عَشِقتُ مُعذبي

١٢

نادين جانت محاسة على شي من صعدت بالسيارة ومتدري ابنفسهة هي اشسوت بس جانت اتفكر ابأمير ومريم وحيل مقهورة منهم وهي تبچي ،سألهة اشبيج ليش تبچين ، لتبچين اترجاج ادموعج اغلى من كلشي.
نادين سكتت وخافت من كلامة مشافتة زين ومگدرت اتباوعلة.
نادين: عفية ممكن اتنزلني اهنا اني اسفة صعدت وياك وطلعتك واني ماادري ابنفسي ويمكن انت اصلاً مو تكسي مو؟
الولد : شنو اسفة وشنو هذا كلامج انتِ الله جابج الي من السماء ومستحيل انزلج اهنا بعد ما عدينة نص المسافة على بيتكم.
نادين : شنو انت امنين تعرف بيتنة وانت منو ؟!! نزلني اهنا هسة.
الولد : اول شي على كيفج وثاني شي باعي علية زين معقولة مذكرتيني اني منو؟
نادين : ياربي معقولة هذا انت نفسك اشجابك اهنا انت لاحگني؟
الولد : شنوو لا هالمرة لا اني جنت واگف داانتظر ابن عمي دنطلع انحضر شغلات الحنة والعرس ودااخذة وياية وانت طلعتي واني مگدرت اعوفج.
نادين : شنو بس هالمرة لا ؟!! يعني انت جنت امراقبني قبلهة ؟!
الولد : اي نادين .
نادين : وانت اشلون عرفت اسمي ؟
نادين خافت حيل وگامت اتصيح نزلني.. نزلني هسة اتنزلني واتعيط وتبچي ، هو وگف السيارة ع صفحة وسحبهة من ايدة وسدة حلگهة اشسشش نادين اشششش اترجاج لتعيطين اني مااسويلج شي رادت تنزل مخلاهة وقفل السيارة ومگدرت تنزل وبقت اتعيط نزلني دااگلك انت شتريد اتسويلي حباب لتسويلي شي خليني اروح اترجاك.
وبهالأثناء دگ عليه ابن عمة وهو ميرد عليه وبعدين ورة ثالث مكالمة جاوبة : هااا وائل هاا ،وائل : وينك يمان وين صرت. يمان :اعذرني اني ماگدرت اجي اطلع انت واني اجي اخذك من البيت ماشي ، وائل : اوكي حبيبي ماشي.
يمان : نادين شوفي اني مااسويلج شي حوصلج للبيت وبعدين نتفاهم انطيني تليفونج.
نادين : وليش حتى انطيك تليفوني.
يمان : طلعي تليفونج ابسرعة نادين ولزم ايدهة حييل ابسرعة يلة.
نادين : ايدي .. ايدي حباب داتوجعني هدني هاهي هذا التليفون اخذة مااريدة.
يمان : واني شسوي ابتليفونج اني دااخذ رقمج وبس اوكي.
نادين : شنو انت ابكيفك تاخذة.
يمان : اي ابكيفي نادين ، منا وجاي كلشي على كيفي اني وبس
انت الي ومستحيل اتصيرين لغيري.
نادين : انت اشدتحجي اني مااعرفك اصلاً انت منو وبعدين اني مرتبطة بأمير ومستحيل اقبل كلامك.
يمان : جر نادين عليه حيل شدگولين سمعيني عيدي مرة ثانية اشگلتي مرتبطة حضرتج ابمنو ابهذا أمير الكلب موو شوفي اني جنت ساكت على كلشي سواه بس قسماً وغلاتج من هاللحظة لا اكتلة وانهي من الوجود اذا سمعتج تحجين ابطاري أمير لو اجيبين اسمة على لسانج بعد.
نادين خافت منة ومن عيونة وكلامة وعصبيتة وظلت ساكتة طول الطريق نزلهة لبيتهم وطبت جوة واجة وياهة.
نادين : انت اشدسوي انت وين جاي اطلع حباب هسة احد ايشوفك وبعدين گرايبي اهنا هسة ايشوفوك واتصير مصيبة روح.
يمان : اني مااخاف من احد وبعدين اني اريد اطمن عليج واطب وياج لتنسين انتِ لوحدج وكلشي ايصير.
نادين : انت شنو اشلون تعرف عني كل هالأشياء.
يمان : انتِ ماخذة كل عقلي مااگدر ماافكر بيج ابكل لحظة ابكل ثانية اني احبج واعشقج نادين وميت عليج اوووف لو الزمج هسة اموتج آكلج والله.
نادين : انت اشبيك انت واعي على نفسك اشدتحجي اترجاك اتروح اترجاك تطلع.
يمان سد الباب وقفلهة واتقرب على نادين حييل وجرهة عليه اشبية نادين تسأليني اشبية معقولة جرهة حيل ومشة وگفهة اگبال مراية باعي عليج باعي على نفسج زين وگليلي اشبية اشلون اصبر اشلون اتحمل هذا كلة وهو حاضنهة حيل وهي تبجي وادگلة عوفني اترجاك كافي روح والله حيل خايفة.
يمان : لتبچين نادين لتبچين اترجاج ولتخافين مني اني احبج ماأذيج اوكي، لمن اندارت نادين عليه وهي تبچي حس انه روحة طلعت حضنهة وبعدين باسهة حيل وعضهة من شفتهة وهي دفعتة حيل وضربتة انت اشلون تجرأ اتسوي هيج اطلع برة يا حقير اطلع.
گام يمان وسد حلگهة :اششششش اششششش اسكتي نادين اسكتي مراح اسويلج شي اني رايح بس اسمعيني مااتحرك منا اذا ميجي احد ايبات يمج مستحيل اعوفج لوحدج اهنا افتهمتي.
نادين : انت مالك علاقة. 
يمان : شنو ، وهو حصرهة عالحايط ولزمهة من وجهة شنو نادين ماسمعت گلتي مالك علاقة بية ، نادين انتِ اتريديني أذيج واشوفج يمان لو لا ؟ اختاري اتريدين لو تسكتين واتسوين الحجيتة.
نادين : هاهي ادگ عليهم ويجون يمي هدني.
يمان : باسهة مرة ثانية وگللهة عفية بنتي.
نادين : وخر عني اريد اروح .
يمان : وين اتروحين ؟
نادين : ادگ عالبنات حتى يجون يمي اشبيك .
يمان : هاا اوكي مابية شي، يلة دگي عليهم حتى من يجون اني اروح.
نادين : شنوو وحتبقة اهنا لحد ميجون لا روح اني بالبيت وماكو شي يعني شنو ايصير قابل.
يمان : گتلج مااروح لحد ميجن.
نادين : زين وذا شافوك شگول اني؟
يمان : گليلهم هذا مجنوني.
نادين : شنو؟!!
يمان : لا شنو ولا هم يحزنون اروح من يجون افتهمتي.
نادين عصبت وگامت تحجي وية نفسهة فگللهة لدردمين وية نفسج اوكي.
نادين : مداادردم اني.
دگت نادين عالبنات وگلتلهم تعالوا يمي اليوم اني اجيت تعبانة ورحت لبيتنة گبل وقبل متريدون تجون دگوا علية حتى اعرف انتوا جايين وماافتح الباب لأحد غريب تدرون اني وحدي. ومن سدتة
اجة يمان وحضنهة حيل انتِ مو لوحدج اني يمج......