عَشِقتُ مُعذبي

١٦

سارة : بنات اليوم ماما عازمتكم عالغدة لتسوين شي نادين اوكي يعني ماعدنة شي بس انحضر نفسنة وانخلص شغلنة حتى انروح لحنة نهى.
نادين : صدگ اي عفية خالة همزين وفرتي علية، حتى انروح انسوي شعرنة وانمكيج زين والفستان ماادري شنو حلبس ممحضرة فستان بنات عفية هي بالقاعة حتسوي الحنة وماكو بس بنات بعدين يجون اهل الولد مو؟
حلا : اي بالقاعة حتسويهة وانطتنة العنوان ، أكلج ليش متلبسين الفستان الأسود العجبج شدگولين حتى اروح اجيبلجياه واجي ابسرعة وهم اگول للحباب العندي اخوية الغالي ليث ايوصلنة لأن محد حيوصلنة ولازم اروح اتلوگلة اشوية واكيد اجيب سيرة ايمان الغالية فديتهة.
ايمان : اووف مصلحچية شحجي وياج.
نادين : صدگ حلا عمري اخاف تلبسي انتِ ترة عادي البس غير شي اذا انتِ تلبسي.
حلا : لا حياتي اصلاً حلبس غير شي مو شوفتلكمياه الفستان الفيروزي القصير.
نادين : هاا ايي والله كلش حلوو عليج ، اوكي لعد اذا متلبسي جيبيلياه من تجين.
حلا : تدللين.
راحت حلا وايمان لبيتهم وسارة راحت على بيتهم اتحضر وية امهة واختهة الغدة قبل ميجون البنات ونادين حضرت نفسهة وسوت شعرهة واخذت غراضهة وطلعت لبيت خالتهة وقفلت كلشي.
التموا البنات وسولفوا واتغدوا وگامن ايحضرن نفسهن وصارت الساعة ٤ اجة ليث عليهم نزل وسلم على عمتة وصاح البنات يلا بنات امشن اذا تتأخرن والله اروح ومااخذجن ترة افتهمتن.
نزلت سارة تركض : اجيت اجيت خلصنة يلة بنات ونزلت وراهة حلا وايمان ونادين.
لمن نزلت ايمان ليث وگف عقلة وقلبة من شافهة گال ابداخلة: يا بنت ال... اوووف هااي شنوو كل هذا صبرني ياربي قبل ماارتكب غلطة.
ايمان جانت لابسة فستان ماروني وچتفة نازل وامنزلة شعرهة ابشكل بسيط وطالعة ملاك 👇🏻

ليث احترگ دمة وطلع صعد ابسيارتة وگعد ، اجوي البنات صعدوا وباوعن عليه وظلت وحدة اتباوع عالثانية وهو امبين على شكلة متعصب وضايج بس ميعرفون اشبي حرك السيارة وطلع وگال لحلا : انتِ حتروحين هيج حضرتج ابهذا فستانج لمصلخ اهناك اتذبين عباتج وشالج حتى الكل تتفرج عليج  محد مالي عينج انتِ لو شنو قصتج .
حلا صفنت وباوعت على نفسهة اني فستاني هيج زين اني اصلاً ممحجبة هذا اشبي ؟ اهاااا هذا قصدة عليهة :اشبي لبسي ولك معاجبك لازم؟
ليث: لا معاجبني حلا معاجبني كلش وترة والله هسة ارجعج للبيت افتهمتي لو لا.
حلا : لا على بختك يمعود لترجعني اذا طبوا جوة اخلي شال ومااشيلة احنة بس بنات اشبيك يا عيني خليك ريلاكس اشوية.
ليث : اشلوون ولج اشلون راح اتحمل فهميني باعي اني اهنا مراح اتحرك من مكاني انتظرج بالباب ومن يجون تطلعيلي متبقين جوة ولا اتخلين شال ولا هم يحزنون افتهمتي قلبي.
حلا : اي افتهمت حبيبي افتهمت.
طبعاً همة يحجون وهو ايباوع عليهة بالمراية وحلا تندار عليهة وتحجي وياهة وهي خجلانة حيل واتريد تكتل حلا وليث عالسووا بيهة.
ايمان : حلا اني مااطلع وفستاني ابقة بي هيج اوكي حياتي.
ليث : والله ؟!!
وگف السيارة واندار عليهة شنو عيني اشگلتي شوفي باباتي خلي ابالج اذا حتنزلين منا اكسر رجليج اثنينهن ، يلة بنات انزلوا وصلنة
وانتِ خليج لأن السانج ينرادلة گص والباقي ينرادلة ...اااه ..اووف ربي انزلوا انزلوا.
ايمان : حلا شنو هاي وين نازلين وعايفيني بنات حبابة حلا گليلة حبابة خل انزل وياكم هسة اتصير مشكلة والله بس يجون اطلع حبابة.
ليث: هاهي انزلي بس قسماً بالخلقج اذا مطلعتي من يجون احرگج حرگ اسحلج من جوة واصعدج بالسيارة افتهمتي.
ايمان : اي اي افتهمت اول ميطبون اجي.
ليث : يلا روحوا هاهي.
البنات : يلا باي.
نادين : امشوا بنات امشوا قبل ميغير رأية ويسحلنة كلنة وياج ايمان.
ايمان : عفية بنات اركضوا خل انطب ابسرعة حلا شوفي ديباوع علينة.
حلا : والله اخاف اندار هسة ايسويلة سالفة.
سارة : طلعت تمشي قبل البنات واندارت عليهن يلا بنات امشوا اسرع بس هي دااتشوف ليث ديباوع عليهم لو لا.
سارة: اي بنات بعدة امراقبنة يوومة.
ايمان : حمووت من خوفي.
وصلن البنات وطبن للحفلة وسلمن على صديقتهن وباركولهة ورگصن والحفلة جانت اجننن ومن اجوي الولد طلعت ايمان لگت ليث ينتظرهة بالباب وراحت وياه صعدوا بالسيارة واخذهة ليث لحديقة قريبة عالقاعة وبدة يحجي وياهة ليث جان متردد بالبداية خايف متوتر منهة مجرد النظر الهة ايوترة كلش بعدين صارحهة ابحقيقة مشاعرة وهي هم حجت لبقلبهة ألة فرح حيل لأن طلعت هي هم اتبادلة نفس المشاعر وبعدين اثناء حجيهم سكت ليث وظل صافن على عيونهة ويحجي ابداخلة ياربي هاي عيون لو عذااب هي باوعتلة ابنظرة اتموت كلهة حنية متحمل نفسة وباسهة هي استحت حيل وظلت امدنگة فگللهة والله جنت حاس طعمهة عسل.
وجهة صار احمر من الخجل ورادت بس تنهزم منة، گللهة ارتاحي ولتخافين ولتخجلين مني هسة حنرجع نوگف للبنات بين ميطلعون اوكي.
ايمان : اوكي.
ورجعوا وگفوا للبنات دينتظروهم واثناء انتظارهم طلعت نادين تبجي والبنات وراهة ......
ايمان : هاي اشبيهة نادين شنو اللي صار ؟!!