عَشِقتُ مُعذبي

١٧

طلعت نادين وهي تبجي وصعدت للسيارة بدون متحجي ولا كلمة الكل سألهة اشبيج وهي ماقبلت تحجي واكتفت بالسكوت وادموعهة موگفت لحد موصلوا حاولت حلا اتسكتهة وهم مفاد لمن وصلوا گالت ليث نزلني ابيتنة كلش تعبانة ومااگدر ابقة يمكم اليوم خلي حلا يمي ميخالف؟
ليث : اوكي على راحتج ،
ليث حس بيهة تعبانة ومراد يحجي شي نزلهة هي وحلا واخذ سارة وايمان وراحوا حتى ايوصلهم للبيت.
طبت نادين للبيت وحلا وراهة اول مطبت گعدت تبجي بالگاع وحلا حضنتهة.
حلا : ليش تبجين عمري خل ايولي هو وذيج الحثالة والله ميسوون دمعة منج لتسوين هيج على شنو تبجين على واحد ابأول عثرة ضعف وماگدر ايحافظ على علاقتكم هذا ميستاهلج من اولهة الله بين حقيقتة الج هو وذيج الرخيصة الله ياخذلج حقج منهم.
نادين : شفتيهة اشلون جتي ابكل عين صلفة وادگلي گدامهم نادين عفتلج افضالتي اخذيهة انتِ بعد متفيدني يمكن اتفيدج ألج متت حلا متت وانتِ تدرين بية محد يعرف عني شي والناس متعرف كلشي عني تجي هاي النذلة تحجي هيج گدام الكل وكلهة اتباوع علية انهانت كرامتي ابسببة لهذا الحقير الكلب والاذاني اكثر وجرحلي قلبي قبل متروح گلتلي اسألي اشلونهة ليلتة وياية وضحكت ابأستهزاء ومشت ااااااااووووف اووووووف لج اووووووف خاني وياهة حلا خاني وياهة بعدنة ابأول الطريق لج هي صديقتي عوفيني منة اشلون اتسوي هيج لج والله متت ليش هيج اني شنو سويتلهم والله الا اندمهم اثنينهم والله.
حلا : كافي يا روحي كافي لتنقهرين والله ميستاهلون هيج تنقهرين ابسببهم الله ياخذهم اثنينهم ولا اشوفج هيج ، امشي گومي خل انطب جوة يلة گومي يا عمري امشي نسبح ونرتاح واسويلج شي تشربي وهم ناكل لأن حيل جوعانة وديري بالج ادگولين مااريد افتهمتي لأن المعدة ماالهة علاقة ابد بالموضوع اهم شي الاكل حبيبتي طززز بيهم.
نادين : هههههههههههه اوكي عابتلج اهم شي كرشج عوبة.
حلا : فديت الضحكة يا عمري والله محد يستاهل ادموعج هاي.
طبوا للبيت وراحت نادين اتغير ملابسهة هي وحلا قبل ميغيرون ملابسهم اندگ الباب حلا گالت هاي منو جاي ابهالوكت ؟
نادين: ماادري ؟!
حلا : اخاف افتح الباب تعالي خل انشوف من فوگ بدون منبين اوكي.
نادين : اوكي.
فتحت حلا البردة وباوعت بس مدااتشوف عدل لأن ظلمة، نادين شافتة وهو مندار عرفتة ! هذا هو ! ابكل خوف ادگللهة حلا هذا هو !!
حلا : منو نادين ؟ اشبيج منو هو منوو؟
نادين : لتخلي يجي اني خايفة، لتخلي ايطب واحنة وحدنة.
حلا : منو احجي ؟
نادين : هذا أمير بالباب هذا هو.
حلا : شنو امير واشجابة هسة ويدري بيج لوحدج هذا يمكن شافنة من نزلنة وانتظر الفرصة حتى يجي.
نادين : حبابة لتخلي يجي خل ايروح لتطلعين.
صوت التليفون !!!
نادين : حلا هذا تليفوني هذا اكيد هو حتى افتحلة لتردين عليه.
حلا : اي هذا هو ديتصل عليج،هسة شنسوي ننتظرة لحد ميمل وايروح.
وصلت رسالة لتليفون نادين !!
افتحيلي الباب لأن گاعدلج لصبح اهنا ومااتحرك الا تحجين وياية وافهمج على كلشي اني عرفت ابمريم حجتلج بس انتِ لازم تسمعين مني اذا منزلتي اكسرهة للباب واطب واسويلج فضيحة اهنا گدام الناس كلهة.
نادين: حلاا عفية ساعديني شسوي اني هذا مراح ايروح الا نفتحلة الباب.
حلا : خل ايولي والله الم العالم عليه الميستحي وماعندة ذرة اخلاق ايطب علينة واحنة لوحدنة.
نادين : لحظة اني اعرف اشراح اسوي ، راح ادگ عليه ماكو غيرة ايساعدنة.
حلا : منو هذا ؟
نادين : يمان.
حلا : هاااا ؟!!! منو يمان بلا زحمة شنو فاتني واني ماادري؟
نادين : بعدين اگلج خل ادگ عليه بالأول.
اتصلت نادين ابيمان وميرد رجعت اتصلت مرة ثانية وهم ماكو النوب هذا ميرد ياربي وكل يوم لازگلي وهسة من ردتة اختفة ، دگ التليفون ورادت اجاوب عبالهة هو شافت الاتصال من امير وگفت وعافتة ايدگ ومجاوبت ورجع دگ مرة ثانية وجاوبتة حلا : شتريد امير شتريد مراح نفتحلك الباب اذا عندك ذرة اخلاق امشي منا لا الم الناس عليك وادگ على اخوية وابوية يجون عليك افتهمت لو لا يلة ولي.
سدت التليفون حلا ونادين صافنة عليهة ومصدومة بيهة.
حلا : اشبيج انتِ جبانة هسة هو ايروح عوفي ميگدر ايسوي شي.
بعد لحظات صار هدووء وفجأة صوت ضربة على الباب الجوة و
أمير گام ايصيح افتحي الباااب افتحي نااادين افتحي !! راح اكسرة
نادين : حلا هذا طب جوة للبيت راح ايفوت علينة.
دگ تليفون نادين!!!
نادين : يمان ،، ألوو يمان تعال محتاجتلك اني خايفة حيل يمان.
يمان : نادين اشبيج ليش تبچين اشبيج احجيلي...
صوت البنات ايعيطون !!!
يمان : ناادين .. نادين !!