عَشِقتُ مُعذبي

١٥

طلعوا البنات وافتروا واشتروا غراض وطلعن اتمشن ومخلن شي ابنفسهن لحد مصارت ب٦ العصر وهمة برة اتعشوا ورجعوا للبيت هلكانين من التعب والمشي...
وصلت لنادين رسالة : اليوم طالعة اتموتين حياتي ؟ بس هذا اللبس بعد مينلبس عندي افتهمتي.
خافت نادين ودزتلة انت منو ؟
رجع دزلهة : اني مجنونج يمان.
ارتبكت نادين واخذت تليفونهة وصعدت گلتلهم: بنات اني حصعد اسبح واغير ملابسي وانزل اخذوا راحتكم اوكي.
البنات : اوكي اخذي راحتج اصلاً احنة حنفرش وانام لأن ميتين تعب ، صعدت نادين والبنات حطوا افراشهم وناموا ولا حسن ابشي بعدهة.
نادين طبت للغرفة وسدت الباب ، گعدت على چربايتهة ولزمت تليفونهة ودزتلة انت صدگ مجنون انت اشعندك امراقبني كافي حس على نفسك لتسوي مو صحيح اني اگدر اخابر الشرطة واحجيلهم عنك واگللهم متحرش وامراقبني بعد لدزلي شي افتهمت.
اتصل يمان ، وهي خافت مجاوبتة ورجع دگ وهم مجاوبتة للمرة الرابعة فتحت خط عليه : انت شتريد مني ؟ ليش ادگ علية؟
يمان : اطلعيلي هسة لا اسويلج هوسة اهنا وافضحج بالمنطقة كلهة نادين.
نادين : شنو انت وين انت اهنا روح الله ايخليك لتسويلي مشكلة.
يمان : نادين اطلعيلي اريد اشوفج بس اطلعي منا من غرفتج اريد اشوفج هسة لأن مستعد ادخل جوة ومو صعبة علية.
نادين : لا اني طالعة منا خليك ابمكانك.
وطلعت نادين من البلكونة وشافتة واگف جوة ولابس تيشيرت اسود وبنطرون كابوي وطالع ايجننن ، بس هي حاولت متباوع اهواي عليه ودارت وجهة عنة، هسة انت شفتيني هاهي اروح ؟
يمان : لا لتروحين خليني امتع عيني ابهذا الجمال الرهيب.
عذااااب انتِ عذاااب.
نادين ضحكت بس بدون ميشوفهة ودارت وجهة وگلتلة : لا كافي حطب ليطلعلي احد منا وبعدين انت ماعندك بيت امگابل بيتنة وگاعد انت شنو ماعندك اهل يسألون عنك.
يمان انقهر وعاط بيهة حيل وگللهة طبي جوة نادين روحي ولتسألين عن شي افتهمتي يلة باي اني رايح.
وسد التليفون وراح ، انصدمت نادين وگالت هذا اشبي اني شنو سويت شنو سؤالي بي غلط لو شنو. اوووي ابراحتة بعد احسن ليدگ اني اريد اخلص منة.
وگامت نادين اخذت ملابسهة وطبت تسبح وكملت وطلعت من الحمام وطبت لغرفتهة وسدت الباب وبدت اتخلي لوشن حتى اترطب جسمهة لأن هي كلش تعتني ابنفسهة واتحب هاي السوالف وهي تلبس دشداشتهة الخفيفة لتنام بيهة انفتح باب البلكونة وهي جمدت ابمكانهة وحاولت اتغطي نفسهة ورادت اتعيط بس راح صوتهة وانخرست من الخوف طلع يمان اجاهة وهو سكران صعد لغرفتهة وهو ميدري ابنفسة اجة عليهة وهي بس تبچي وادگلة لاا لاا حباب انت اشدسوي اشصعدك اهنا اطلع رووح.
يمان : نا ..نا.. نادين احبج لتعوفيني مثلهم لتأذيني احضنيني خل انام ابحضنج بس هالليلة خليني انام ابحضنج وهي بس صافنة عليه وتبجي ، خايفة ليسوي بيهة شي.
يمان : لتخافين مني نادين وخر الغطة عنهة اشوية اشوية ونامت وهو نام على صدرهة وخلة ايدهة على چتفة حضنيني حيل.
نادين اكتفت بالسكوت ومعرفت ليش هي سكتت هيج ومحاولت اتسوي شي واتبعدة عنهة.
يمان : ريحتج اجننن مثل متوقعتهة وحضنج بعد احلى.
غفة يمان وهي بقت گاعدة ظلت اتباوع عليه وتتأمل ملامحة شعرة الأسود ليل ايجننن ولحيتة واشواربة ورموشة اتمووت وجسمة كلش حلوو بقت تلعب ابشعرة وكمشت رموشة دااتشوفهن حقيقيات لو لا واتأكدت طبيعيات ذني ياربي ، بعدين حطت ايدهة على خدة وابأظافيرها تلعب ابلحيتة وظلت اتباوع عليه وگاعدة لصبح ولا غفت خافت اتنام.
صار الصبح وهي توهة غفت گعد هو لگة نفسة يمهة وابحضنهة وهي غافية استغرب وگال لنفسة اني اشجابني اهنا. وباوع عليهة وگال : ياربي شنو هذا القمر لأني نايم ابحضنة شنو هذا الصباح لو هيج المرأة الواحد ايصبح ابوجهة لو ماكو.
جانت نايمة وملامحهة مثل الملاك اجنن ولابسة دشداشة خفيفة بارزة جسمهة.
هو اتخبل عليهة من شافهة هيج ، لج مستحيل اخلي بشر غيري ياخذج لو اعرف اموتج والله ومااخلي غيري ياخذج.
خلة ايدة على رگبتهة ونزلهة اشوية اشوية وهي حست وجفلت وگامت اتغطي نفسهة ومتعرف شتسوي.
يمان : صباح الخير يا احلى ملاك.
نادين : والله ولا كأنك امسوي شي.
يمان : گتلج صباح الخير جاوبي على هاي وبس.
نادين : صباح النور
ليش اتباوعلي هيج لتباوعلي ابهاي النظرة رجاءاً وظلت تبچي لأن هو شافهة ابهيج شكل وشاف جسمهة ونام ابحضنهة لصبح ومگدرت ترفع عينهة عليه.
نادين : احس نفسي ولا شي كأني وحدة من الشارع اني كرهت نفسي حيل وكرهت جسمي.
يمان : انت اشدتحجين انجبي هذا الكلام متحجي افتهمتي لو لا وبعدين اني مسويتلج شي ، وانتِ ملكي واني مااعوفج ابد خليهة ابالج اوكي، گومي لبسي شي وحضري نفسج لدوامج اني اريد انزل اشلون گومي وهذا ابن عمي دينتظرني دااروح وياه.
نادين : اني مااروح اليوم لدوام عندي شغلات اريد اكملهن.
يمان : هاي اوكي بالبيت يعني؟
نادين : اي.
يمان : يلة انزلي شوفيلي طريق داانزل .
لبست روب ونزلت وهو وياهة نزل وايباوع عليهة اكلهة اكل ابنظراتة ، وشافت البنات نايمات بعدهن فتحتلة الباب وطلع وقبل ميطلع حضنهة حيل وباسهة من رگبتهة ،نادين : يمااان لااا وسكتت وحست ابشعور مو طبيعي تجاهة وبقالهة اثر حتى كل متشوفة تذكرة بي.
طلع وسدت الباب وراه ورجعت للبيت .