عَشِقتُ مُعذبي

٧

دگ التليفون وگامت نادين طلع ابوهة يتصل عليهة ،
نادين : ألو ها بابا حبيبي اشلونك ؟
ابو نادين : هلوو بابا حبيبتي اشلونج ؟ البنات بايتين يمج مو اني گتلهة لخالتج ولعمج ايدزوهم لأن نادين حتظل وحدهة احنة اضطرينة انبات برة لأن عطلت بينة السيارة بعيد عن المنطقة.
نادين : الحمدلله بابا اي بايتين اهنا يمي وبعدهم موجودين گاعدين دنتريگ ، انتوا اشوكت ترجعون ؟ وماما وريتاج اشلونهن.
ابو نادين : اي الحمدلله احنة هسة راح نطلع وامج وريتاج يمي ايسلمن عليج.
نادين : اوكي بابا سلملي عليهن.
ابو نادين : يوصل بابا وخل يبقون البنات نتغدة سوة واني حجيب وياية لتسوون شي.
نادين : اي بابا حباب جيب وياك شاورما ،شاورما فديتك.
ابو نادين : تدللين بابا وبعد شنو اتريدين ،شوفي البنات.
نادين : بنات شنو يعجبكم انجيب للغدة حتى اگول لبابا.
البنات : اي شي نادين احنة ناكل الاخضر واليابس اشتدرين بينة.
نادين: ادري بقر مو اوادم انتوا هههههههههه.
نادين : بابا جيب وياك الاخضر واليابس هههههههههههه لا جذب جذب ايگولون اي شي انت بعد خير وانمدت ايدة ابو نادين عيني.
ابو نادين : ههههههههههههههههه تدللون بابا يلة اني صعدت بالسيارة حروح وانتوا ديروا بالكم على نفسكم مع السلامة.
نادين : اوكي بابا توصلون بالسلامة الله وياك.

حلا : يلا بنات كملتوا حتى اشيل لماعين واغسلهن ونگعد ماعدنة شي.
البنات : اي كملنة يلة خل انلمهن وياج.
گاموا البنات وكل وحدة سوت شي وخلصوا كلشي وگعدوا اينزلون الصور وبدت التعليقات تجيهم فگامت حلا وگالتلهم : بنات اني حروح لبيتنة ابسرعة واجي اجيب كم شغلة وارجع منو تجي وياية ؟
سارة گالتلهة اني اجي وياج بس منتأخر مو ؟
حلا : لا منتأخر
سارة : اوكي لعد يلة امشي.
حلا: نادين احنة رايحين اني وسارة لبيتنة منتأخر ترة.
نادين : اوكي الله وياكم.
راحت حلا وسارة لبيتهم.
وبقت نادين وايمان وحدهن ، ايمان جانت تتفرج عالتلفزيون امتابعة مسلسل تركي وصافنة عليه ولا تدري ابشي.
ونادين جانت بالحمام تسبح ، كملت نادين وطلعت من الحمام وطبت لغرفتهة وهي لافة المنشفة عليهة وطبت للغرفة وبدت اتخلي مرطب ولوشن لجسمهة وعطر قبل متلبس ملابسهة وبعدهة لبست وكملت وراحت دتاخذ المشط ودتمشط شعرهة باوعت من شباك غرفتهة شافت سيارة واگفة قريب على باب بيتهم فطلعت من البلكونة دااتشوفهة وگالت هاي السيارة شايفتهة وركزت زين وعرفتهة هاي مو نفسهة السيارة مال هذا الولد الراد مي لو اني غلطانة ؟
يمكن اني غلطانة قابل بس هو عندة هاي السيارة وشنو شيجيبة اهنا اشعندة يعني شيسوي ؟اشبيج نادين تتخيلين ! لو ظل الولد ابالج يمكن اففف گبررر گبرر انجبي كافي وامشي طبي ولتفكرين هيج
طبت نادين وكملت شعرهة ونزلت جوة يم ايمان ورة نص ساعة اجوي البنات.
نادين : هاي شنو عيني كل هذا متتأخرن لعد لو تتأخرن اشلون؟
سارة : غير هاي العوبة لزگت.
حلا : اصلاً ولا اتأخرنة.
نادين : اي خطية ابد متأخرتوا.
حلا : اشرت على ايمان وگالت هذا الكائن ميت ! عايش! شنو قصتة ابغير عالم ولا يمهة شي اطلاقاً .
سارة ونادين : هههههههههههههههه عابتلج اي والله فگالتلهة نادين: لج هي بعد هاهي من اتشوف بقلاوة التركي بعد متفكر ولا اتشوف ولا اتحس بالعالم من حولهة.
سارة : والله حقهة ايجننن اشوكت ايصير عدنة منة ياربي ممتوفر ابلدنة هالكائن امنين انجيب مثلة.
نادين : انجبي ماكو احلى من العراقي ابو الغيرة.
حلا : اييي والله فديتة.
سارة : اي ظلن عالعراقي ابو الغيرة مالتجن ظلن اتموتن عالسحل والكتل والغلط مو ؟
نادين : ايي اموت اموت عليه اشحلاتة الكتلة منة والنوب من يسحلني اووف اتخبل عليهة.
حلا : هههههههههه يوومة لتصير صدگ نادين.
نادين : هههههههه هو وينة واصلاً هذا لا ايحس ولا يمة شي وكاتلني وداقني بالنظرات بس ولا يحجي شي موتني.
حلا : اي على طاري النظرات اگلج شفت سيارة يم البيت وتقريباً مثل هاي السيارة مال ولد ومن شافنة طلع رجع بگ وماگدرت المحة زين.
نادين : صدگ اني هم شفتة من فوگ گلت اخاف متوهمة قابل بس هو عندة هيج سيارة وليش حتى يجي اشعندة.
حلا: اي هم صحيح هو اشعندة اهنا قابل، يلا انسي گومن خل اشوفجن هاي الفساتين دزتهن خالتي من دبي شنو رأيكم بيهن؟
نادين: شو يلة شوفينة.
حلا : ذني شوفوا حلوات لو لا ؟
نادين وسارة وايمان : ولج ايخبلن كلش حلوات.
نادين : هذا الاسود ايجننن ولج فد يوم ابوگة منج من ايصير عدنة مناسبة اوكي.
حلا : تدللين گدامج كلهن. وانتوا هم بنات.
نادين والبنات : تسلمين الف عافية عليج.
ورة ساعتين وصلوا اهل نادين وطبوا سلموا البنات عليهم وارتاحوا وبعدين حضروا البنات الغدة وگعدوا اتغدوا وطب ابو نادين ورة الغدة نام وام نادين اترخصت من البنات وطبت ترتاح هي هم واتنام
بعدهة البنات سلموا على نادين وراحت كل وحدة لبيتهم وبقت نادين وريتاج لوحدهم راحت ريتاج تسبح واتنام لأن تعبانة من الطريق
وگعدت نادين ابغرفتهة اتحضر شنو عدهة واجاهة اتصال من رقم غريب......