عَشِقتُ مُعذبي

١٣

دگت نادين عالبنات وگلتلهم تعالوا يمي اليوم اني اجيت تعبانة ورحت لبيتنة گبل وقبل متريدون تجون دگوا علية حتى اعرف انتوا جايين وماافتح الباب لأحد غريب تدرون اني وحدي. ومن سدتة
اجة يمان وحضنهة حيل انتِ مو لوحدج اني يمج......
نادين : انت اشدسوي انت مريض نفسي انت مو صاحي ابعد عني واطلع برة اترجاك رووح.
يمان : اي نادين اني مريض بيج امخبل ومجنون هم واسوي اليعجبني ومااروح اشوكت ميعجبني اني اروح افتهمتي لو لا ؟
نادين : باوعت عليه ابحقد وسكتت ، خافت منة ليسوي بيهة شي وهي وحدهة ودارت وجهة وگعدت وهو بقة گاعد ايباوعلهة وبعدين
يمان : مراح اتغيرين ملابسج لو حتبقين هيج لحد ميجون وانتِ راجعة قبلهم اشراح ادگلليهم ليش بقيتي ابملابسج مال دوام من الصبح لحد هسة.
نادين : اي عادي ابقة بيهن شنو يعني.
يمان : ليش انتِ وصخة نادين مجنت اعرف بيج هيج حغير نظرتي عنج .
نادين : شنووو اني مو وصخة افتهمت اياك تحجي عني هيج ونظرتك هاي خليهة الك زين.
يمان : ارووح فدوووة لعصبيتج.
نادين : والله انت بيك شي روح اتعالج.
يمان : اي بية انتِ ودواية عندج عالجيني.
وبدة يتقرب منهة وهي خافت : اشدسوي انت اشراااح اتسوي لا عفية حباب.
يمان : لتخافين مااسويلج شي گومي غيري ملابسج لأن اذا مگمتي هسة اني راح اغيرهن الج بيدي اتحبين اغيرهن اني لو حدگومين انتِ.
نادين : شنوو لا لا حگوم بس انت خليك اهنا ولتجي ولا اتسوي شي غبي افتهمت.
يمان : راح اتغاضى عن كلمة غبي واعتبر نفسي ماسمعتهة وروحي يلة ولتتأخرين او اتسوين حركة غبية من وراية افتهمتي.
نادين : هاا مو قصدي يلة حگوم حگوم.......
صعدت نادين لغرفتهة وصاح عليهة : نادين الباب يبقة مفتوح افتهمتي مينقفل ومراح اصعد لتخافين .
نادين : لا والله مو ابكيفك انت اعوفة مفتوح.
يمان : سمعتي نادين.
نادين : اي سمعتك سمعتك.
بدت نادين تنزع ملابسهة وهي خايفة ليطب عليهة ولبست بجامتين سوة من الخوف بعدين گالت لنفسهة يعني علساس البجامة راح تحميج من هذا لمخبل لو راد ايسوي شي وبعدين لبست فوگاهن روب ونزلت.
يمان : هاي شنو ماشاءالله والنوب متعرف تلبس هاي اشلابسة انتِ شنو هذا ؟
نادين : لبس يعني شنو متشوف شنو هذا واعرف البس كلش زين واني حرة ابلبسي اوكي.
يمان : اهااا حرة ابلبسج موو .. وراد يجي عليهة صاحت عليه ابسرعة : لاااا لااا اني مو حرة ولا شي هو هذا اللبس هسة انت اشبيك كافي.
ضحك يمان ودار وجهة عنهة ، وگالت ابقلبهة: ياربي شنو هالضحكة هذا اشگد حلوو من يضحك حرامات هيج خبيث وحقير وعندة ضحكة حلوة وهو حلوو صدگ الحلو ميكمل.
رجع باوعلهة ابنظرات اتمووت كلهة اغراء وعيونة اتخلي الوحدة تنجن قرب عليهة وگللهة : نادين باعيلي بعيونج خلي عينج ابعيني نادين اريد اشوفج وانتِ اتباوعيلي.
نادين خافت وسدت عينهة ومقبلت اتباوعلة ضرب الميز حيل وعاط بيهة دااگلج باوعيلي الله ايخليج باوعيلي ، وفتحت عينهة وباوعتلة ابكل خوف وهو ايباوعلهة ابنظرة حب مليانة غيرة وانانية وخوف وقوة ، أني احبج مااعوفج اتروحين لغيري خلي هالكلام ترچية ابأذنج اوكي،سكتت نادين وظلت امدنگة وخايفة.
دك تليفون نادين اخذة هو ديشوف منو طلعت سارة دتتصل عليهة
اخذتة نادين وجاوبتهة: هلوو حبيبتي وينكم جايين.
سارة : هلوو عمري اي جايين بس دنشتري كم شغلة من الاسواق ونجي عليج.
نادين : اوكي هلا بيكم.
سارة : باي حب.
نادين : باي عمري.
يمان صافن عليهة هي وتحجي وانتظرهة اتكمل باسهة من خدهة وگللهة اني هسة اطمنت عليج وحروح راح تخلصين مني بس هسة اوكي. هي بقت اتباوع عليه ومحجت.
طلع يمان من الباب وصعد ابسيارتة وراح وطبت نادين للبيت وهي ميتة خووف ومتعرف اشلون صار كل هذا ابسرعة واشلون انتهة كلشي وهي مابيهة شي ظلت اتفكر بي وادگول لنفسهة اشلون عرفني واشلون هو يعرف كلشي عن حياتي اشلوون هذا منو واشجابة عليه وليش هسة.
ابهالأثناء اندگ الباب ونادين گامت وجفلت خافت ليطلع هو رجع عليهة ، اشراح اسوي ياربي بس لارجع علية. خافت تفتح الباب وبقت واگفة ابمكانهة.
حلا: نادين اني حلا وسارة وياية افتحي الباب.
نادين: ياربي الف الحمدلله والشكر هذولة البنات مو هو.
راحت نادين وفتحتلهم الباب وگلولهة اشبيج نادين ذليتينة ساعة واحنة واگفين اندگ بالباب وين چنتي ولج.
نادين : جنت بالحمام الفوگ مسمعت الباب ، لعد ايمان وين شنو متجي.
سارة : لا تجي بس بعدهة ممحضرة ملابسهة اتحضر ملابسهة وغراضهة وتجي حتى نطلع كلنة منا سوة لدوام.
نادين : هاا اي اوكي لعد، يلة خل انطب جوة وانحضر اكل واحجيلكم اشصار وياية اليوم.
حلا : اي صحيح لج احجيلنة اشبيج اليوم ليش راجعة من وكت ولدگولين تعبانة ومن هالسوالف اريد اعرف كلشي بالتفصيل الممل.