بيها
لاحظ محمد دموعها الي هربت من اعينها التي حاولت ان تحبسها لكنها فشلت
محمد رافعه يده ليلتقط دموعها  ....روح انا بحبك وده المهم وعاوزك مراتي ما اقدر اتخيل اني اعيش من غيرك فهماني ياروح
روح .....وانا بحبك يا محمد بجد بحبك
محمد.. خلاص اول ما نوصل هكلم دادا ونجهز كل شي
روح مبتسمه وسط دموعها... تمام انا موافقه
امسك محمد بكف روح وقربها له مقبلا اياها
"ربنا يخليكي ليه يا حبيبتي "
توجه محمد  الي بيت روح وصعدا الاثنان  والتقي بدادا صفيه وطلب منها يد روح واتفقا ان يتم كتب الكتاب والدخله بعد تلات اسابيع  حتي تقدر روح علي تجهيز ما تحتاجه وانهم لن يقيما حفلا صاخبه اكتفيا بان يكون في المنزل برفقت اصدقاءهم علي ان تقيم روح في شقه محمد وليس شقتها
غادر محمد وعيناه متعلقان بروح رافقته روح تحت انظار دادا التي لم تلبث ان تغادرها الابتسامه فحبيبتها تبتسم مره اخري لها الحياه
محمد... هتوحشيني مش عاوز امشي مش عارف هستحمل كل ده ازاي علشان تبقي معايه
روح... بخجل وانت كمان خلي بالك من نفسك
محمد... حاضر هكلمك قبل ما انام مابقيتش اقدر انام من غير صوتك
غادر محمد لكن عاد بخطواته ونظر لها بحبك ياروح
اغلقت روح الباب واضعه يدها علي قلبها
"انا بحلم ولا بجد ده بحبك والله بحبك "
يتبع