عَشِقتُ مُعذبي

٦

گعدت نادين قبل البنات وشافت الساعة بعدهة ب٨ ونص بس مگدرت ترجع اتنام گامت وكملت شغل البيت وبدت اتحضر الريوگ وبعدهة راحت عالبنات وبدت اتصيح : بنااااات گوموا
بناات يلا كافي نوم كسولات گومن الساعة ب١١ ، وطبعاً هي الساعة توهة ب٩ وربع.
سارة: اففف نادين خلينة انام اشبيج امغبشة.
حلا: نادين شنو هالنشاط الغريب شنو هالتحمس من الصباحيات خيرج.
ايمان: لا حس ولا نفس بعدهة تشخر ابرغم هوسة نادين واللي دااتسوي حتى تزعج البنات واتگعدهم وياهة.
حلا: شوفي هاي ولا يمهة انيالهة ولا اتحس نايمة ولا كأن اكو شي ولج ايمااااان ايمااااان گوومي ،..!! ايمااان هاي مو مال هيج لازم انصحيهة ابطريقتي، طبعاً حلا طريقتة الضرب گامت وضربتهة راشديين وگامت لبنية جفلانة!!: خير خير شكوو شكوو منو مات نادين بيهة شي اخوج اخذ التليفون ؟!
حلا وسارة: هههههههههههههههههه ماكو شي ماكو شي گومي گعدي حبيبتي ههههههه.
سارة: ههههههههههههه خرررب ابيومج حلا اشسويتي بيهة خطية
ولج النوب ادگلج اخوج اخذ التليفون هههههههههههه خطية متأثرة من وراج كل مرة من اتريدين تنلگفين واتذبيهة ابراسهة اتعودت سودة علية الله ايساعدهة عليج هههههههههه اخ بطني عابتلكم يلة گوموا خل ننزل خطية نادين اتصيح مثل الهبلة لوحدهة.
ايمان: عابتلكم اي والله هو اكو واحد ايگعد هيج والله عبالي صار شي وعبالي هاي الغبية هم طب عليهة اخوهة گلت هالمرة اگولة اي نعم اختك عدهة علاقة وهاك تليفونهة وهذا الباسوورد وتتحرقوا انتوا لثنين تولعوا افبعضيكوا.
حلا:ههههههههههههههههههههه يا كلبة اتسويهة بية ينطيج قلبج.
ايمان: بعد هالراشديات اسويهة بيج حبيبتي گبل اعترف عليجن كلجن.
نادين: وين صرتوا بنات ترة حاكل واعوفكم اني.
البنات ابصوت واحد: شنوو احنة جايين جايين اهم شي الاكل گوموا خل انغسل وانروح ناكل بنات هجووم.
نادين: وين صرتوا والله متت من الجوع متت يلا اتفضلوا اشلون سويتلكم سفرة اجننن اشلوني عاشت ايدي مو؟
البنات: ايي والله عاشت ايدج عوبة.
نادين : بس لحظة اوگفن خل اطگلهة صورة وانزلهة حتى انضوجهن عالسناب.
سارة : اي اي واني هم انزلهة يمي عالأنستا.
حلا: اني هم.
ايمان: بقت علية اليوم ابكل مكان انزلهة وتاگات لصبح بنات.
البنات : هههههههههههههههههههههه، حلا: احنة اشگد خبيثات
سارة : ايي والله.
نادين: اكلن يلا اكلن فديتنة الله لا يحرمنة من بعضنة ولا من هاللمة الحلووة.
البنات : امييين.